عرض مشاركة واحدة
قديم 03-12-17, 01:04 am   رقم المشاركة : 2
ناصر الحرربي
عضو جديد





معلومات إضافية
  النقاط : 10
  المستوى :
  الحالة : ناصر الحرربي غير متواجد حالياً
Post الشاعر اللي في ظلامه عذابه


الشاعر اللي في ظلامه عذابه
يا كم ذبح لك م الليالي غواليه

قلبه على كفه هدامن خرابه
ويفل قلبه م البلا ثم يطويه

الموت يعشق منه حضرة جنابه
ولا مات ليل الصب بالقاف يحييه

كم هو شكى لك ف القصايد صبابه
ولا يفيده منك ما كان يشكيه

حمام ياللي فوق غصنه لعا به
سديت انا الاذان والقلب يوحيه

بينه وبين الحلو بعض التشابه
ينخر فوادي جعل ربي يجازيه

ذكرتني حورن غضيض شبابه
عشق المرايا ويسحرني اشافيه

الليا مشى يشبه مرور السحابه
لا ريث مشي ولا عجيلن خطاويه

ياكم سقاني من خذارف سرابه
يقول انا بارويك من ثم يظميه

اشبه لحرفن غربتي في كتابه
نشاز حرفن موتتي من مماحيه

كن انخلق شهد العسل من رضابه
وجمرن يدفِّي شوفتي بس اشافيه

كني المحل والريح تنهل يبابه
تاخذه ريحن ثم الاخرى بتعطيه

واعيش له بين السعد والكآبه
ملوي حظ وزود الايام تلويه

تطمس حياتي لي ثقيل الرتابه
ويطرد فوادي سلوة(ن) ماتدانيه

ياكم فرحن خافقي قد نوا به
وكم تخلف الايام للقلب ناويه

كم هو بعيد ولا لقيته قرابه
ونسم الصبا تجلب علينا طواريه

واليوم ورق الراك بالنوح جابه
وقامت تخابط من خفوقي هقاويه

ورثت منها قوس زوج الربابه
وابكيه حين وبعض الاحيان اغنيه

غضيض طرفن يسحرك ضحك نابه
واكتبه قافن تنتحر بي معانيه

عابر السبيل






رد مع اقتباس