هذيِ مرثيهِ مبكيهَِ ):
مجبور
ترحل ي السرور ..!
مجبور .. واحزاني .. دهور
لا طالك الهم الشديد ..!
ناديت ..!
ميت ي الشعور ..!
يا ليلة في خاطري عيت عليها احزانها
ترحل وتتركني هنا .. دون السعاده والحياه
لحظة بدت .. حزة فراق صغيرها لاحظانها
ناديت يمه ردي يمه .. يمه يمه .. آه .. آه
الموت يا متلف ولدها ..!
خذتها وتوه صغير
الطفل حالم .. واول فطامه بهالدنيا .. كفاح
حط راسه .. فوق يد امه .. وقال :
بشتري لك بيت .. بكره ..!
ولا يمه .. عندي فكره !
بكبر وبلبس .. عقال
واشتري سياره حلوه لجل عينك
واشتري لك كل شي ترغبين
بسعدك يمه ولاني بيوم ادينك
انتي امي والعمر لرضاك .. دين
راح يدرس ..!
حيث يغرس ..!
علم .. وافراح .. ب يدين ..!
يدري بمغزى القلم .. ( ذاك السلاح ) ..!
يعرف ان السعد كله .. عند ( حي على الفلاح ) ..!
دارت صروف الزمان .. عيا يجمعنا المكان
والتعب .. دور طريق ..!
والفقر وقت العطش .. مويه .. وريق ..!
عقبها جاك التعب يرمي عليها .. حيث .. حيث
زارها .. ذاك الخبيث ..!
والصدر يصرخ .. هنا ( عيني حريق )
عانت سنين المرار ..
واحساسي عند الشوف .. نار ..!
صمت .. في وضع الدمار ..!
ضيق .. واتلى الضيق .. ضيق ..!
واذكر اني ما يأست .. قلت : بدرس ..
قبل ابور ..!
قلت : يمه .. بصبح .. الدكتور ..!
وابحث ابحث .. يمكن القى لك علاج ..!؟
ادري اني كنت طفل .. وكان بعض العقل .. داج ..!
آه يالله .. الخراج ..!
آه يالله .. الخراج ..!
وفي ليلتك ي الأحد ..!
ما عاد باقي لي .. أحد
زاد العنا
حتى حضن .. كوني .. لحد ..!
( ثلاث اولاد .. بنت )
خذوهم عن نواظرها .. وخذوها عن نواظرهم ..!
وقالوا بكل بساطه .. ( روح مع خالك ..! )
ل بيته .. روح .. نام ..!
وازرع الأحلام .. وامسك اخوانك ..!
وفي يومنا التالي ..!
جونا عيال الخال .. معهم أداة الحفر ..!
حزة صلاة العصر .. وعيوني كانت صفر ..!
جونا .. وملابسهم تراب ..!
حسيت باحلامي .. سراب ..!
الناس في المغرب ..!
احس قلبي منقبض .. والروح بي تغرب ..!
ثم مرنا خالي .. ثم قال : يا عيالي ..!
يالله تعالوا نروح .. ونشوف خالتكم ..!
وكني سمعته يقول : ( ويلي ي حالتكم ..! )
رحنا ..!
وتركي يناظر بعيني .. ويسألني ؟ ياخوي .. علمني ..!؟
وانا اقول : الصبر .. مقسوم للرجال ..!
جملة ونحفظها ( حتى وحنا عيال ..! )
واختي تناديني .. ودي اشوف امي ..!
والخوف ذاك اليوم .. ( مزروع في دمي ) ..!
والموت يا خالد .. يضحك وانا الاعبه ..!
ويقول : ابي إمه ..!
وافكاري بحيره ..!؟
ه الطفل من همه ..!
ما غاب تفكيره ..!
كنا ب سيارة .. شباكها مفتوح ..!
عيا علي الاكسجين ..!
وعييت انا .. لا اروح ..!
حتى الطريق .. احس كني اسمعه ..!
ويقول : للموت .. أربعه ..!
والمشكلة حتى السحاب ..!
يمشي .. ويبكي مدمعه ..!
لحظة وصول ..!
خطاي تثقل ب النزول ..!
وخالد معاي يقول .. مدري وش يقول ..!
بس المهم .. حان النزول ..!
شليت اخوي ..
باقي اخواني وراي ..!
وقلت : يالله .. خلكم مني قريب ..!
مدري بلاهم ..! أو بلاي ..!
والفكر عيا يستجيب ..!
وجيه .. شافتنا .. وقالت : انا لله وإنا إليه ل راجعون ..!
وزادت الحيرة .. وذاك الوقت .. مدري هي .. ظنون ..!
وجيه غابت عننا .. يمكن كثير .. اليوم موجوده ..!
واللي يغطي وجهه .. شماغه .. ويزود ب صدوده ..!
ولحظة ضغطنا ع الجرس ..
قلبي خرس ..!
واول خطاوي ه القدم ..!
مجموعه من نزف الندم ..!
رحنا وشفنا خالتي .. قالت : تعالوا واقعدوا ..!؟
ودقات قلبي .. ( قد عدوا ...! )
قالت : ي أولادي ..!
( من قالت الكلمه ..! )
حسيتني غادي ..!
نادتني باسمي .. والتفت ..!
( قد رحت في وادي )
كنت اتلفت .. !
لجل ادور عن سرير ابيض ..!
ومن فوقه ملاك ..!
ما شفت غيرك ي الهلاك ..! ما شفت غيرك ي الهلاك ..!
قالت لنا جملة .. ( نسمعها في الأفلام ) ..!
يا همس صوتي .. كبها ..!
قالت : ي أولادي امكم راحت ..!
راحت .. راحت ..!
تلاقي ربها ..!
سافرت صمت ..!
وناظروا اخواني بعيني ..! ناظروا ..!
ترجف يديني ..!
إسألوني .. وش هو يعني ؟
وجتني الغصه .. وهاتت ..!
قلت : يعني أمنا .. أمنا .. امنا ماتت .. وماتت ..!
من عقبها ضميتهم .. بكوا .. بكوا ..!
ودموع عيني .. ما حكوا ..!
عدت اقدام الدقايق فوق صدري .. كنها طعنات سيف ..! وما نشف دمي وحبري ..!
يعني كن السقف شمس .. وجمر ه اللحظات .. حدري ..!
قمت اسليهم وانا .. ميت عنا ..!
قلت : اسبحوا بنشوفها .. باذن العلي
لبستهم ثم حان دوري ..!
وبصعوبه رحت .. يمنعني غروري ..!
واذكر الدش الصغير .. !
ماء يتساقط علي ..!
طاح عمري ..!
وينك انتي يا هلي ..!؟
طيبونا عطر ..!
مدري طببونا ..!
العطر ما عاد .. عطر ..!
وما نشمه كلبونا ..!
رحنا للمجلس .. انا وتركي ..!
شفت ابوي .. ورحت .. مدري كيف ابحكي ..!؟
جيته .. على الراس .. حبيته ..!
ثم رحت ذيك الزاويه ..!
عفوا .. مكان اشبه .. بعمق الهاويه ..!
خليت تركي عند ابوي ..
ولا نظرت لعينهم ..؟
طلبت ربي يعينهم ..!
ورحت اشوف .. اختي وخالد ..
كان ذاك الحزن .. خالد ..!
رحت .. مدري .. ما رجعت ..!
ما كليت .. ولا هجعت ..!
صار همي ه الثلاثه ..!
( ثف ي خالد .. كيف طالت ه الفلاثه ..!؟ )
( ياخيه يا خيه .. عروسه ورديه ..! )
( يا تركي يا تركي .. ودك نروح نشوف هالكبري .. ونتكي ..! )
راحت .. ! عسى الله يرحم امي فقبرها رمز الحنان .. الحب .. رمز التضحيه
راحت وروحي راح منها صبرهاراحت ولا لي غير ذكر الأدعيه
راحت من اللي بالنظر .. يا كبرهاتسوى جميع الناس دون التزكيه
راحت ونبضاتي قلمها .. حبرهاوالروح عطشى .. والرثا كالترويه
واول سؤال .. اخر سؤال ..!
وعاش بايامي سجين .. ولا تلاشى صبرها ..!
ناديت ..!
واشلون ابعرف قبرها ..!؟
الله يرحم امه ويغفر لها ويرحم ويغفر لجميع موتانا المسلمين
اللهم آمين ::.