يمه تواريتـي ولا بعـدك أونـاس
بعدك زماني صار حوسـه بحوسـه
همٍ وغم وكسر خاطـر وهوجـاس
والعين معبد والدمع مـن طقوسـه
الصدر ضايـق والمعاليـق يبّـاس
والحال عظم وجلد والهـم سوسـه
تجبرني الذكرى ويكسرنـي اليـاس
وأنهرت بين طعون وقتي وموسـه
تعبت أعزي النفس وأقول لا بـأس
ضلماي بعـدك ماتنيـره شموسـه
بين البشر عايش ولاني مع النـاس
النفس عيـت لا توالـف نفوسـه
أجلس مع الجلاس والفكر منحـاس
شارد ذهن كل المسافـات أقوسـه
بعد السعـاده صـرت للهم نبـراس
وقصر الفرح ينهار من ضرب فوسه
ياكثر ماطقيت فـي كفـي الـراس
وياكثر ماعضن بهامـي ضروسـه
وياكثر في طاريك ماحبس الأنفـاس
خوف الدمع يشرح على الخد بوسه
وأشم ريحك كـل ماهـب نسنـاس
لا صار من يمة مكانـك عسوسـه
لو الغـلا ينقـاس يمـه بمقيـاس
حبك بقلبي صعـب محـدٍ يقوسـه
أنتي ذهب قلبي غناتـي والألمـاس
أنتي بنات الفكـر وأنتـي دروسـه
أدعي لعل إللي تَخَضَّعْ لـه النـاس
يجبر عزا نفـسٍ زمانـه يدوسـه
يالله عسى لك بين الأكرام مجـلاس
بالخلد يمـه بيـن يانـع غروسـه
للوالده رحمها الله
والله يحفظ كل أم للعياله يارب
تسجيل خرووووووووووج
