ودي بدقيقه لو سمحتي في هالحين
عندي كلام عتاب ودي اقوله
يالغاليه رحمالك في قلب مسكين
تعبان قلبي من هموم يشيله
اعطيتك المحبه واعطيتك العين
لا ترحلين والقلب هديتي حيله
وين الخطاء مني يومك تروحين
ليش الخيانه وين حكم العديله
ترى الخيانه تجرح القلب جرحين
جرح الغدر والحظ لا مال ميله
والجرح الآخر ماعطيتك من سنين
ياويل قلبي بس ياويله ياويله
وين الكلام اللي من اول تقولين
والا وعودك راحت بيوم وليله
سيلتي دمع العين وانتي تعرفين
هدمتي كل الحب هو مع دليله
ودي بأنك لو دقيقه تفكرين
باللي يحبك والمحبه عدوله
والا اسألي منهو يعذر المحبين
وانا ابرضى وسوي اللي يقوله
هذي نصيحه بس ليتك فهمتين
ركزي معي في كل حرفٍ اقوله
اللي تحبينه بحبه لا تمشين
بكرى تكوني ماهي انتي ميوله
اللي يحبك مثلي اهديه العينين
واعطيه شي ما يفكر ينوله
راجيك يالمولى وطالبك الامرين
غيرك ياربي مالنا اليوم حِيله
تهدي حبيب كان هو من يسلين
ويرجع لبيته عقب قصه طويله
والثاني ياللي ماحدٍ غيرك يعين
طالبك محبوبي افراحه تجيله
ياربي تجبر هالمصيبه وتداوين
من غيبته ماشفت ليله جميله
بقلم اخوكم ومحبكم عبدالاله بن عبدالله