اقبل علينا عام سبه وثلاثين

[كروومه]

مساء الخير .......



أقبل علينا عــام سبعه وثلاثين
يالله عساه من السنين السعيده
فاتت سنين العمر والناس لاهين
والعمر يطوى مثل طــي الجريده
سود الليالــي غيبت ناس غالين
قفّت بهــم غصب علينا فقيده
وكم من خطايا سجلت بالدواوين
في عامنا الفايت ذنوب عــديده
يارب عفـوك مالنا غيرك معين
واكتــب لنا يارب عيشه رغــيده
العــز يبقى و الصـداقه توافيق
يا حظ من خاوى الناس الكريمه
والــرزق بيد الله رب المخاليق
محيي اﻷراضي من سحابه وغيمه
لو خيروني بين كل المطاليــق
بأختاركم يا أهل النوايا السليمه
ويبقى غلاكم في صميم المعاليق
وتبقون راس المال وأكبر غنيمه
ولوطاحت أسواق الذهب والصناديق
ما طاح سوق أهل الوفا والعزيمه..

دمتم بسعاده

[أبووووتركي]

صح لسانك ولاهنت

[النهـــار]

الله ياســـرع اللـيـــالي والايــام
راحــت سنه من عمــرنا مادرينا
قبل امس اذكر توّنـا بأول العــام
واليوم بالعــــام الجديد ابتــديـنـا
لاهــيــن بالدنيا على حمر الانعام
نضحك على الدنيا وتضحك علينا
ياليت كــلن يحـسب حساب قــدام
ونـحـاسب انفسـنـا على ماجـنـينا

وانطوىٓ عآمٌ آخر يحمل بين طياته الكثييير من الأحداث ..
فرح .. حزن .. نجاح .. فشل .. فراقٌ و لقاء .. ومشاعر مختلطه !

سُعدنا جداً باللقاءات ، ولا تختلف احاسيسنا فيها عن الفراق إلا أنها أتت منعكسه !

كروومة للابداع فنون
شكرأ لذائقتك الرائعة

[أبوو مروان]

صح لسانك
وارتفع شانك