من بعد غيبه جيت للشعر عساس
كنه يدورني وناء اللي نسيته
امع الصباح وذعذعت حلو الانفاس
سبحان ربي عد من زار بيته
باقي على خبري ذهب مدري الماس
بس الوكاد اني امقصر وجيته
واقبل يعاتبني من اشعور وحساس
وصحيت صحوة من صحى من مبيته
قلت اسفهل وخل هاللوم والناس
دامك وفيت وبوح صدري بديته
لا تكثر النشده ولا أتزيد الاحداس
لو مال وقتي يم ربي شكيته
للشعر في صدري كتايب وحراس
وياما كتبته من ضمير ومحيته
وقامت بنات الفكر تاخذ من الراس
مابان من جرح الزمان وخفيته
وطاب الجديد وقلت للحبر قرطاس
اخذ الجديد بصبح ليل سريته
مالي على دار المقفين مجلاس
ان مانصاك العلم ولا نصيته
لو ان قلبي كل ماهب نسناس
يلعبه النسناس ويسوق بيته
والشعر بحر ويجني ألوول غطاس
وناء ليا مني بغيته جنيته
وما تنطفي شمعه ولا ينقرب ياس
من فضل ربي ماتضيق ان دعيته
شعر: ثاني سليمان