[هلاوين]

يوم انسدحت بالفراش وتاخذني القافه اشوف كم بقي على الفجر اثر باقي نص ساعه

قلت حرام انام ان نمت هالوقت ماقمت الا بعد طلوع الشمس وبما اني فاضي ولا ادري وش اسوي

خل اعطيكم قصة البيضه


كنت نايم عند خوالي يوم صار الصبح وقمنا للفطور

كان مع الفطور بيض مسلوق وياخذ خالي بيضه طق ويكسره بجبهتي

جازت لي لفكره لازم اطبقها بس منهو

فكرت باحد اخواني وكل يوم انتظر امي تسوي بيض مسلوق

بعد كم يوم الحمدلله فرجت سوت امي بيض مسلوق وكنا جالسين للفطور

واناظر اخواني من اقرب واحد اصيده (اكسره البيضه بجبهته)

اقرب واحد عمره 3 سنوات واقووو شي طع بجبهته يوم طاااااااااح مغشي من قوي الضربه .

جت اميمتي طااااااايره وشبه وشبه >> كسرررررر راسه ههههههه

انا عرفت اني سويت جريمه وعلطول اقرب غرفه وقفل على نفسي .

امي بلشت بوليده مغشي عليه من قوووه لتفجير انا علطول اقرب غرفه به قفل

قالت اطلع ياحمار والله ما خليك >>امي حبيبه ماهتم له كثير

الخوف من ابوي وش يبي يسوي بي اذا جاء من الدوم .ههههه

تغبيت بهالحجره واميمتي بلشت بي يوم اسكت ا لبز تبين اطلع فطر .

وتاخذن غفووووه وانام مادرت الا بوي يطق علي الباب

خالد خالد يوم سمعت صوته تقل سمعت صوت اسد خفت قووووه (مع انه الله يرحمه ما كان يضرب بس نخاف منه)

قال فتح وانا بوك >>فتحت واعظامي ماتشيلن من الخوف

قال تعال تغد قلت ايه ما علمته امي ووتغداء يوم تغديت

قال وانا بوك وراك على اخيك قلت مادريت طاحت وضربته >>مايعرف يكذب هههه

قال اشووو احسبك بالعنايه ضاربه .>>اقاله صدق الله يرحمه

البزر عقب الضربه نام ماقام الا المغرب يوم شفت جبهة اثرة تقل ديد عنز ما حلب طالع متر قدامه ههههه