[برق الوسم]

_-_-_-_-_-_-_-_-_-_-_-_-_-_-_-_

قال تصبر في غيابي..قلت صابر
عــادي ما عندي بغيـابك مشكلــه

قال ياحسره وانا اللي كنت خابر
إن بعدي عـنـكـ اكثر بهذلـه..

وين اجل حبك وشعرك والمحابر
وإلا شاطر بس تسوي بلبله..

كل يوم ترز وجهك في المنابر
واخرت هالحب يطلع مهزله..

والله شكل الحب هذا عابر
شكلها ماهي العلاقه الأوله

قلت : لا تزعل ترى محدن بجابر
قلبكـ إنه يحبني وانـا اهملــه..

ذاكـ اول يوم انا طالب مثابر
وانت استاذي في اول مرحله

بس انا هالحين متمرد وكابر
وقبل يقتلني غرامك بقتله..

إنقلب لونه وصار الجو غابر
وقبل يتركني لحقت وقلتله..

اتركك مني ترااني بس اكابر
وإلا انا في ذمتي.. ميت وله

ولو يجوز اثنين تجمعهم مقابر
اقسم إن القبر حقك لأنزله

مشكله عندي غيابكـ .. وانت خابر
واعتقد ماهيب صعبه مسأله..

لجل تسألني إذا اني كنت صابر
ياخي انت بحد ذاتك .. مشكله




*********************************************