[طبيبة القلوب]

[grade="ff0000 00bfff ffa500 ff1493"]
أشوف بعينه اليمنى دموع الشوق مرسومـه
واشوف بعينه اليسرى دموعٍ للغـلا باقـي
فديته جيت انا كلي عسى يومي قبـل يومـه
انا اللي ساكن اعماقه هو اللي ساكن اعماقي
انا حبه نزل جوفي وعانـق عالـي نجومـه
مشاعرنـا تشابـه كلهـا وبحالـة اعناقـي
تعال نوّدع ايـام الشقـا والبعـد وهمومـه
الا يافرحة ايامـي وورد القلـب والساقـي
انا اللي في سما كونك نداوي والغلا حومـه
تناظرني واجي مشتاق اسابق لهفة اشواقـي
مشاعر ساكنه قامـت الا ياحـي هالقومـه
ألا ياكـم عانينـا مابيـن وصـال وفراقـي
مشاعر صادقه واحساس له بـراق بغيومـه
غيوم من الغلا تمطر مشاعر لـك تنساقـي
رسى حبك على عرش الخفوق وفيك ماالومه
وصلتك دون كل اللي علـى لقيـاي تواقـي
أحبك ليه ما أحبك وعهـدك حافـظ سلومـه
قصيدي فيك بلحالك رقـى ياحبـي الراقـي
فقدته ليلة البارح حبيبـي شآخـر علومـه
بعد ماغاب ليله وسيع الكـون بـي ضاقـي
انا العاشق وانا المغرم وانا اللي حاربه نومه
سهير اسامر طيوفٍ عليها القلـب مشتاقـي

الشاعر احمد الخيآط
[/grade]