غريب اطباع مايوصف مميز يلفت الأنظار
يحيرني هدوئه والغموض الي بنظراته
الا جت عيني بعيونه اضيع وتسرح الافكار
اتوه ويضطرب نبضي على حكيه وهمساته
اموت بسحر نظراته غريبه وكلها اسرار
تشابه لغز ماينحل والاغرب منها بسماته
يبعدني ويدنيني بلحظه والفكر محتار
يولعني وياسرني على ايقاع كلماته
الا من ابتسم يجني على الخافق وبي ينهار
اهيم بفكري التايه على حسه وسكناته
على صمته يذوب القلب احس ان الهوى اعصار
اموت بصمته واحيا وهوحيرني بسكاته
يميل بلحظه ويقرب وثم يعاند بااصرار
لسانه يقول مابي حب وعينه تقول لي هاته
فبحر عيونه يحلالي بمركب حلمي الابحار
اغل بجوف محبوبي وادور بالهوى ذاته
بنظرة عينه يلهمني حبيبي اعذب الاشعار
حلاها من حلا خلي وتاخذ منه ثوراته
احبه ايه انا والله ولو طال الزمن او دار
انا ببقى على وده وكل مناي برضاته
خفوقي غير خلانه ابد والله مايختار
ولو يعطوني كل الكون مايسوى عشر ذراته
العرض العادي
