اشتريتك ما أبيعـك بالغـلا أشـري دلالك
لا تظن اني نسيتـك لا وربـي مـا نسيتـك
إن غفلت القاك جنبي صورتك ويّـا خيالـك
أحضن الصوره واعاود أهتف بعمري فديتك
ان كتبت افكار شعري مـا تعدّيـت بمجالـك
وان غفيت القى خيالي يتبعك ويقـول جيتـك
لا مشيت القاك ظلّي كل رجـواي بوصالـك
و لا قريت افكار شعرك قدما تعطي عطيتـك
يبتسم وجه الليالي من عقب ما كـان حالـك
وتنتشي فيني القوافي لي كتبتـك أو قريتـك
انا لك فكـرٍ وقلـبٍ والعمـر كلـه حلالـك
احتواك الشعر معنى وانا بالقلـب احتويتـك
أحلم بحبك وقلبي مـن بعـد فرقـاك هالـك
ألتمس قربك وانا في بـادي اللهفـه نويتـك
خذني مع باقي جروحي. خذني يا قلبٍ شكا لك
خذني حبرٍ للمعاني .خذني يا قلـبٍ رجيتـك
أسألك لا تهجر اللي شامخ بحـبٍ وفـا لـك
مسكنك قلبي وانا اللي بكامل اشواقي شريتـك
صار في دنياي معنى يحتفي لحظة وصالـك
حتى أسمي له عذوبه مـن ينابيعـه سقيتـك
خلّني قربك كفايـه. رغبتـي فيّـه ظلالـك
لا ظميت ألقا ك تسقي خافقي ممـا رويتـك
يا بعد دنياي إرفق .إرفـق بحالـي وحالـك
لا تزيد الجرح فيني كافي يـا خـلٍّي هويتك
م\ن