المشكلة لاصرت .. محتاج .. لإنسان ...
بالحيل محتاجه وهو ماشقى فيك
والمشكله (وأكبر مصيبة) إلى الأن ...
إذا عشقت إنسان يرفض مباديك
والمشكلة لأشقيت نفسك على شان ...
إنسان مايسوى تعبك ومماشيك
والمشكلة لأعطيت قلبك لخوان ...
همه كذا يلعب .. وثم ٍ يخليك
والمشكلة لاصرت بالحب ربّان ...
والموج (خانك) ثم خيّب هقاويك.
والمشكلة لا كنت .. مانمت سهران ...
لجل الذي أصغر طموحه .. يبكيك
والمشكلة لا كان هو قرّ الأعيان ...
تشتاق له دايم وتلقاه جافيك
والمشكلة وأكبر قهر إن الاحزان ...
ماتلفي إلا من يحبك ويغليك
والمشكلة خلك تجازيه بإحسان ...
ثم تكتشف إنه (بغدره) يجازيك
والمشكلة لاقال أنا وأنت خلان ...
ولا دار ظهره .. أعرف الخل ناسيك
والمشكلة لاطحت بإنسان وإللسان ...
يزعلك مره ثم يرجع يراضيك
والمشكلة ياناس لا كنت غلطان ...
ودك تصحح موقفك بس ينهيك
والمشكلة لازاد صبرك بالأزمان ...
ولاقلت هانت منه كثرت بلاويك
والمشكلة (موقفك) من صاحب ٍ بان ...
أتفه سبب خلاه يركض يخاويك
والمشكلة لا كنت بالحيل مرضان ...
وإدواك مع خلك ويرفض يداويك
والمشكة لا كنت بالحيل ولهان ...
ودك بقربه.. بس !! ماوده يجيك
والمشكلة لا كنت لي حيل شفقان ...
وتلومني ومدري انا كيف أداريك
والمشكلة (وأكبر جريمة) إذا كان ...
خلك يحب إنسان دايم يعاديك
والمشكلة لاغنّو الناس يادآآآن ...
والحزن مآلي بالليالي (مخابيك)
........................................
..............................................
والمشكلة لا كنت في بعض الاحيان ...
تلقى من يشوّه بفكره معانيك
والمشكلة حظك إذا كان تعبان ...
أكيد يظلمك ... ثم يشقيك
وياشينها والله اذا طحت يا شين
بين المشاكل كيف تثبت خطاويك
بس الأكيد أصبر .. ترى الصبر عنوان ...
وأعرف ترى لابد في يوم ينجيك
.....................
لا أميل إلي العامية
... لكن هناك بعض القصائد
..قد تروي..ماقد عجزت عن بوحه...