منتدى بريدة - قــلــب مـحـــتــــار وروح حـــلــــوه

هلا فيكم

انا مره بالرياض ولقيت واحد من اقاربي جايب قطه هي وبنتها من السوق يوم الجمعه وكشرت يوم شفت القطوه الصغيره اللي عمرها تقريبا شهر ونص وكانت صغيره باللحيل انا كشرت علشان لونها اسود وما عجبني لكن لون امها عجبني لانها لونها ابيض

المهم اخذتها من قريبي قلت ابجرب تربيتهم وجبتهم معي لبريده وكنت حاطهم بشبك وكانت القطوه الصغيره ما غير تناظرني اذا فتحت لمبة السياره لانه كان بالليل ماسك طريق بريده

و أول ما جيت لبريده طلعتهن من الشبك 00 ولا لو وريك اول ماطلعت بدن يتمغطن معروف عنهن انهن اذا كانوا محجور عليهن بمكان او توهن صاحيات من النوم معروف انهن يتمغطن واول ما يروحن بعد مايتمغطن عالطول يروحن لطرف الكنب ويطلعن اظافرهن ويبدن يخربن الكنت وهذي طبيعة بالقطط00

المهم مع مرور الوقت اكتشفت ان القطوه الصغيره السوداء اللي كنت اكرهها اكتشفت انها خفيفة دم وتحب تلعب والغريبه انها محافظه على نظافتها قوووووه عكس امها دايم صايره كده وشايفه حالها00بديت احب القطوه الصغيره واكره القطوه امها 00

المهم ما يروح يوم الا وهي ودها تلعب معي ودايم تهبل بي بخفة دمها 00وانا طبيعي اذا صار بالليل انزلهم واحطهم عند السلم ( الدرج ) واذا صحيت من نومي الصبح واذا جيت افتح الباب الفوقي اللي ينزلني علشان اروح للدوام اول ما يحسوا اني ابفتح الباب 00 عالطول تجيني الصغيره زي الصاروخ ودها تدخل جوا ههههه وصارت على الحاله تقريبا 15 يوم وهي كل ما اجي انزل تجي طايره لمي 00 لمين عرفت انه ما فيه امل تدخل للدور الفوقي في اوقات خروجي للدوام00 والغريبه اني اذا جيت للبيت الظهر اول ماافتح الباب الداخلي عالطول تقول نيووووو ( طبعا انا فاهم لها يعني انها جوعانه ودها تتغدأ واول مااطلع للدور الفوقي تجي تسبقني وتطلع فوق قبلي واذا وقفت وقفت واذا رقيت رقت 00 واول ماافتح الباب الفوقي عالطول تروح طايره للمطبخ وتاقف عند باب الثلاجه لانه تعرف ان اكلهم حاطه بالثلاجه 00وعالطول اخليهم ياكلون 00 الغريبه اننا اذا شغلنا مكنسة الكهرب عالطول ينحاشووووون ويتغبون في اي مكان هههههههه واذا جيت لمها ومسكتها الاقي قلبها يرجف قوووه من الخوف حتى امها الكبريش تخاف من صوت المكنسه الله لا يعيد امها اللي شايفه نفسها 00 ومره من المرات امها تبي تلقيح لان معروف عن القطط انه لازم يكون فيه وقت بالسنه تكون القطه محتاجه لذكر والعكس الذكر يكون محتاج لانثى00 المهم رحت لمحل طيور ولقيت قط شيرازي وقلت لراعي المحل ابي القط ايجار يومين واخذته وجبته لبيتي واول مادخلته عندهن عالطول يهاجمونه باصواتهن لانهن مايبن غريب 00 المهم الذكر والاثني لقحوا بعض 00 لكن القطوه الصغيره غضبانها من امها وما غير الا تهاجم امها بالصوووت لانها زعلانه من امها ليش الذكر يلقحها 00
وبعدها اخذت الذكر ووديته لراعي المحل ومرت الايام وبديت احس ان القطوه الام بدا بطنها ينتفخ وبدت اذا قربت بنتها تضربها لانها ماتبي احد يلمسها بسبب انها حامل وبدت ما تاكل كثير بسبب الحمل والغريبه انها تحب تتغبا تحت السرير لكن انا اطردها دايم 00 ولما سالت ليش تحب القطو الحامل انها تجلس بمكان مغلق قالوا لي لانها حامل وتبي مكان تتعود عليها علشان اذا جت تولد 00لكن انا ما سمحت لها انها تجلس بمكان اجلس فيه 00
ومن خفة دم بنتها القطوه انه في يوم من الايام ضربتها وانحاشت وكنت مسكر الباب الفوقي وتنونو والغريبه انها لما انحاشت ووصلت للباب الفوقي ويوم شافتها مسكر بدت تنط نط لم عروة الباب علشان تبي تفتح الباب ههههه سبحان الله تعرف ايش هو اللي يفتح الباب
وراحت الايام جيت ابروح للدوام الصبح وانا نازل لقيت القطوه الصغيره طايحه من فوق ولا تقدر تمشي لانها ماتقدر تحرج الجهه اليسري من جسمها واستغربت ويوم صار العصر وديتها للطبيب البيطري وبطها ابره وراح اسبوع ولا فاد فيها لانها ماتقدر تمشي ووديتها مره ثانيه للطبيب وقالي القطوه هذي مشلوله شلل نصفي 00 انا رحمتها قوووووه وتذكرتها يوم دايم تلعب وتنط نط نها تحب اللعب كثير00

ثم انا قررت ابيعها على المحل وقلت واو كيف يبي يشتريها وهي مشلوله واخذت امها وهي ووديتها للمحل وقلت له اببيع القطوه الام وبالنسبه للقطوه الصغيره ما ابيها 00 قالي ابو هنود القطوه الصغيره ما ابيها قلت لا لازم تاخذها لاني ماابي اخليها لحالها وانا بنفس الوقت ما ابيها تموت عندي 00
يوم وافق ابوهنود يشتريها اخذ الشبك وفتح الباب علشان يطلع القطوه الام من الشبك اول ما دخل ايده عالطول مخشته من عند ايديها ثم خاف ابوهنود قالي ماابيها ( لانها ذي اسد مب قطوه ) هههه قلت له مخشتك لانها حامل وما تبي احد يلمسها وقلت لا بو هنود خذهم كلهم مجانا ماابيهم 00 واخذهم ورحت عنه
وبعد يومين اتصلت على المحل وقلت له كيف القطوه الصغيره وأمها
قالي القطوه الصغيره ماتت بنفس اليوم 0لكن القطوه الام ولدت واكلت عيالها انا ماصدقته وحلف لي انها بعد ماولدتهم اكلتهم 00 ولا ادري هو صادق او يكذب 00 وانا فسرت الشئ وتوقعت انها اكلت عيالها لان بنتها ماتت بجنبها وهم محبوسين مع بعض بالشبك بالمحل واكيد ضاق صدره كثيرررر

واليكم صورهم بس اكيد راح تكشرون اول ماتشوفون صور القطوه السوداء الصغيره 00 لكن صدقوني دمها خفيف وتحب تلعب

http://www.up-00.com/h1files/eDk48207.jpg

هذي يوم هي صغيره عند قريبي بالرياض قبل مااخذها منه

http://www.up-00.com/h1files/24q48207.jpg

هذي امها عند درج البيت عندي

http://www.up-00.com/h1files/UMQ48207.jpg

هذي بنتها نايمها وممده رجليها وايدينها ههههه عايشه جو النوم

http://www.up-00.com/h1files/WC148410.jpg

يا خف دمها نايمه بغرفتهن وبردانه ههههه

http://www.up-00.com/h1files/MVl48410.jpg

وما زال نومها مستمر

http://www.up-00.com/h1files/zZU48410.jpg

الله يقطع بليس ودها ترقى فوق الكنب علشان تلعب بالستاره

http://www.up-00.com/h1files/KDM48584.jpg

شوفوها تبي تنزل بعد مالعبت بالستاره

http://www.up-00.com/h1files/Dew48584.jpg

يالسوداء هههههههه

http://www.up-00.com/h1files/QGY48584.jpg

شايفه شي وتبي تنط تلعب

http://www.up-00.com/h1files/Vly48725.jpg

جالسه تتمشي بغرفة الجلوس

http://www.up-00.com/h1files/9AF48725.jpg

مسكينه بردانه هههههه

http://www.up-00.com/h1files/yTJ48725.jpg

امها ونظرة سخريه ههههه

http://www.up-00.com/h1files/Rdu48870.jpg
نايمه فوق كنبهم هههههه

http://www.up-00.com/h1files/yMK48870.jpg

دايم تحب تجلس ورا التلفزيون ههههه

http://www.up-00.com/h1files/VSP48870.jpg