منتدى بريدة

منتدى بريدة (https://www.buraydh.com/forum/index.php)
-   إستراحة المنتدى (https://www.buraydh.com/forum/forumdisplay.php?f=19)
-   -   قصة الزنون يوم يغازل (مراهقة متأخرة) (https://www.buraydh.com/forum/showthread.php?t=218814)

الزنون 09-01-10 01:07 am

قصة الزنون يوم يغازل (مراهقة متأخرة)
 
[align=center]










السلام عليكم ورحمة الله وبركاته ورضاه ومرضاته واعز وأزكى تحياته
أدام الله علينا وعليكم نعمة الإسلام ما دامت الليالي والأيام




مرحبا يا حلوين كيفكم أن شاء الله بخير



هذي الله يسلمكم قصتي يوم أطيح بالغزل http://smilles.5d5l.com/smile_albums/other/19.gif




مرة من المرات عزمني صديقي ابو ضرس عنده بالمزرعة وقال تعال تعش عندي

عاد انتم خابرين الزنون أي عزيمة يجي قبل راعي العزيمة
شيء أكيد يبي البلع والوناسة


المهم ومير اجي واثر ابوضرس جالس بالمجلس ومشغل التلفزيون على قناة غنوة اللي فيها بنات يرقصن 0 وهو جالس يكلم بالجوال ويتضحك


واسمعه يقول ايه توني جاي من اليابان ابوي مرسلني هناك اجيب بضاعة


والحين بروح للمطار هذا السواق جاني يبي يودين عندي سفريه لسويسرا بروح ارتاح لي يومين هناك


وأنا عيوني طايرة http://smilles.5d5l.com/smile_albums/other/8.gif من يكلم ومن عليه ينصب المهم وهو يكلم قال خلاص الحين انا مشغول عندي اجتماع اكلمك من سويسرا

أنا أقول بنفسي من يكلم الثور ألداج

وسكر السماعة وهو يحكك بطنه قال ياخي المغازل وناسة والسواليف مع البنات رهيب

قلت من تكلم قال اكلم بنت والله يجزى العامل حق المزرعة خير أرسل لي رصيد بعشرة ريال وكلمت البنت http://smilles.5d5l.com/smile_albums/fun/mb180.gif

وقلت وش درآك عنها الله يأخذ هال وجه .. قال وربي صوتها يطلع القلب من محله .. و يخليك تذوب عشره كيلو شحم و تحرق كل السعرات الحراري http://www.kwales.com/smiles/images/ll/12.gif

ناظرني قال يا علي وليش أنت ما تغازل


قلت يا شيخ اذلف هناك ما غازل إلا أنا عاد البنات اللي يفتحن النفس


المهم قال هاك الرقم كلم وش يبي يضرك حاول تشبكها والله يدخل براسي الموضوع وأنا اخذ الرقم وبعد ما تعشيت طلعت.. و من زود العجلة طلعت من الاستراحة ركض للبيت .. و يوم وصلت البيت حسيت اني ناسي شي .. و تذكرت إني نسيت السيارة عند الاستراحة http://smiles.oo3o.com/yellow-smiles...1/p%20(32).gif المهم


دخلت البيت وسلمت على أمي وكالعادة تسألني هاه ياوليدي لقيت لك شغل ...قلت لها وأنا الابتسامة واصله لمقفى راسي من سعة الصدر .. شفتي هالرقم يمه .. أدعي لي بس أن الله يهون علي ((الأخ على وشك ولادة)) .. و يرد صاحبه على مكالمتي .. و إن شاء الله بتيسر كل أموري .. و يحقق كل أحلامي .. و هي ما قصرت الله يطول لي في عمرها .. مغير تدعي لي من تركتها .. لدرجة إني وأنا بالغرفة اسمعها تقول يا الله انك توفقه أو انك تفكنا من شره و تأخذه عندك شفتوا كيف ألحنيه! http://smilles.5d5l.com/smile_albums/other/23l.gif

واجلس أفكر وشلون اشبكها وأنا ما عندي أسلوب

المهم جلست أتخيل أني اسولف معها واني مرة أقول لها قصيدة http://smilles.5d5l.com/smile_albums/other/86.gif ومرة اغني http://smilles.5d5l.com/smile_albums/danc/d7.gif لها ومرة تغني لي http://smilles.5d5l.com/smile_albums/danc/14d.gif ومرة تمدحني ومرة امدحها http://smiles.oo3o.com/yellow-smiles...1/p%20(27).gif ومرة تهاوشني http://smiles.oo3o.com/yellow-smiles...1/p%20(49).gif ومرة اهاوشها http://smiles.oo3o.com/yellow-smiles...1/p%20(50).gif ومرة أضمها ومرة تضمني وفجأة أقوم واثري جالس احلم واثري مسعبل والسعابيل واصله لحد شعر آباطي (مجدل شعر آباطه )

وأفز واقف وش السالفة يا ولد لازم تغازل وش حيث جعفر و ابوضرس وابوجبهه والعيال كلهم


المهم مدري وش أسوي .. أدق .. ما أدق .. أدق .. ما أدق .. يا رجال خربانه خربانه .. وأنا اللي أدق على الرقم .. ما ادري أنا وش اسمع .. رنات التلفون .. أو دقات قلبي .. شوي .. صوت جذاب .. صوت ملائكي .. حسيت مع كل حرف و نفس يطلع مع صوتها إني ارتفع شوي شوي .. حسيت نفسي فوق السحاب .. أطمر من سحابه إلى سحابه . ثم أطب على بطني مثل اللاعبين إذا جابوا هدف .. و أنام و أنا منبطح على ذيك السحابة .. و ذاك الهواء اللي يرد الروح ماغير يهفهف علي ..
ثم حسيت بتسطير على وجهي http://smiles.oo3o.com/yellow-smiles...1/p%20(46).gif.. فتحت عيوني ولقيت نفسي نايم على ظهري بالغرفة و فوق راسي أبوي و أخواني .. و جنبي المروحة طايحه بالأرض ((الخبل شنق نفسه)) ..
و أبوي يقول http://smilles.5d5l.com/smile_albums/small/61.gif مهبول أنت تذبح عمرك على شانك ما لقيت وظيفة (( ما يدري وش اللي في بالي)) .. كانك تبي تموت علمني خلني اوطى على رقبتك .. و ما صدق أبوي و فعلاً وطى على قبتي و أنا مغير ارفس و أحس الموت قرب . لدرجه أن صدري انتفخ وقام يصبصب مويه ((صدقوني الموت حار يا ناس))..

حسيت بعدها أن ما مني رجا .. ما اعرف أبجديات الغزل .. ولا حتى اقدر أتصرف لو سمعت صوت ناعم ... دخلت النت http://www.kwales.com/smiles/images/..._0%20(159).gif .. وجلست ابحث عن أي شي عن الغزل .. لقيت كتاب أسمه ((همسه و غمزه تحترف الغزل بلمسه)) للأديب الداشر عتريس عروج .... شريته ..
و بديت أقراه بعنف و شغف .. لدرجه أن أهلي يحسبوني رجعت للمدرسة من كثر ما يشوفوني جالس أقراء http://smilles.5d5l.com/smile_albums/other/86.gif.. كل وقتي في البيت أدور بالحوش و معي الكتاب عشان أحفظ اللي موجود فيه .. و فعلاً خلال اقل من أسبوع حفظته كل أبوه ألف و ميتين صفحه ((لو انه قرآن ما حفظت ولا آية))


المهم رجعت و دقيت على الرقم http://www.kwales.com/smiles/images/..._0%20(110).gif .. بس هال مره غير .. أطلق بنت راح تفك معي .. ردت علي بذاك الصوت اللي يرد الروح .. قالت خير وش تبي .. قلت لها و كلي ثقة .. مو هذا رقم حفار القبور ابوصالح http://smilles.5d5l.com/smile_albums/fun/75.gif ))الله من زين أسلوب الغزل عندك)) .. قالت استح على وجهك يا ..... ((مشفر .. تراها قالت يا حلو http://smilles.5d5l.com/smile_albums/love/83.png يا أحسن ولد)) ..
قلت وليش عصبتي ترى صوته يشبه صوتك .. طوط .. طوط .. طوط ((الله يهديهم شركة الاتصالات وشلون عرفوا إني أغازل)) .. ما نجحت الخطة الأولى .. قمت و بديت بالخطة الثانية http://smiles.oo3o.com/yellow-smiles.../1/p%20(3).gif ..
وصرت أرسل لها مسجات .. و كل مسج العن من اللي قبله .. الين خلصت الرسائل اللي عندي .. و أرسلت لها رسالة فيها رقمي http://smilles.5d5l.com/smile_albums/other/46.gif ((ياخي وش هالذكاء الخارق)) .. وقلت لها صاحب هذا الرقم ضعيف http://smilles.5d5l.com/smile_albums/sad/ss.gif و محتاج لدعمكم .. أبوه و أمه توهم صغار بالسن .. وهو تكفل يربيهم و يكد عليهم الين يبلغون و يزوجهم ((ما قلت لكم هالجحش فيه ذكاء خارق)) ..
و بدت ترد علي برسالة و تقول لي فيها .. أنت وش تبي بالضبط .. ترى عندنا كاشف http://www.kwales.com/smiles/images/ll/11.gif ((ما أردى منه إلا هي)) .. قلت بس دام ردت .. فسمكه وحيد القرش ((اجل وحيد قرش يالفقمه)) طاحت في الشبكة و ما سمت ..
و بعد العديد من المراسلات .. حن قلبها علي .. و بدت تكلمني .. و صرنا سمن على عسل .. و صار عندها أيميل و أضفتها بالماسنجر عندي .. و صرنا نتبادل الحديث و الأشواق و الحنين .. و أنا وصفت لها شكلي .. و إني أحلى واحد شفته بحياتي http://www.kwales.com/smiles/images/ll/11.gif ((مادح نفسه كذاب)) ..
و هي ما قصرت .. مدحت نفسها .. ما بقى ألا تقول أنها من الحور العين http://smilles.5d5l.com/smile_albums/gulf/24.gif .. و أنا بطبعي ملول .. قلت لها إلى متى و إحنا على هالوضع .. أبي أشوفك .. قالت استح على وجهك http://www.kwales.com/smiles/images/ll/42.gif .. وش تشوفني .. تبي تعال أخطبني من أهلي .. و من هنا بدت الشياطين تعطيني كورسات مكثفه .. مرره اتثيقل عليها .. و مرره أتشره عليها .. و إني اموووت فيها لحد الجنون .. و هي لازم تثق فيني .. فقلت لها أرسلي على الأقل صورتك .. ترددت كثير و بعد إلحاح و ضغط عليها .. قالت برسل لك و أنا متغطية بالعباية http://smilles.5d5l.com/smile_albums/other/42.gif .. قلت وش استفدنا .. أروح أتفرج على اللي يطرون عند الإشارات ((مع أن نصفهم رجاجيل)) ..
قلت لها على الأقل لو صورة يدك على الأقل أشوف أنتِ بيضاء و إلا سمراء .. انتِ دبيه أو عصلى .. أظافرك طوال و إلا قصار ((مدري وش دخل الأخيرة ))



و فعلاً أرسلت لي صورتها .. و كانت عبارة عن حديقة مليانه شجر .. قلت وينك .. قالت شفني في الصورة .. أطالع ما فيه شيء اللهم كيس زبالة اسود .. قلت تستهبلين أنت وجهك ..
مير ازعل و اقفل النت .. و قامت تدق علي و أنا اللي اطنش http://smiles.oo3o.com/yellow-smiles.../1/p%20(7).gif .. و تدق و اسكر الجوال .. و يوم فتحت الجوال إلا لقيت منها رسالة .. قالت خلاص هيثومي ((لاعب عليها وقايل اسمي هيثم http://smilles.5d5l.com/smile_albums/small/29.gif .. اجل تبوني أقول فرج)) ..
وش رأيك يوم الأربعاء أواعدك في ملاهي المبارك !! <<ادري نصكم ما يعرفه أقدم ملاهي بالقصيم اللي كان على طريق عنيزة .. أنا ما صدقت خبر .. انتظرت يوم الأربعاء على أحر من الجمر .. استأجرت لي بي إم دبليو http://www.kwales.com/smiles/images/...s_0%20(29).gif ((قايل لها انه كاش و أحسن واحد في الأسهم http://www.kwales.com/smiles/images/...es_0%20(3).gif )) .. و فعلاً وقفت في المواقف .. وجلست انتظرها .. دق التلفون http://smiles.oo3o.com/yellow-smiles...1/p%20(41).gif .. الو وينك حبيبي هيثومي .. قلت أنا بالمواقف .. قالت أنا جالسه بالمواقف أنت وينك؟ .. جلست أطالع بالمواقف http://www.kwales.com/smiles/images/..._0%20(176).gif .. ما فيه احد .. ما فيه إلا طراره .. و شكلها بعد رجال .. جسمها كبر البعير .. قلت ما فيه احد بالمواقف ..
و رجعت أدور على الملاهي .. قلت يمكن أنها مضيعه بالمواقف .. الشاهد كلما وصفت لها مكاني طلعت لي الطراره .. أنا بصراحة خفت .. قلت يمكن أن هالطراره من المباحث .. قلت أقول أنا مراقب الحين .. اتصل عليك بعدين يا الله أنا بمشي الحين قبل لا تصير كبسه ..




و بعدها بكم يوم اصريت عليها أنها تجيني بالبيت .. خصوصاً أن أهلي بيسافرون .. وأنا بيخلى لي الجو بالبيت لحالي و في حالي .. هزني الشوق و ذكرتك http://smilles.5d5l.com/smile_albums/danc/12d.gif ((لا تشرهون عليه خذه الطرب شوي)) .. اتصلت عليها .. و قلت لها أن ما فيه احد بالبيت .. و أهلي مسافرين .. وما فيه إلا أنا لحالي .. قالت اقر المعوذات و ما راح يجيك شي ((تستهبل هي و وجهها http://smilles.5d5l.com/smile_albums/agner/3s378.gif)) .. قلت بتجين وإلا و قسم بالله لأكسر الجوال و اشتري جوال جديد و ما عاد أكلمك ((يحسب انه إذا غير الجوال يتغير الرقم http://smilles.5d5l.com/smile_albums/fun/152.png)) .. وافقت .. قالت ابجيك عقب المغرب .. قلت تمام خصوصاً أن أهلي بيسافرون قبل المغرب ..
و فعلاً رحت لمحلات الحلويات .. وشريت كل أنواع الكيك .. و الحلويات الشرقيه و الغربيه والجنوبية والشمالية .. و أنواع العصيرات من اللي عند بركتين ..
و أنا جالس على نار بعد المغرب متبطح على كنب المجلس .. انتظر تدق علي .. و فجأة ما دريت إلا أبوي يدخل علي .. قال يالحمار جالس هنا و خويك اللي مدري وش هو رجال مدري حرمه عند الباب ينتظرك .. قلت وش خويه .. إلا أنت وش رجعك .. قال نسيت مفتاح المزرعة ..
المهم طلعت بشوف خويي هذا و اللي جاي في وقت مو مناسب ابد .. طلعت إلا أشوف واحد كأنه المارد .. بس انه محروق شوي http://smilles.5d5l.com/smile_albums/black/9.png لابس فنيله نص كم .. و شورت تحت الركبة بشوي .. قلت خير .. من أنت .. قال افا ما عرفتني ؟؟ الصوت مو غريب علي .. بس الشكل حوت فاطس من كم شهر و لافظها البحر ..



أنا خفت و دخلت البيت .. مير يدخل معي .. قلت وش تبي .. قالت أنا وجدان حبيبتك ((من قوة الثقة فيها جايه بدون عبايه)) .. مير أروح بسرعة لغرفتي .. و اطلع صورتها اللي مرسلتها .. وأنزل بسرعة .. ما لقيتها بالحوش ..
طلعت برى ما لقيت احد .. قلت الحمد لله شكله حلم .. دخلت المجلس إلا وأشوف هاك الدب اللي لاعب في الكيك و العصيرات .. ما ادري هو يأكل مع إثمه أو مع خشمه .. أو يحط بين آباطه .. أنا حالي ما يعلم بها إلا ربك .. أطالع بالصورة .. و أطالع بالمارد اللي عندي بالمجلس .. و بعد تدقيق بالصورة http://smiles.oo3o.com/yellow-smiles.../1/p%20(6).gif لقيتها .. وأنا احسب أنها كيس زباله ((الله يكرمكم)) مرمي بالحديقة ..
أثرها هي منبطحة على العشب و حاطه يديها على وجهها و مغمضه عيونها ((يقالك رومانسيه البنت)) .. تذكرت الحرمة اللي تطاردني بمواقف الملاهي .. أي والله هذي هي .. جلست أصيح من القهر http://www.kwales.com/smiles/images/..._0%20(120).gif .. قلت ياحسافه على الفواتير اللي تسددت .. يا حسافه على الوقت اللي ضيعته معك .. يا حسافه على السيارة اللي استأجرتها http://smilles.5d5l.com/smile_albums/sad/s3.gif .. والله لو إني جالس اطر عند الإشارات كان ابرك ..
التفتت علي و بكل غنج و الكيك مالي أثمها .. و الكريمة تتساقط من بين شفتيها .. وش فيك حبيبي .. قمت و أخذت علبه البيبسي و أرجمها .. قلت والله أن مكانك بالمرجم مع إبليس .. أنا وش اللي قردني فيك .. و من زين وجهك اسمك وجدان .. أنتِ جدران مرشوشة بقار .. أنتِ بركان فاير و ثاير زبايل .. أنتِ غربان .. أنتِ غلام اكبر خان مو وجدان .. يا الله اطلعي لا بارك الله بهالساعه http://smilles.5d5l.com/smile_albums/small/71.gif .. اجل تقولين شعري طويل و ناعم و مثل الليل http://www.kwales.com/smiles/images/..._0%20(141).gif .. صح وجهك مثل الليل .. بس شعرك ليفه مواعين .. أنتِ متأكدة انك تسبحين بشمبو .. أنا متأكد انك تسبحين ببيبسي .. هذا الجسم الرويان .. إلا شكلك تفطرين و تتغدين و تتعشين خروف مندي .. و تتفكهين على دجاج مضبي .. هذا اللي تقولين إني بيضاء .. الظاهر انك شايفه صورتك بالنقيتيف .. أي بياض .. أنتِ لو يصنفرون بشرتك و يدهنونها ببويه ما تضبط معاك .. لو يعطونك جلد جديد يحترق على طول .. و تقولين بعد أن خوياتك بالمدرسة يقولون لك أن فيك جاذبيه مو طبيعيه .. أنا معك .. جاذبيتك هي سبب رئيسي للمد و الجزر .. غطيتي على جاذبيه القمر يا بقر .. نعنبوا دارك لو تسافرين لأوروبا أن يحجزونك على انك بقره مصابه بجنون البقر .. دمعت عينها ..
وقالت ليه كذا تجرحني .. ليه كذا تسوي فيني .. أنا خلاص ما أتحمل أعيش بعد اليوم.. كلكم يالشباب كذا تسوون فيني .. أنا قلت انك أحنهم علي بعد بندر و سعود و فهد و .... الخ .. ليه ؟ ليه ؟ ليه و انبطحت على بطنها و قامت تصيح http://smilles.5d5l.com/smile_albums/sad/54.gif ((مسويه إغراء)) أنا قمت ورحت وجبت حبل و ربطه في المروحة و شنقت نفسي ..


وللحين متعلق بس ما مت لي خمس أيام عجزت أموت http://smilles.5d5l.com/smile_albums/other/62.gif




ما يستفاد من القصة
1-ياللي تغازلون لا يغركم الصوت الناعم كم من خلف الصوت الناعم بقرة
2- لا تروحون وطي إذا قريتوا معرف بنت حلو تحسبونها حلوة البنت تراها جدار بيت طين متهدم
3- لو هي على الصوت كان الزنون هو أحلى واحد لان صوته يشبه صوت الغراب عفواً قصدي صوت الكناري
4- مع السلامة بروح انام متحمسين واخرتها خربيط http://smilles.5d5l.com/smile_albums/other/15.gif



[/align]

الزنون 09-01-10 01:14 am



اوووووه
يا طول الهمق http://smilles.5d5l.com/smile_albums/fun/75.gif
لو انا مخليها على عدة علقات كان احسن خخخ

هلاوين 09-01-10 01:14 am

هههههههههههههههههههههه


الله يقطع بليسك يازنن قسم بالله انك قمة الوناسة والفله بس الو تخفف من


ضربك وتهجمك على هالضعيفات تراهن يهزن بدون هز ياليت ترحمهن شوي


دمت مبدع بطرح كل طريف وجميل

تشكراتي لك


amįЯЋ 09-01-10 01:57 am

طيب يااشين وااحد بالعالم..<--ماجبتي جديد هو قايله..

ورااك الله يهديك مفسر بالقصه قووه وقايم تهجم على الجنس الناعم ..<--واااي ..كف ..
اولاه عمرك شايف نفسك باالمرايه يوم انت قايم لحط وجلد بنا لين قلنا بس ..
ولاعمرك توبر علينا وتقول ماب اعرس انا اللي رافض العرس ..
هماه البنات مايبونك قلت خل اشوف رويحتي ولا انذل ايقال عندك عزة نفس ..


.

^

برااااااااااااااااا يااميره جاااك العقاال ..ههههههههههه

الله يجزاك خير على هالسرد بس قريت اولاه وفهمته لين الاخير..<--ذكيه..

وماقلت انا حلوه والا شينه لان زيني وشيني راجع لي وهااذي خلقت ربي
بس انتم عليكم تخيلات بالمعرفاات كل واحد يتخيل على كيفه..
ومانقول الا الله يعافي المبتلي ولا يبلانا لان الطنزه بالمعصيه بالزمن هذا بلوى ..
شكرياات..

سهاد 09-01-10 02:22 am

[align=center]هههههههههه ...اسلوب جميل وخاتمه مثل وجهك قصدي مثل وجه وجدان خخ

لي عوده <<تبي تهاوش بس النوم غلاب خخخ[/align]

النبراسكية 09-01-10 02:55 am

ههههههههههههههههههههههه
حلوه بس ليش خربت في الخير http://www.shamoa.com/vb/shamoastyle.../cheeflolo.gif

والحين انت من وين جاي مو من الحريم http://wow.mrkzy.com/smiles/smiles_15/smile96.gif اللي انت تسب يعني مو حلو


ياشينك بس لابديت تسبhttp://khazn.com/uploads/images/k-4b...48a2123004.gif

الحين يوم انك تغزل ليش ما غزالة صح http://khazn.com/uploads/images/k-c0...207ff0b08c.gif

صج انك تبشتن صقع http://smilles.5d5l.com/smile_albums/agner/141.gif

اخ تبي تجنني http://smilles.5d5l.com/smile_albums/small/60.gif

مشكور خيو على المديحه http://khazn.com/uploads/images/k-10...7a331376a9.gif

دانة الروح 09-01-10 03:10 am

ماشاء الله عليك كل ها الهمق منك !!؟

تصلح تصير راااوي

ابصراحه ما قريته لاني تعبانه والشوف شجر يعني بلعربي اخاف اصير حولا <<اجل وشوله داخله
<< عجوز لا تواخذووونه

تحيتي لك يا رومنسي

أمل لاخابت آمالي 09-01-10 03:30 am

يعطيك العافيه يالزنون على هالقصه والله يخلف عليك أجل راح العشا؟؟!!
الزنون......أسلوبك جمييييل ورااااااااااائع فيك روح ابداع<<لا تنزرق عاد
ليش ماتحاول انك تكتب بتراجيديه أكثر والله احس انك مبدع بس مهملن رويحتك<<عاد اذا ماودك مانب غاصبتك......
تقبل مروري .................

المديره 09-01-10 03:50 am

اجل هيثم هههههههههههههههههههههههههههههههههه
ههههههههههههههههههههههههههههههههه
الله يقلع ابليسك ياشيخ ههههههههههههههههههههه
<<< فاطسه من الضحك

سبـيـعـية 09-01-10 04:33 am

تكسر الخاطر هالوجدان وانتم زدتوه جرآآح تسان سمحت نفسه بكم كلمة واخذت اجره
بس انت متأكد انه ماجته هي بعد صدمة يوم شافتك..؟!
لو انت صابرن عليه كم يووم يمكن تصير مدرهمه وتزطك فلوووس ولا الوجه موب مشكلة اهم شي الآخلاق خخخ
,
,
الزنوون سلمت

(*§ حـــــور §*) 09-01-10 09:30 am

اقتباس:

المشاركة الأصلية كتبت بواسطة الزنون (المشاركة 3168891)


اوووووه
يا طول الهمق http://smilles.5d5l.com/smile_albums/fun/75.gif
لو انا مخليها على عدة علقات كان احسن خخخ

والله ياااليت تكون على شكل علقاااااااااات
كل يوم تعطيك وجداااان علقة على رااااااااسك <<<<لين تفطس يالرومنصصصصي خخخخ
شكرياااااااات علااااويش

ابوغرام 09-01-10 10:11 am

اقتباس:

لقيتها .. وأنا احسب أنها كيس زباله ((الله يكرمكم)) مرمي بالحديقة ..
أثرها هي منبطحة على العشب و حاطه يديها على وجهها و مغمضه عيونها ((يقالك رومانسيه البنت))

خخخخخخخخخخخخخخخخخخخخخخخخخخخخخخخخخخخخخ
ههههههههههههههههههههههههههههههههههههههههههههههه
الله يرج ابليسك وش الغزل اقول ليه دوم يسب اثره عارف الطبخه
خخخخخخخخخخخخ
والله نص الي يغازلن ماتفرق بينه وبين الخشبه ماتعرف قداميه من قفاه ..................ولا شنبه يحك بالارض من طوله
الصدق الزنون القصه روعه
والله اني جالس اقرى بالنتدى بس يوم قريت القصه دخلت وشاركت
خخخخخخخخخخخخخخ ميت من الضحك
الله يعطيك العافيه

الزنون 09-01-10 11:28 am

اقتباس:

المشاركة الأصلية كتبت بواسطة رمانسي (المشاركة 3168893)
هههههههههههههههههههههه


الله يقطع بليسك يازنن قسم بالله انك قمة الوناسة والفله بس الو تخفف من


ضربك وتهجمك على هالضعيفات تراهن يهزن بدون هز ياليت ترحمهن شوي


دمت مبدع بطرح كل طريف وجميل

تشكراتي لك



ما شاء الله عليك رمانسي
السرع قريت القصة
من طولة عجزت اقراه مرة ثانية http://smilles.5d5l.com/smile_albums/fun/75.gif

وبعدين الله مير يسلمك ما تهجمت على احد
وانت مهبول تبين اتهجم على سعالوا
قسم ان يكفرن بي خخخخ

يعطيك العافية على المرور

الزنون 09-01-10 11:45 am

اقتباس:

المشاركة الأصلية كتبت بواسطة •●أمـيرة قلـبي●• (المشاركة 3169069)

طيب يااشين وااحد بالعالم..<--ماجبتي جديد هو قايله..
اذا جتك مسبة من عنز فاعرف انك اجمل ولدٌ http://smilles.5d5l.com/smile_albums/fun/152.png

ورااك الله يهديك مفسر بالقصه قووه وقايم تهجم على الجنس الناعم ..<--واااي ..كف ..
اولاه عمرك شايف نفسك باالمرايه يوم انت قايم لحط وجلد بنا لين قلنا بس ..
كل يوم اشوف وجهي
يا حظي بوجهي
ليت لي وجه ثاني مثل وجهي خخ
ولاعمرك توبر علينا وتقول ماب اعرس انا اللي رافض العرس ..
الله يعطيك الصلاح يالبدوية
يوم قريت توبر احسبك قلبتي سوريةhttp://smilles.5d5l.com/smile_albums/fun/148.gif
هماهم يقولون توبر عيني خيو
هماه البنات مايبونك قلت خل اشوف رويحتي ولا انذل ايقال عندك عزة نفس ..


.

^

برااااااااااااااااا يااميره جاااك العقاال ..ههههههههههه
لا لاتخافين ما راح يوصلك العقال
ابد بس ركبه مع كرشتك ويكفيك

الله يجزاك خير على هالسرد بس قريت اولاه وفهمته لين الاخير..<--ذكيه..
واياك
معي علم انك ما قريتي القصة
الصدق طويلة يبي لها اسبوع عشان تقرينها
وخاصة اللي مثلك يتهجا تهجي http://smilles.5d5l.com/smile_albums/fun/75.gif
والا وش دخل سب البنات بالقصة
انا ما سبيت موقف حصل لي يوم اغازل بس

وماقلت انا حلوه والا شينه لان زيني وشيني راجع لي وهااذي خلقت ربي
بس انتم عليكم تخيلات بالمعرفاات كل واحد يتخيل على كيفه..
اهااا زينك وشينك راجع لك
عاد تبغين الجد
انتِ احلى وحدة بالمنتدى
<<ما وده يحطمك
انا من شفت صورتك انتِ وباقي خواتك يالقزما وانا غاسل ايدي خخخخ
ومانقول الا الله يعافي المبتلي ولا يبلانا لان الطنزه بالمعصيه بالزمن هذا بلوى ..
اللهم امين
ويقول المثل
مد لحافك على قد طنزك

شكرياات..



اميرة نفسك
حاولي تقرين القصة وانتِ عليك نظارة طبية لعل وعسى تشوفين وتفهمين
والا خلي اختك شدو تقراء عنك
لو انه حولا بس يمكن احسن منك http://smilles.5d5l.com/smile_albums/fun/49.gif
شكراً على المرور


لمعةالألماس 09-01-10 12:49 pm

اقتباس:

المشاركة الأصلية كتبت بواسطة الزنون (المشاركة 3168867)
[align=center]










السلام عليكم ورحمة الله وبركاته ورضاه ومرضاته واعز وأزكى تحياته
أدام الله علينا وعليكم نعمة الإسلام ما دامت الليالي والأيام

وعليكم السلام ورحمة الله وبركاته



>.. ردت علي بذاك الصوت اللي يرد الروح .. قالت خير وش تبي .. قلت لها و كلي ثقة .. مو هذا رقم حفار القبور ابوصالح http://smilles.5d5l.com/smile_albums/fun/75.gif ))

بداية موفقه خخخخخخخخخخخخخخخخخخخ

>.. الشاهد كلما وصفت لها مكاني طلعت لي الطراره ههههههه .. أنا بصراحة خفت .. قلت يمكن أن هالطراره من المباحث .. قلت أقول أنا مراقب الحين ..والمسكينه هي المباحث!! هههههههههه

>>طلعت بشوف خويي هذا و اللي جاي في وقت مو مناسب ابد .. طلعت إلا أشوف واحد كأنه المارد .. بس انه محروق http://smilles.5d5l.com/smile_albums/black/9.png
هههههههههههههههههههههههه صورة معبرة
>فنيله نص كم .. و شورت تحت الركبة بشوي .. قلت خير .. من أنت .. قال افا ما عرفتني ؟؟ الصوت مو غريب علي .. بس الشكل حوت فاطس من كم شهر و لافظها البحر .. ههههههههههههههههههه وصف خيالي!!



>أنا خفت و دخلت البيت .. مير يدخل معي .. قلت وش تبي ههههههههههههههههههههههههه لزقه
.. قالت أنا وجدان حبيبتك ((من قوة الثقة فيها جايه بدون عبايه)) .. مير أروح بسرعة لغرفتي .. و اطلع صورتها اللي مرسلتها .. وأنزل بسرعة .. ما لقيتها بالحوش ..
طلعت برى ما لقيت احد .. قلت الحمد لله (شكله حلم )
ههههههههههههههههههههههه..

> .. و بعد تدقيق بالصورة http://smiles.oo3o.com/yellow-smiles.../1/p%20(6).gif لقيتها .. وأنا احسب أنها كيس زباله ((الله يكرمكم)) مرمي بالحديقة ..
أثرها هي منبطحة على العشب و حاطه يديها على وجهها و مغمضه عيونها ((يقالك رومانسيه البنت)) هههههههههههههههه خخخخخخ..
> .. و من زين وجهك اسمك وجدان .. أنتِ جدران مرشوشة بقار .. أنتِ بركان فاير و ثاير زبايل .. أنتِ غربان .. أنتِ غلام اكبر خان مو وجدان
الزنون صار شاعر من الصدمة ..
> .. هذا اللي تقولين إني بيضاء .. الظاهر انك شايفه صورتك بالنقيتيف حللللللوة ههههههههههههه..

>أنا قمت ورحت وجبت حبل و ربطه في المروحة و شنقت نفسي .. تأثير الصدمة ههههه



ما يستفاد من القصة
التسلية والفرفشة مع الفائدة المنشودة..
سرد راآآآآآآآئع تصلح تصير كاتب كوميدي ,,
ماآشاآء الله
[/align]


بارك الله فيك ..
ننتظر جديدك ...


الساعة الآن 02:57 am.

Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة