مجبور يالغالي اجاريك وارضيك
مجبور اخفي علتي واتصبر
مشكاي ياملجاي ياعلتي فيك
تغير الدنيا وانا ما اتغير
اذا تهيض خاطري صحت اناديك
اجاهد العبرات والحب يكبر
لو تنسى يالغالي فلا نيب ناسيك
نهر من العينين لاجلك تحدر
لا حل في ذكراك وشوقي لطاريك
لاغبت عن عيني حياتي تكدر
يوم الهوى نسناس ما ابعد ملافيك
والدنيا بوجودك ربيع تعطر
يشتاق لك قلب على البعد يبكيك
من راهن بقلبه على الحب يخسر