[صآح ـبة اآلفخآمة]

[align=center]

آخر العنقود

هــــلا يا مرحبا يبو العيـــون الســـاحرات السود
كما عين أشــقرً فـــض السبق من كــف سلطاني
أبو ذيـــك الثـــمان الفلـــج مثـــل اللولو المبرود
وريقً خمـــرة الكـــوثر سكــب في كـاس خولاني
وكفينً نقشهن بالخضاب الهندي المجيـود
كما نقـــشت رخــام أصلي حمر في خــط رحباني
ونهـــــدٍ مرتكـــز غــظٍ غــليظٍ واقــفٍ منـــظود
وراســـه رطـْب مثـــل لســان أبو عــامين ريّاني
وجيــدٍ صافيً مثــل الحرير الســـوري الممدود
كـــما سكبة بـــلاطٍ في مجـالس قصـــر ابن ثاني
وشعـــرً لا حذف شاله تغشى عـــوده العمــرود
كـــما ذيـــل الأصيل بخــيل ابن مكــتوم صيواني
ألا سبحـان من ســوّاك غصـــنً ينثــني للنـــود
ولك هيبة (عمر) وبك الحـيا في ثوب (عثماني)
على طـــاريك لا من حـــل مثل مبشر بمـــولود
أجــل وش لــون شــوفك عاد يا ميّاس الأرداني
هلا يا مرحـــبا يا ريحة العنـــبر ودهـــن العود
وريح المســك والكادي هـــلا يا ريــــح ريحاني
هلا يا سحـــر هاروتٍ بســمطٍ بـــابلي معقـــود
هلا يا عـــسجد ويـــاقوتٍ وسنـــدس ومرجـاني
هلا يا شـــف أبو خالد هــلا يالجــود والماجود
هلا يا اوقار أبوي وطيب نفسي لأصغر أخواني
عليــك الله تفــضل واسترح يا ناقض المرجود
تفـــضل لعـــن أبو مــن لا يحط الحـدب ديواني
عليــك الله ولا يا بعد ما ضْـنـّن أمهات الخـــود
تفـــضل يالمــلاك اللي شــعم غلـــيون شيطاني
عقب ذاك الشقاء لا تشتقي قلب الشقاوي زود
وأنا مســـلم على حــبك ذبحـــني فيـك نصراني
عقـب ذيك اليدين الخطــّـل اللي تستمد الجود
ولو ما تـــاخذ يديني مثـــل ما مـــد نيشـــاني
عليه معــــك قلبٍ بالهوى قاسي كما الجلمود
ولا ادري شـ الذي يرضيك وأنته دم شـرياني
أجي وأسقيك هدّاج الضماير مير ما من فـود
وثم تســـقيني اللي منه تفـــــرح كل عدواني
أنا أوّرد على عذب الهوى لك بالمشاعر ذود
ولا أدري غـير معروفي جزاه تهمّل اضعاني
صحــيح إن الذي يســـعى وحظه دايمً مقرود
كما اللي راح يسـعى بين أهل عبسً وذبياني
كما ربي بلاني بالمحـــبة يا آخــــر العـــنقود
أهابك مثل أبويه وأنت من عمرأصغرأخواني



الــشـــــــــاعر (محمد بن فطيس)[/align]