شب الحنين...وطف جمر المشاريه
جيت...وتحديت البشر والمسافـه
مشتاقلك...شوق الكسير لخطاويـه
محتاجلك...حاجة قصيـدي لقافـه
شفني وله يرسـم حقيقـة معانيـه
شفني صله بين النهر مع ضفافـه
معاك...احس الكون كلـه بمافيـه
ابسط من اني اجهلـه..او اخافـه
قلبك ديار اللي عشق بك اراضيـه
وعينك...لجل عين المحبه الحافـه
دونك...صغيرِ مالقى من يداريـه
ضيع دفـاه وزاد فيـه ارتجافـه
ومعك...كبيـرٍ مستحيلـه مراقيـه
جمع شتاته مـن سنيـن انجرافـه
ياسلمي اللي ما اتجاهـل مباديـه
ياحلمي اللي مـا تـوارى خلافـه
يامنبع افـراح السعيـد ومواريـه
يامبـدع بفـن الأدب واللطـافـه
شب الحنين...وطف جمر المشاريه
لجلك...تحديت البشـر والمسافـه