منتدى بريدة - من لايحطك في إهتمامه دقايق .. بالك تحطه في إهتمامك ثواني

منتدى بريدة (https://www.buraydh.com/forum/index.php)

- ديوانية الشعر والأدب (https://www.buraydh.com/forum/forumdisplay.php?f=29)

من لايحطك في إهتمامه دقايق .. بالك تحطه في إهتمامك ثواني

ياقلبي أدري بك من الهم ضايق .. تشكي من الفرقى حزين وتعاني

من لايحطك في إهتمامه دقايق .. بالك تحطه في إهتمامك ثواني

خلك من الأوهام عش في الحقايق .. ماراح راح وْعدّه بْكان كاني

حب الطرف ميّت وللموت سايق .. وإن عاش يومٍ مات في يوم ثاني

حبٍ حواه البرد ماهوب لايق .. للشعر وحروف الشعر والمعاني

إما أعيش العشق مثل العشايق .. وإلا بلاش العشق وأجلس مكاني

الشاعر اللي في ظلامه عذابه

الشاعر اللي في ظلامه عذابه
يا كم ذبح لك م الليالي غواليه

قلبه على كفه هدامن خرابه
ويفل قلبه م البلا ثم يطويه

الموت يعشق منه حضرة جنابه
ولا مات ليل الصب بالقاف يحييه

كم هو شكى لك ف القصايد صبابه
ولا يفيده منك ما كان يشكيه

حمام ياللي فوق غصنه لعا به
سديت انا الاذان والقلب يوحيه

بينه وبين الحلو بعض التشابه
ينخر فوادي جعل ربي يجازيه

ذكرتني حورن غضيض شبابه
عشق المرايا ويسحرني اشافيه

الليا مشى يشبه مرور السحابه
لا ريث مشي ولا عجيلن خطاويه

ياكم سقاني من خذارف سرابه
يقول انا بارويك من ثم يظميه

اشبه لحرفن غربتي في كتابه
نشاز حرفن موتتي من مماحيه

كن انخلق شهد العسل من رضابه
وجمرن يدفِّي شوفتي بس اشافيه

كني المحل والريح تنهل يبابه
تاخذه ريحن ثم الاخرى بتعطيه

واعيش له بين السعد والكآبه
ملوي حظ وزود الايام تلويه

تطمس حياتي لي ثقيل الرتابه
ويطرد فوادي سلوة(ن) ماتدانيه

ياكم فرحن خافقي قد نوا به
وكم تخلف الايام للقلب ناويه

كم هو بعيد ولا لقيته قرابه
ونسم الصبا تجلب علينا طواريه

واليوم ورق الراك بالنوح جابه
وقامت تخابط من خفوقي هقاويه

ورثت منها قوس زوج الربابه
وابكيه حين وبعض الاحيان اغنيه

غضيض طرفن يسحرك ضحك نابه
واكتبه قافن تنتحر بي معانيه

عابر السبيل

اللي يروح براحته وين ماراح

اللي يروح براحته وين ماراح .. لاروحه بيدّي ولا بيدْه روحي

كم مر صبح وصبح والليل ماطاح .. كم مر سمْع وسمْع ماسمْع نوحي

طعنت صدر الليل من غير مصباح .. وفضفضت لـ إذن الشعر حزني وبوحي

عمري مضى ماعشت به يوم مرتاح .. لنّي ضحية مبدأي مع وضوحي

سترت عورة حسرة وهمّ وجْراح .. وبْضحكتي دثّرت خافي جروحي

لا هاجيٍ وقتي ولا نيب مدّاح .. حزني حزن مكتوب في سطْر لوحي

ملامح الوجه الحسَن ..

يضيق صدري وأنا آشوف التعـب سارِق
مـلامـــح الوجـه الحــسَــــن يـا مبكيني

اليـوم شكلـك عـن الـبــارح شـكِـلْ فارِق
لا تحاول إتخبي وأنا حافِظْك في عيني

معـتـاد أشـوفـك ووجـهـك منوٍّر وشارِق
مـن ويـــن مـا رحـت نـورك لـك يقديني

دوبي إنتبهت إني في حبك قسـم غارِق
يـلــطـــف بـي الـلّــه والـلّــه بـك يهنيني

تدريْ إنك أودعـت في قلـبـي غلا حارِق
لا جـاك مــــكــــــروه ولا غـبـت يكويني

ثـلاثـه الـصـمـت وزعلـك ويومـك تفارِق
أشـيـــاء تـقــتــلــنــي ولا عـاد تحييني

يا سـارق الـقـلـــب مدري للحـشـا سارِق
يـخـلــيــك لـي ربــي و آنـا لـك يخليني

.. بقـلـــم ..

.. أحاسيس شاعر..