|
تعاو يا اعضاء شوفو لي حل بعد الله في حالتي ---تكفون الكل يدخل تكفون
بسم الله الرحمن الرحيم
السلام عليكم ورحمة الله وبركاته بصراحه مدري ويش احكي ترددت بكتابة هالموضع بس قلت لعل الله يفديني برايكم الصائب انا قبل ثلاث شهور تقريبا حضرة عرس والحمدالله عدى على خير ثاني يوم تقريبا قمت 12 بليل ابكي واصرخ اقول بموت مكتومه خلاص انتهيت انكتمت وضربات قلبي تزيد وتوقف حاله غريبه وودوني اهلي المستشفى وعلى طول تخطيط قلب واشعه وتحاليل والله وانا بالمستشفى تزيد ضربات قلبي وتهد حاله غريبه وبعدين قالو سليمه مافيها شي علاجها مو بعندنا ورحت مستوصف خاص ودفعت مبلغ وسويت كل شي قالو مافيها شي طيب ايش الي احس فيه خلاص والله صرت ما اشوف والله وجهي صفر صار اصفر يجونا ناس اش فيها ماندري ابكي واصرخ انكتم ضربات قلبي تزيد بوقف قلبي مادري ويش في حاله تجيني من 10 بليل الى 12 اصراخ وبكاء فضيع صلاه ما اصلي مثل الناس اصلي وانا قاعده وما اتحصن مثل قبل شي يردني عن الذكر جبت زيت زيتون مقري فيه ودهنت جسمي وقامو يرقوني وربي بكاء فضيع فضيع وروشوني بسدر وطلع بجسمي بقع زرقاء وكدمات كنها ضربات احد طايح في ضرب جسمي كله ازرق وبكاء وكتمه وحاه فضيعه فقدت لبصر والله والله ما اشوف شي غباش على عيوني يقلون لي انتي سكرانه شاربه شي خلاص بالجامعه يقلون شكلك نعسانه النوم طارحك وانا مو نعسانه لكن عيوني خلاص ذبلت ذبلت كل شي فيني ذبل رحت السبت الجامعه ومسكت صحبتي وقلت ابي فضالي كل بنات الجامعه وحكيت لها وربي وربي اغسل يديني وجهي بمرينداء وعصيرات خلاص هلكت تعبت مدري ايش اساوي ورحت واخذ واغسل انا ما اضلم احد بس للاحتياط وكل محد جانا ناخذ فضلته واغسل بها والحمدالله خفيت وربي غسلت ببقايا اكل وربي شي انقشع عن عيوني احسني بعالم غير الحمدالله احسني خفيت اسمع رقيا ماهر المعقيلي جدا رائعه وبعد كم يوم وانا على هالحاله ادهنت بزيت وقامو يرقوني والله والله بكينت بكاء فضيع وصراخ والله احس روحي بتطلع خلاص ابكي ابكي وبعدها تروشت بسدر خلاص سبحان الله جسمي كله بقع زرقاء وخفيت شوي وارتحت لكن المشكله في ايش كرهت الناس كرهت العالم والله حضرت مناسبه بعدها بكم شهر اتصلت على صحبتي اقول بصرخ ببكي خلاص ماني قادره اكره تجمعات النا س اتضايق فيها اي احد يقلي كلمه احس ترجعلي نفس الحاله هالحين انا اعاني من خوف شديد من توتر من قلق فضيع اخاف من اي شي وسواس توتر اخاف من كل شي نصيحه لكل بنت نصيحه من قلب يعاني نصيحه مني نصيحه وبتتذكرون كلامي مهما اعطاكي ربي من اي شي من حلاوة لسان مع الصغير والكبير لا تبينينه للناس لاتضهرين اي شي عنك وربي بتتعبين وربي بعض الناس مايذكر الله انا هاليوم جاني كلام وربي ببكي تعبت رجعت لي نفس الحاله خلاص قلت بسافر عن ديرتي لاني تعبت عزفت كل شي اي احد يقدر يساعدني لا يبخل انا ووربي ماكتبت هالكلام لى ابيكم تساعدوني ادعولي تكفون تكفون ادعولي ان ربي يشفيني ساعدوني باي شي بارقام شيوخ باي شي عندكم تكفووون تكفووون |
الحمدالله على السلامة وطهور عليك ولا باس ودوامي بقراءة القرآن وماتشوفي شر وتعلقي بالله .. هو الشافي .. وإن يمسسك الله بضر فلا كاشف له إلا هو .. الله يشفيك وجميع المسلمين . |
الحمد لله على سلامتك .. وأشكري ربك على هذه النعمة فما أصابك ليس إلا تكفير لسيئاتك .. فما يصيب الإنسان من نصب وهم إلا رفعة لدرجاته وتكفيرا لذنوبه النايفة بنت أملج .. لاتنسي قراءة الورد في كل صباح ومساء فهو الحافظ بعد الله |
اقتباس:
اكيد الواحد لزوم يتعلق بالله بكل وقت من عرف الله بارخاء يعرفه الله بالشده طبعا الله هو الشاافي المعافي ونعم بالله امين الله يشفي الجميع |
اخي تويكس الحمدالله يارب الحمدالله بالسراء والضرء الحمدالله على كل حال
امين الله يغفرلي بما اصابني ويحمني برحمته يارب كنت محافضه على ذلك والله اكتب ودمعتي ب عيني لكن بعد ما اصابني عزفت عنه واجتهد واجتهد واضغط على نفسي لاكن لا اكمله |
أسأل الله لك الشفاء العاجل
أرسلك رقم شيخ بالخاص إن شاء الله يفيــدك |
الله يشفيك اختي ويعافيك
ويشفي جميع مرضى المسلمين العين حق اختي ارقي نفسك بـ آلآيآأإت الخاصصةة بـ العين والحسد والله يشفيك ويعينك |
اقتباس:
بنتضارك ياوخيتي مع اني عارفه ان الله هو الشافي المعافي لا احد غيره ولكن الانسان لابد ان يفعل الاسباب لايقعد مكفوف الايدي حتى يحقق معنى التوكل انه توكل على الله في اوموره ثم فعل الاسباب وليس التواكل |
اقتباس:
امين امين الله يشفيني وجميع مرضى المسلمين فعلا العين حق الله يكفينا شرها يارب لا تحرميني من دعواتك بضهر الغيب |
إجعلي إيمانك قوي بالله وسوف تشعرين براحة بال وهدوء
ربما انتي خائفة مما حدث لك وتنتابك وساوس لاتهتمي لمخاوفك ووساوسك تغلبي عليها بتعوذ من الشيطان وقراءة المعوذات وآية الكرسي وأيضا سورة الفاتحة سبعاً فهي شفاء وربما يكون مرض عضوي ولكن لم يشخص بعد. إن الأمراض العضوية تسبب أزمات نفسية قوية . الله يشفيك . |
اقتباس:
|
الله يكتب لك الشفاء عاجلا غير اجل انا سمعت شيخ يقول قرأة سورة البقره يوميا لمدة شهر.تشفي من الحسد وغيره ابحثي عنها في قوقل حفظنا الله واياك |
الله يشفيك ويعافيك يارب
وداومي على قرأه الورد ودائما ارقي نفسك وماتشوفين شر يااارب |
الحمدلله على سلامتك وماتشوفين شر
والله يجزاك الف خير على النصيحة وان شاء الله الجميع ياخذ العضة والعبره |
الله يشفيك ويشفي مرضى المسلمين يارب
اختي روحي لشيخ خله يقراء عليك وداومي عليه وان شاء الله يارب ماتشوفين شر |
| الساعة الآن 12:25 pm. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة