عرض مشاركة واحدة
قديم 03-04-11, 08:57 pm   رقم المشاركة : 1
زنقازنقا
عضو مميز
 
الصورة الرمزية زنقازنقا





معلومات إضافية
  النقاط : 10
  المستوى :
  الحالة : زنقازنقا غير متواجد حالياً
Post بعض الناس .. دعوة للسواليف


بسم الله عليكم



ياجماعة وسعو صدوركم فلو الحجاج
والله ان الدنيا ماتستاهل قسم بالله
كلكم تبي تموتون ولا باقي منكم احد



بعض الناس ماسمع ان الاختلاف بالراي لايفسد للود قضية
اذا اختلفنا فالامر عادي تحصل في اكبر الحمايل
يعني لازم اذا رايي غير رايك نتزاعل ونصير نكش من بعض
همن عاد موضوع لا راح ولا جاء تخالفنا عليه
انت تحب شي وانا ماحبه انت معجب بشي وانا لا
وش الداعي اني لاجيت تثيقلت جيتي
دام الامر عادي ماوصل لشي يستاهل الخصام


بعض الناس تمشي معه سنين ودنين وفجئة تكتشف انه مايصلح لك
وشلون كل هالسنين وانت نايم على اذانك
او ماجا الظرف المناسب لظهور المعادن
صديقي يعرف صديقي الثاني وهم خويا من عشر سنين
تخالفو عند شغالة ؟؟ وتفارقو بعد ماعرف الاول
ان الثاني عشر سنين وهو يتمصلح منه
و يوم ارتفع شوي وزانت اموره وجت حاجته ارتخى


بعض الناس اذا انصدم بصديق او قريب انقلبت حياته
وصار يشوف الناس كلهم بعين قل الثقة و سوء الظن
والبعض يمرض وهات هواجيس وهموم
والبعض يطنش ويمشي الحياة ويقول الحمدلله
مادون الموت عافية
و الضربة الي ماتكسر ظهرك تقوية


بعض الناس لايحلت ولا يجمع حصى
ماتلقابه لا نفع ولا شفع ان احتجته لايمكن تلقاه
مادري وشلون ماشي بالحياة ؟؟
تبيه منا مناك تبي تعدل تبدل مافيه امل
حطني تلقاني يابعد خلقاني
في عصر من العصور على وقت
سلاح المقمع والناس شويين
والسلاح شوي كان مثل هالعينة موجود
قاله امير الحرب يالله خلك معنا
قال انا ماعرف ارمي ؟
قال مانبيك ترمي نبيه يرمى عليك
يامعود يستفيدون من زولك
ان العدو يطلق عليك ويخسر من عتاده


واحد سمع عن مقولة ( تابى الرماح اذا اجتمعن تكسرا)
والمعنى ان الرمح الواحد سهل كسرة ولكن ان صار مجموعة رماح
يصعب كسرها والقصد ان الاخوان اذا كانو مع بعض ماحد يقدر عليهم
المهم اخينا سمع هالمقولة وجمع عيالة
وطلب مجموعة عصي
عطى ولده الكبير عصى قال اكسرة
قام الولد وكسرة
عطاه عصوين قال اكسرهم كسرهم
عطاه خمسه كسرهم عشره كسرهم
قال دام هالثور معكم ماعليكم خلاف
تكسير القواعد حاصلة يجيك واحد يحوم تسبدك
ماتلقى له مثيل ولا دليل لاينفع لا طبخ ولا شوي
ولسانه يلوط اذانه ينطبق عليه مقولة حرك تبلش





يذكرون ان عجوز يوم عرفت شي اسمه دراسة
وعرفت ان المذاكرة مهمة للنجاح
ولقطت بعض المعلومات عن مايسمى بالدراسة
كل مامر من عنده بزرين يتلاحقون
او مجموعة بزران يلعبون من عيال عياله او بناته
قالت ياعييلي ادرسو يابنياتي ادرسن
اجازة مهيب اجازة اختبارات مهيب اختبارات
مسكت هالكلمة الى ان توفاه الله
يامل الجنة والله من طهارة القلب
ذكرتن باللي يوم شافت مقدم الاخبار تغطت








رد مع اقتباس