هالمره ماني حاط صور اخاف ينسرقون
ماعاد تفرق لو خذاك الوقت او جابك
فالحالتين الموت اقرب لي من ظلالي
إما بموت من الوله لا طول غيابك
ولا بموت من الفرح لا شفتك قبالي
كتبت انا في تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الخوي وقت السعة والضوايق
أقبل واحس بثاير الشوق ساكن
بعيوني اللي تنكسر خوف وتروح
حبك ملا سد الآهات لكن
حال الخجل بين التناهيد والخوف
غلاك بداخل القلب باين
خافقي يطرب له بالسمع والشوف
ياغاللي الاثمان غلوك بالحيل
من يوم سمو بك جميل المحيا
شخص تمنيته على العدل والميل
والحمدلله ..يوم خلي تهيا
اشبهه باللي عسيف من الخيل
تلعب ...وانا حبل الرسن في يديا
اورق غرامه مثل غرس على سيل
مشهات قلبي يوم جاني شهيا
اعن له عنة هل الكيف للهيل
ماذاق راعي الكيف ...ذقته هنيا
حبه سرى بي سرية الغيم بالليل
نسيم ليله ..قال للشوق هيا