[pepsi]

ما روت لأحلام والواقـع يوردهـا سرابـه

....................مثلها قلبي ضمـا وأفـراح عمـره ماشربهـا


السعيد اللي يعيش الوقت ((مايشكـي مصابـه))

.......................والتعيس اللي(( ملامح ضحكته)) وقتـه سلبهـا


الصبر جسر الاماني والهـوى كلـن شقابـه
..............وكل عاشـق تضحياتـه (( فالمحبـه يحتسبهـا ))


هذا انا لاجيت اسولف للحمامه عـن ((غيابـه))
....................تسجع ((بصوت حزين)) ويغرق عيونـي طربهـا



عاشقٍ من طعنة ظروفه سـرا ينقـل صوابـه
......................ما درى وين الطريق ومجمـل ((همومـه تعبهـا ))


كم ((سؤالٍ مات ))في صدره ولآ (( عـزا جوابـه))
..........................ونار قلبه كل ما تطفي من ضلوعـه حطبهـا !


يسئله نور القمر في كل ليلـه عـن عذابـه؟
..................عن ضياعه عن جروحه عن دموعه وش سببها !!


لو غفت عين السعاده ((ماغفت عيـن الكآبـه))
.......................شمس عمره مشرقه لكن لـه حظـن حجبهـا



في هجيره تشتكي رحلة ايابـه عـن ذهابـه
...................وفي دروبه تشتكي خطواته اللـي ماحسبهـا



يستبيح الشوق قلبه وأن بدابه ما انتهـى بـه
..................مل من طول الغياب ومل احاسيـس كتبهـا




يستعيد الذكريـات الماضيـه شعـر وكتابـه
......................والسنين تدور والأحلام ((تلحقنـا عتبهـا !! ))