​

فمان الله سافر للنصيب وديرة المقسوم
فمان الله سافر للحنين وحلل أشواقي


فمان دموع عيني والغرام وحبك المرسوم
مثل نقش الحجر في وسط قلبي له أثر باقي


فمان الله فاتت شرهة الخافق ووقت اللوم
لك الله ما بقت غير الدموع تباغت أحداقي


ولا باقي سوى جسم(ن) نحيل وناظر(ن) محروم
يراقب شمس(ن) أقفت من سماي وشالت اشفاقي


زمن عدى على ذاك الفراق اللي تقول اليوم
وأنا أرشف من يمين الجرح نزفي وأشكر الساقي


نبت للحلم ريش وقلت أهده في سماك يحوم
ولكن خانت فجوج الوساع وضاقت آفاقي


رحلت وكل حرف ما لبس من هالكلام هدوم
تذكر يوم أصافح غيبتك وأمد خفاقي ؟


أنا للحين مدري هو أنا الظالم أو المظلوم
أنا مدري وإذا تدري تعال وفتش أعماقي


أعرف إني سقيت الليل دمع ولاظهر به نوم
عقب ما مرني فصل السهاد وحتت أوراقي


فراق مر في حدب المحاني تقل خِيذة قوم
ضحى مني نهبك بغفلتي واستسهل وثاقي


يقولون العرب أن الأوادم ما عليها وسوم
وأنا لو أدري أنك من نصيبي ما أنكسر ساقي


يمر الشعر في درب الجديد ولا يجيب علوم
بقى عندي كلام من رحلت يدور اعتاقي

هلا بمن جاني على كف القدار
وهيج اشجاني وزود حنيني

رسمت في كفي علامه وتذكار
من لوعتي يا ريم متنام عيني

وقت اذكره كل مابنيته بينهار
من شقوتي آه ياحسافة سنيني

يهز روحي شوق مدمر كالاعصار
وقول يمكن دارة الارض فيني

من اجلها بصبر على كل ماصار
لعلها في الحلم يوما. تجيني

بس الزمن والوقت ياقلب دوار
وقول تصبر يا فؤادي الحزيني

من الغرام والحب نوم العيون طار
قسمت عقلي بين خلي وبيني

يا طيور ياللي غاديه فوق الشجار
خفي زجيلك والهديل واسمعيني

قولي لمن خلى فؤادي على نار
والجسم محموم والكمدفي جبيني

والوقت قرب فيه بصفار إنذار
يشل روحي. مثل. سيل العريني

هذا قصيدي ليس حلقة علمدار
ولا مسلسل حب بينك وبيني

بكتب قصيدي وارسله عبر الاقمار
وبشهد العالم. بحبي الدفيني

زرعت بستانك رياحين وزهار
والفل اسقيته بلهفة حنيني

هذه الحياه ياصحبتي كلها اقدار
با واجه الاخطار. وربي. يعيني

عرفتكم قصة عليا الزمن جار
وهلكت روحي بنتظاره . يجيني

للحق اقول عنده وفاء سيف بتار
يستاهل الحب نور عيني اليميني

بقلم :
علي احمد صلاح المقدشي

ياحروف القصايد خاطري في قصيده
من هواجيس بالي غير كل القصايد

كل بيت(ن)في بالي رحت اجره واعيده
لجل البس قصيدي عقد ندر القلايد

الوفا ميزت(ن)فالقلب ماهي جديده
الجديد العنى اللي داخل الروح زايد

الزمن ماذخرلي غير حاجه وحيده
القلوب القريبه في نهار الشدايد

الليالي طويله والمساري بعيده
وماخسرنا؟ كسبنا فالصداقه فوايد

داخل القلب والا ان مشى في وريده
منزلك ياغلايه داخل القلب شايد

ومنزل العز مبني فالصفات الحميده
ومايشيله سوى منهو فعوله فرايد

والصداقه تراها من حبال(ن)وتيده
والغلا جيش قاده داخل القلب قايد

الوصايف كثيره مير حاجه اكيده
مالقينا سواتك واعلنو فالجرايد

ياغلاف المجله ياغلاف الجريده
اكتبوها مدام الحرف للشعر رايد

ياحروف القصايد يابيوت القصيده
بيضي وجه منهو فاق كل القصايد



منقووول :cool:

كل جرح في حيآتي مر بي جدا يهون..
غير جرح في ظروفي صعب دوم أتحمله..

وقتهآأستقوى عليه ناس أبد مايرحمون..
ودهم لو كل من مثلي تجيه الغربله..

انكسرت وتذرف دموعي من عيوني مزون..
حلم عمر قد رجيته جاه من هو يقتله..

آه ياحلم قتيل وآه ياقلب محزون..
وآه منك ياجواب مالقى له أسئله..

وآه ياصعب الزمآن اللي مع العذال عون..
والله إن جروح ذاك العام في مطوله..

ليتهم عقب الشماته عن حياتي يرحلون..
والعوض من عند ربي في ليال مقبله..

إلتزمت الصمت يكفي وانحبس دمع العيون..
أعتبر صمتي شجآعه بالضروف المعضله..

بنت وعزيت نفسي عز طلع في غصون..
ودي أضرب للعذل فالصبر بأروع الأمثله..♡

يا وجـودي يا حيـاتي يا هـواي
انت وحدك من فـؤادي محتوي

جـود لي بالوصـل يتبدد ضماي
وارتوي بالكأس واثمل واستوي

شـوفتـك يا فاتني تطفي لضاي
لا تدعنـي يـوم بالجـمـر اكتـوي

في وجودك تنقشع غيمة سماي
وانتـهى هـول الطـريق الملتوي

فإنت بالترحال لي قـوتي وماي
وارتشف كاسات واهناء وارتوي

لا الموده داءولا اخلاصي خطاي
كيف ترضى لي من البعد اشتوي

الشاعر : منصر عبدالله العمري ،،

‏تعبت اصارح واعطي الناس بوضوح
ولا' فيهم اللي واضحٍ لي ... صراحه
ولا' قدرت اسري مع الناس .. واروح
وهاجوسي 'المسجون مطلِق سراحه
رغم الأمل (في داخلي) باني صروح
أنزف ألم .... والقلب تدمي جراحه
صدري شتات الأمس وكتاب مفتوح
وعمري زمن مكتوب ؛ تعصف رياحه
ما' بالحياة اسرار .. والعلم مفضوح
و (التالي من الجيل)؛ ماخذ مساحه
العصر الاول.. ماضي اجداد مشروح
عصر النقى، والطيب مشرق صباحه
من عاصر الجيلين .. واشقنّه جروح
وافنى حياته.. بين ... يسر وسماحه
جاوز حدود الصبر؛ ضاقت به الروح
ما غير - ذكر الله - يعيــــد انشراحه
في كلمته نوحه.. وفي صمته البوح
وفي وحدته عن هرجة الناس واحه
واليوم، انا ما لي مع الناس مصلوح
لا قلت قول الصدق؛ والصدق راحه
والا بصراحه معطي الناس بوضوح
وما فيهم اللي واضحٍ لي.. صراحه
#بندر_الخنيفر