ليه إذا حبيتك اكثر زدت قسوة .....وان دريت بحـــاجتي لك زدت جفوة
وان عطيتك من حياتي ماتريده ......ماكفاك وتحسب ان الحب نـــزوة
والله اني يا أحب الناس احبك ......والله انه الروح لو ترضيك فــدوة
والله اني تــــارك غيرك و جيتك ......مزعل الزعلان و العذال عنــوة
كل دقـــة قلب فيني لك قصيدة ......تكفي الدنيا مع الاحـــــباب غــنوة
و كل هاجس مايجيب إلا خيالك .....سلوتي بالعمر في صـــحوة و غفوة
اجمع احساسي و اشواقي واجيلك .....والبس ثياب الهوى والعشق كسوة
انتقي لك من سواليفي حسنها .....والقصايد من غزلها كل حــــلوة
وانثر العبرات و الضحكات عندك .....تاخذ اللي تلتقي فيه لك سلوى
;;;;;;;