منتدى بريدة - وسط زحمة ذكرياتي جلسـت بـ مفـردي...~

[right]
كل ما ظليت افكر بـ نفسـي .. و اهتـدي
للتفاصيـل المملـه .. بـ إيجـازٍ شـديـد

فز .. حلمٍ في جفونـي ، و بعثـر مرقـدي
حلم ظنيتـه تلاشـى ، و عيـا لا يبـيد !

قلت : الأرض تدلني .. دلني ويـن اغـدي ؟
لا غدت بـ دروبي الأرض للخطـوات قيـد

و امس مدري وش حداني من الحظ الردي
أمس مدري وش هداني من الراي السديد ؟

للمكـان اللـي بـه اللانهايـه تبتـدي
المكان اللي تعودت اجيـه بـ كـل عيـد

رحت له من غير موعد ، و جيت بـ موعدي !
استجد الذكريـات القديمـة و استعيـد

اذكـر انـي كنت اشـك ان موتـي مولـدي
و كنت متأكد بلا شك .. ان الشك اكيد

كنت احس اني مثل كل شـيٍ سرمـدي
ابتدي .. ثم انتهي بـ البدايـه مـن جديـد

كانت الطيبـه صلاتي ، و قلبـي مسجـدي
كنت في فرحي .. اقل بـ كثير من السعيـد

كان صمتي حرف تاسع و عشرين ابجدي
كان صوتي عاصفة ريح ، و شفاهي جريـد

كان صدري بير من حوله ضلوعي مـدي
فيه قلبـي دلـوٍٍ معلـق بـ حبـل الوريـد

كان يومي .. أمنية أمسي و ذكرى غـدي
تنقص الأيام ، و لكن مع الذكرى تزيـد

وسط زحمة ذكرياتي جلسـت بـ مفـردي
كيف كل الناس فيني و انا فيهم وحيـد ؟

و شفت مثلي طفلٍ بـ مفرده يجلـس هـدي
طفل يشبه كل الأطفـال لكنـه فريـد

من لمحنـي جانـي بـ كـل ما فيـه يعـدي
يسبق الخطوات كنه من اقدامـه طريـد

و التقينا بحـر هايـج و قـاعٍ جرهدي
نفس تطويها المسافه و نظره من حديـد

قال : الأرض تدلنا ، قلت له : ويـن نغـدي
لا غدت بـ دروبنا الأرض للخطوات قيـد ؟

و الغريبه يوم مد ايـده و صافـح يـدي
ما لمست الا جسدي يوم قال اسمه : رشيد ![/right]

رشيد الهام