[align=center] اقتباس: المشاركة الأصلية كتبت بواسطة alkzama المنسقة للمداخلات يقولون المنسقة هي ( منى التويجري ) رئيسة قسم الإختيار والتوزيع ! مامن شافها وهي كل شوي ناقزة ومتعلقة بالريموت تولع البروجكتر رجا منها خيررر ! يارب لك الحمد والشكر حتى ماتعرف ولاتلقي المشاركات بطريقة مفهومة ( تمشي تريليون وهي تحتسي تقل ملحوقة ) !! بس ولو جاه ( كسحة معتبرة ) من العمر يوم قاطعت ( حق المشاريع بالوزارة ) زقرها وشيّن النفس عليها وقالها تقاطعين معالي الوكيل ؟ مدري ليش حسيت إننا بفلم مصري يو قال العمر كذا ( طاح وجهها الضعيفة ) كخخخخخخخخخخخخخخخخخخخخخخخخخخخ بعد مداخلة رئيسة الإشراف بعنيزة ( واللي كانت من اقوى المشاركات واطولها ) نط العمر وقال : المشاركات يجب آلا تزيد عن دقيقة !!! واخزياه بس ! بالله هذا كلام يعقب به على ضيوفه اللي عانين من ديرتهم عشان اللقاء ؟! والايبي يعزز مقولة ( العنصرية بين عنيزة وبريدة ) !! من جد طاح من عيني ( لأن فاطمة القاضي رئيسة الإشراف ولها احترامها وهيبتها مهب حي الله ) عموما كل الضيوف الحاضرين ( علقوا على مداخلتها القوية ) !! كلمة ( حصة المهنا ) الترحيبية كانت اقل من عادية .. لكن مداخلتها الثانية رهيبة خاصة يوم تتطرق للنقص الحاد في ( المعلمات ) بسبب افتتاح الأقسام النسائية وكيف إنه تم تزويد هذه الأقسام بالعاملات من وفورات المنطقة من المعلمات ،، كذلك اقتراحها بتعيين ( مديرات ) من قبل وزارة الخدمة المدنية لعزوف المعلمات عن تولي الإدارة !! نوال العجاجي كانت مداخلتها – فقط لمجرد المداخلة – !!! وإلا المجال مهب مجال انكم تفتحون ( قسم نسائي ) للتعليم الأهلي بالوزراة .. كان الأجدر بها أن تتطرق لمشكلات ومعوقات العمل مثل سؤالها الثاني ( واللي رقع مداخلتها ) عن اسباب ايقاف العمل بسلم رواتب معلمات المدارس الاهلية حتى اشعار آخر !! هدى الغفيص ( ياحبي له ) وهي تلقي مداخلته ( ذكرتني بفيصل القاسم ) التساؤلات .. التطلعات .. المدري وشو ؟؟ مقدمة السؤال كانت صاخبة بس فحواه ( هزيله ) لأنه ماجابت جديد من كون بحوث الماجستير والدكتوراه ( تنظيرية ) ولايستفاد منها ميدانياً ! وكان منيب واهمة إنها تطرقت للإبتعاث للدراسات العليا في الجامعات ( يعنني احمل همّ ) ! على العموم مداخلتها مجرد توظيف للمصطلحات فقط لاغير ! ريم جامع ( يبدو انها كانت محضرة سؤالها بذكاء ! ) أنا للأمانة ماسمعته ( واضح إني لاهية بالقرق ) بس اللي فهمته من جواب النائب إنه يدور حول الأجندة اللي تطوف المناطق لتتابع مدى تنفيذ خطط الوزارة – او شئ من هذا القبيل - الارشاد والنشاط مالهم أي دور في اللقاء ( غريبة وين امل التويجري عن الترزز ) او صح اثر السالفة مهب عن الوطن ! العمر مدري وش قصته متقمص دور ( مذيع ) وجادعـ(ن) البشت ذكرن بـ( خمّـات ) سليمان العيسى ( ايام ازمة الخليج ) !!! من دخلنا الين طلعنا والصواني تدور على الحاضرات بمالذ وطاب ( شكلهم حالفين مايبقى بالمواعين شي ) بس ولو المفروض يوم بدأ اللقاء احترموا هيبة الضيوف وكفـّوا معاميلهم ( مهب هالصواني مغير تخوطف قدام الحريم ) آلا يامركزات والدعوى بها قرقعة أكل وطق حنك ! الإنضباط بالقاعة كااااااااان ( صفرررررر ) حريم واجتمعن يعني انواااااااااع ( الهمق ) تقولون عصافير بسدرة !! طبعا الصوت يطلع عند الرجال – وتلك باقعة أخرى - !! وين المشرفات ماوزعن الادوار بينهن لــ ( ضبط القاعة ) !! كنت اتمنى إني اسمع سؤال عن ( التقويم الشامل ) طبيعته ؟ اهدافه ؟ ابرز منجزاته ؟ وماالذي حققه للميدان التربوي !! عن التصريحات اللي تخرج لنا بين الحين والآخر حول انهاء تكليف جميع العاملين – الذين يعملون بوظائف غير التدريس – ومن هم المعنيون بتلك التصريحات ؟! وفوق هذا وذاك كنت اتطلع إلى ان يكون اللقاء أكثر شفافية يغسل قلوبنا بماء الطهارة !! مراسلتكم من ملحق بيتهم / نقـــــــد كتبته بعجججججججلة ،، [/align]
[align=center]اضغط هنا لاستماع ( الا يا قلب لا تحزن ) وللحفظ اضغط هنا بزر الفارة الأيمن ثم أختر حفظ باسم[/align]