[نقد التعليم]

[align=center]

اقتباس:  المشاركة الأصلية كتبت بواسطة شديد الملاحظة     3- من هو أكثر وفاءا واخلاصا ؟ الرجال ولا الحرمه ؟ وإذا كانت الحرمه هي الإجابة فعلى أي أساس بنيت إجابتك ؟ ماتعتقد إن الظروف الاجتماعية المحافظه تحكم على الحرمة تكون أكثر وفاءا لو على الأقل من الناحية الظاهرية ؟ ولا هذا يرجع أصلا لطبيعة الأنثى ؟

شف أنا مستعجلة مرررررة .. بس لمحت موضوعك وتحسف إني مااعلق على هالجزئية اللي لفتت انتباهي

اللي انا مقتنعة فيه ......
إن الرجل أكثر وفاءً في الحب ،، والمرأة اكثر إخلاصاً في الزواج !!

لايروح بالكم لــ حب المراهقين وخرابيط هالمبزرة ( تلفونات وطلعات ومدري وش بعد ) ..... لا !

الرجل يحب .... ايه يحب ويمكن يعشق بينه وبين نفسه ( واذا عطى قلبه لإمرأة لايمكن يعطيه لثانية حتى لو كانت زوجته !! )
وليس كل البيوت تبنى على الحب ( لأنه اذا عدمت المحبة تتبقى الألفة والرحمة والإحسان ) !!
واحياناً يكون العشق والحب والهيام لزوجته !!

ميزة الرجل إنه يحفظ الحب ولو كان عمره 60 ( عكس المرأة واللي بمجرد ماتتزوج وتجيب عيال خلاص يصيرون هم همها وتفكيرها وتسحب على مندوب اي واحد كانت تبيه وتتمناه قبل )
وهذه طبيعة وتكوين المرأة - ولعلها رحمة من الله - لذلك كانت اكثر اخلاصاً في الزواج !!

وياما شفنا شيبان سبق أن هاموا وعشقوا ( نساءً ) في زمنهم ، ولازالوا يتغنون بهن ويذكرونهن حتى لو هن ( عجز طايحات ) !!

اييييييييييييييييييييييه !!

حاولوا تفتحون قلوب ماحولكم من ( الشيبان ) وستجدون اسرار وقصص لوسمعتموها لظننتم انكم عدتم لزمن قيس وليلى .... حب نظيف شريف عفيف - الوكاد إنه من طرف واحد - ولازالوا يحتفظون به !!

دعوهم يتحدثون وستندهشون عندما تلمع اعينهم عند حديثهم عنهن << شغلتي بس افتح مزاليج الشيبان واخليهم يكببون عشاهم ( وتجيني حالة نذالة اهددهم احرش عليهم عند عجزهم )

يبه وش اخبار بنت قصراكم مزنة ؟!!

وإلا العجز ماتقرب ارضهن ( انواع التكسيح ) ووش يدخلتس ؟!
واذا بغيت تبسط العجيّز حش بحريم عيالها ورجال بناتها وتعطيك وجه !!








[/align]