[برق الوسم]

رسالة كتبها عضو وابيات رائعة نفتخر بها

--------


الكون .. يملك بالوفاء ناس أجناس
والعون .. يرسم للمواقف ذويها ..

والصاحب .. ان ما صار للعون نبراس
خلّه يداري خسّته ويْحَمِيها

خذ قاعدة لك يا برق خلّها ساس
اعمل بها .. وانفع بها من يبيها

) من كان يكسيه الرّدى .. ثوب ولْباس !
لوّك طلبته سيّته .. شحّ فيها

ياليت مابه يا برق قبْح وانجاس
!! كان الحياه الغابره مهتنيها

وياليت كل أنذال هالأرض .. تنداس
كان الحياه الغابره مهتنيها

وياليت كل نفوسنا .. تقهر الياس
كان الحياه الغابره مهتنيها

والعمْر .. يا كم به من أفراح واتعاس
لحظة فرح .. وهموم تطوي عليها

قبل امس كني بينكم بين الماس
وآعيش وآنا دنيتي مهتويها

واليوم .. كنّي بين نارين محتاس
متى على الله غايتي بالْتقيها

غلاك عندي يابرق ماله قياس
محدً يقرّب منزلتْك ويجيها

كم ناس في الدنيا تبي قربها ناس؟؟
وكم ناس .. حتى في الحِلِم ما نبيها

والشوق لا منّه وصل قمّة الراس
وش حيلة اللي غايته حار فيها؟؟

الصبر فيني يا برق دق الأجراس
يمّك .. قوارب وصلنا بامتطيها

ماعاد فيني حيل .. والحال بي خاس
بادوّر اسباب اللقاء .. وارتجيها

ملّت دموع المحبره .. خد قرطاس
وازرت من الضيقه تكتّف يديْها

حتى الهناء فيني معلن افلاس
نفسي حزينه .. والكدر ممتليها

تعبت وآنا اضرب بها اخماس فـ(اسداس)ـ
جهّز .. قوارب وصلنا بامتطيها