[ابو نزيه]

بسم الله الرحمن الرحيم

الحلقة الثالثه ( الأخيرة ) _ اليوم الثالث في ميلان _

نواصل اليوم معكم رحلتنا الجميله وهذا هو اليوم الثالث لنا في ميلان

طبعا البارح كنا نفكر ونتشاور وين نروح بكرا

مره نقول نبي نروح لملاهي قاردا ومره نقول نبي نروح لفينيسيا

وبالأخير قررنا نرتاح ونروح لمكان قريب ( قلعة وحديقة الكاستللو + جوله بشارع بوينس آيرس )

صحينا من النوم بدري كالعاده , ونزلنا للفطور

وبعدها طلعنا لساحة الدومو ويازين ساحة الدومو الصباح




وركبنا المترو اللي باللون الاحمر من محطة Duomo وحسبنا محطتين وبعدها نزلنا في محطة Cairoli

صورة من برنامج Milano Metro بالأيفون




وهاذي صوره لمحطة المترو





وبعد ماطلعنا من محطة المترو لازم نقطع الشارع علشان نوصل للقلعة




وهاذي صوره للنافورة الموجوده عند بوابة القلعة , وصور متفرقه قبل الدخول











بعدها دخلنا للقلعه وكان الدخول مجاني وكان فيه قروبات سياحيه كثيره







اذا طلعت من القلعه ( من الجهه الثانيه عكس الدخول ) سوف تجد حديقة رايقه وفيها بحيرات والعاب اطفال



















الصراحه الحديقة توسع الصدر وترد الروح وفيها هدوء تام , لكن الله يعينك على الازعاج اذا قربت من ملاهي الاطفال










وجاء الوقت اللي ينطلق فيه زياد ويمارس هواياته ويخوض مغامراته مع الالعاب




جلسنا تقريبا ساعتين في الحديقه وبعدها رجعنا للفندق وقلت للأهل ارتاحوا الحين وانا ابروح لمحطة القطار الرئيسية علشان اشتري تذاكر رحلتنا بكرا من ميلان الايطالية الى لوقانو السويسرية

ركبت المترو اللي باللون الأصفر من محطة Duomo وحسبت 4 محطات ونزلت في محطة Centrale FS اللي هي محطة القطار الرئيسية




وتقدر اذا وصلت محطة المترو الخاصه بمحطة القطار انك تنتقل من محطة المترو الى محطة القطار بدون ماتطلع الى الشارع , لكن انا طلعت علشان اصور المحطه من الخارج

وهاذي صورة لمحطة القطار الكبيره جدا ولاتقارن بمحطة قطار Milano cadorna ( اللي رحنا أمس من عندها الى كومو)










وفي الصوره القادمه سوف تلاحظ انه اذا دخلت المحطه يبي يجيك درج على اليمين ودرج على اليسار وفيه طريق بينهم

هذا الطريق هو اللي يبي يوصلك الى مكان شراء التذاكر ( واللوحات منتشره في كل مكان للتوضيح )




ومن هنا تستطيع شراء التذاكر

** ملاحظه : اذا دخلت في مسارين للطابور واحد يروح يمين والثاني يروح يسار , المسار الايسر هو الأرخص واللي أكثر الناس تستخدمه




اشتريت التذاكر ورجعت للفندق وبعدها صلينا الظهر والعصر قلنا نروح نتمشى في شارع بوينس آيرس الشهير

ركبنا المترو اللي باللون الاحمر من محطة Duomo وحسبنا 3 محطات وبعدين نزلنا في محطة Porta Venezia واللي موجوده في بداية شارع التسوق
















وهذا محل مشهور , يبيع ماركات وشغلات حلوه وأسعاره مناسبه جدا ورخيصه , لكن باب المحل ليس على الشارع مباشره ولكن تدخل له من احد الفتحات الجانبيه لأحد المباني




وهذا مكان للسينما موجود في الشارع







بعد الجوله الرائعه في الشارع الشهير وصلنا الى محطة مترو Lima ومنها رجعنا الى محطة Duomo



وتمشينا التمشيه الاخيره في ساحة الدومو , وكانت لحظات الوداع قاسيه

وذهبنا بعدها الى الفندق لترتيب الاغراض علشان بكرا الصباح مانشيل هم الشناط وترتيبها

ونمنا آخر ليله في ميلان ( عاصمة الموضة الجميلة )

الى هنا أصل وأياكم الى نهاية تقريري المتواضع الخاص بمدينة ميلان

واتمنى ان اكون وفقت في كتابة وتنسيق التقرير

شاكر ومقدر متابعتكم الكريمه