الموضوع: قصص وعبررر
عرض مشاركة واحدة
قديم 14-03-18, 03:22 pm   رقم المشاركة : 66
رباب
مشرف عام
 
الصورة الرمزية رباب






معلومات إضافية
  النقاط : 10
  المستوى :
  الحالة : رباب غير متواجد حالياً

يوم الاربعاء كان عندي موعد .. رحت الصيدلية. واخذت رقم 72 وجلست انتظر. وبعد فترة دخلت حرمة كبيرة على عربة مع شغالتها واخذت رقم 129 قالت الشغالة .. ماما في انتظار كثير .. ردت الحرمة قالت انا لازم اكون على سجادتي قبل اذان الظهر. هلحين ربي يسهل علينا ..كانت الساعة 11 وربع لفت نظري ثقتها بالله. . طلع رقمي على اللوحة الضوئية وبحركة لاارادية. رحت لعربة الحرمة ودفيتها للكونتر وقلت لها دورك .. قالت الشغالة لا ماما قلت عطيني رقمك وروحي خذي الدواء وودي ماما للبيت
وقفت معها عبوا لها الكيس ادوية. والعاملة تتلقى التعليمات .. حبيت راس الحرمة وقلت اوصلك للباب لاني رقمي ريض.تذكرت امي الله يرحمها 💔💔.

قلت لها. خالة عندك عيال ؟
قالت 11 ست بنات وخمس اولاد. وكلهم لاهين. وهذي بنتي الحقيقية 💔💔. ( الشغالة)
تقول باعوا بيت ابوهم واخذوا حقهم وحطوني في البيت القديم بالربوة القديمة اجروا اللي فوق وسكنوني تحت. وحطوا لي ممرضة وشغالة وتركوني 💔💔💔
البيت صغير يوم راحت الشغالة قالت الممرضة لاترجع انا اسوي شغل بيت
ماما ..
ربي سخرها لي صار لها عندي 8 سنين ماتركتني .. وعيالي مااشوفهم الا بالمناسبات. حتى اني نسيتهم
وماعدت اوله عليهم مثل اول 💔.
فرحَت اني اسولف معها وانفتحت بالسوالف 💔💔
كملت : واذا جوني دقايق وحبوا راسي وقالوا تبيني شي ؟؟ قلت سلامتكم 💔

اخذت رقم الشغالة قلت اتواصل معها لان ماعندها تلفون ...
قلت لها ام مين. قالت لي ام سيتا ( شغالتها)💔💔💔
عيت تقول اسم ولدها .. الى الان وهي بين عيوني. ..
مااحد يعرف قيمة الام الا اللي يفقدها.
كنت ابي اعرف اسمها او اسم عيالها مارضت تقول لي 💔
قلت اكلم الشغالة واخذ العنوان واروح ازورها
واكلم عيالها اذا فيهم خير ..
الشي الغريب انها جاية بتكسي .💔💔💔. طلبت لها اوبر وقلت للشغالة هذا سواقي يوصلكم
واللي اغرب منه ..
ابي ارجع للصيدلية والا اختي الدكتوره بنفس المستشفى تتصل بي قالت ترا اخذت الدوا من زمان لاتروحين للصيدلية. .
قلت ورا ماقلتي لي قالت كنت اتسنن ، (سبحان الله رحت للصيدلية
علشان ام سيتا )سخرة رب العالمين.
الله يرحم امهاتنا ويغفر لنا تقصيرنا معهم. ويطول بعمر الموجدات على الطاعة ويعينا على برهم احياء واموات

لابارك الله بعيال يتركون امهم لحالها مع الشغالة ... قلت الحمد لله ماعندي عيال واتحسر مثلها.
صدق المتنبي :- قد يكرم الدهر انسانا فيحرمه
من يحرم الشيء احيانا فقد وهبا

الله لايقطعنا ولا اياكم.
قصة حقيقية وصلتني ونقلتها للعبرة







التوقيع

غدًا ‏أوجاعنا تخبو ‏ويمحى لمحها فينا،

غدًا ‏أسقامنا تُبرى‏ وبالجنّات تعلينا

غدًا. ‏ نرتاح لن نشقى ‏سننسى كل ماضينا


رد مع اقتباس