[شديد الملاحظة]

اقتباس:  المشاركة الأصلية كتبت بواسطة نقد التعليم     [align=center] شف أنا مستعجلة مرررررة .. بس لمحت موضوعك وتحسف إني مااعلق على هالجزئية اللي لفتت انتباهي اللي انا مقتنعة فيه ...... إن الرجل أكثر وفاءً في الحب ،، والمرأة اكثر إخلاصاً في الزواج !! الإخلاص جزء من الحب وأهم شي فيه ! إلا إذا كنتي تقصدين بالإخلاص يعني للبيت وللعيال !! هنا أقول يمكن مع انه برضة ممكن يندرج تحت الاخلاص والوفاء للزوج وبالتالي يعني الحب ! الكلام بالحب عمليه معقدة لأنه وصف لمشاعر وسلوك تتشابه مكوناته بس علشان نبسط المسألة أكثر نقول : الحب هو العلاقة الحميمية الرابطة بين شخصين وهذه العلاقة يندرج تحته كثير من المكونات مثل الاخلاص والوفاء والعطاء وغيره ! لايروح بالكم لــ حب المراهقين وخرابيط هالمبزرة ( تلفونات وطلعات ومدري وش بعد ) ..... لا ! الرجل يحب .... ايه يحب ويمكن يعشق بينه وبين نفسه ( تبين الصراحة ؟أنا عن نفسي للحين أحمل ذكريات جميلة لحب عذري وطاهر أيام الصبا والمراهقة لايمكن أنساها !...........! لكنها ستظل ذكرى جميلة تعطر أرجاء نفسي عندما تمتلىء بالصمت وتحرِّك وجدان قلبي الآسن بين كل فترة وأخرى لتبعث فيه الحياة من جديد وتذكر القلب دائما بطفولة بريئة ومراهقة عذبة ومُعذَّبة . ماعليش كان هذا فاصل استعراضي للمشاعر والتمدد على أريكة ذكرى الحب الجميل ! هههههه واذا عطى قلبه لإمرأة لايمكن يعطيه لثانية حتى لو كانت زوجته !! ) وليس كل البيوت تبنى على الحب ( لأنه اذا عدمت المحبة تتبقى الألفة والرحمة والإحسان ) !! وأحيانا العيال والخوف من دخول تجربة زواج ثانية قد يحكم عليها بالفشل ! واحياناً يكون العشق والحب والهيام لزوجته !! ميزة الرجل إنه يحفظ الحب ولو كان عمره 60 ( عكس المرأة واللي بمجرد ماتتزوج وتجيب عيال خلاص يصيرون هم همها وتفكيرها وتسحب على مندوب اي واحد كانت تبيه وتتمناه قبل ) وهذه طبيعة وتكوين المرأة - ولعلها رحمة من الله - لذلك كانت اكثر اخلاصاً في الزواج !! وياما شفنا شيبان سبق أن هاموا وعشقوا ( نساءً ) في زمنهم ، ولازالوا يتغنون بهن ويذكرونهن حتى لو هن ( عجز طايحات ) !! اييييييييييييييييييييييه !! حاولوا تفتحون قلوب ماحولكم من ( الشيبان ) وستجدون اسرار وقصص لوسمعتموها لظننتم انكم عدتم لزمن قيس وليلى .... حب نظيف شريف عفيف - الوكاد إنه من طرف واحد - ولازالوا يحتفظون به !! دعوهم يتحدثون وستندهشون عندما تلمع اعينهم عند حديثهم عنهن << شغلتي بس افتح مزاليج الشيبان واخليهم يكببون عشاهم ( وتجيني حالة نذالة اهددهم احرش عليهم عند عجزهم ) يبه وش اخبار بنت قصراكم مزنة ؟!! وإلا العجز ماتقرب ارضهن ( انواع التكسيح ) ووش يدخلتس ؟! واذا بغيت تبسط العجيّز حش بحريم عيالها ورجال بناتها وتعطيك وجه !! [/align]

ماشاء الله عليتس !! كل هذا وأنتي مستعجلة ! هههههههه ! أجل وش لوكنتي متقعّدة للموضوع وليتك تكونين كذلك ؟

شرفن مرورك طال عمرك وأتمنى التواصل الدئم بالردود والتركيز على نقاطه الأساسية وهي غموض المرأة ومن يكشف سر هذا الغموض ؟

لي عودة للتعليق على باقي الردود !