عذبــــــــة *** .. [ بعض الشعور يموت مامـره البــــوح ] .. ***

[عذبـــــة]

تعجبني إدارة النساء في انتظامها بالوقت وفي انجازها لأي أمر يوكل اليها بالوقت المحدد
لكن لاتعجبني في تسلطها .. ( عاد حرمة ووليت على حريم والله من شوفة النفس وقلّ الرحمة فيهن )
حصل لي موقف مع المديرة أو الرئيسة ..
بلغت الموظفات عن شغل يخص مكتبي كإعلام لهن فقط
لما سألتني في آخر الدوام وش صار على الشغله اللي بلغتكم عنها ؟؟
قلت لها أي شغله ؟ قالت اللي بلغت فلانه فيها جميع المكاتب !
قلت لها دام الشغله تخصني تبلغيني لحالي بشكل رسمي بعدها مكتبي يبلغ المكاتب الثانية .. ثم من عيوني اقوم باللي تبونه ..
لكن تبليغي مثلي مثل غيري بهالشكل والشغله تخص مكتبي هذا شي ما أرضاه ولا راح انفذه متى مابغيتوا
الرئيسة << طارت عيونها .. قالت زين ولا يهمك لكن ودنا الشغله تخلص بكرا ..
قلت من عيوني .. لكن رجاء لاتنعاد عشان مايتعطل الشغل بهالشكل .. قالت انا بنفسي برفع السماعة عليك وابلغك قبل أي مكتب << كسرت خشم الرئيسة
اكره هالنقطة فيهن .. شوفة النفس والبزعة اللي تكره الموظفات فيها .

[عذبـــــة]

يقول العزوبي :
غبري ينام على كتف مزيونه
وأنا نومي على حد ذرعاني
غيري فطوره من يد محبوبه
وأنا فطوري على يد بنقالي

[عذبـــــة]

اقتباس: شقتي لما ادخلها بعد الدوام (خاصه) واحيان بالليل ريحتها كشنه وطبخ! بحكم اني محاط بعوائل ماهمهم الا اكلهم جربت كل الحلول من تسكير درايش لتشغيل مراوح شفط طول الوقت لرش عطورات مااافي فايدة اخر حل شريت فواحه بس لعب علي المصري بالعطر ماله ريحه تنتشر قمت ابخبخ من عطوراتي بنفس صحن الفواحه صراحة طلع خليط راااااااااااااايق اليوم رحت ورجعت ودخلت الشقة والله خقيت على الريحه حسيت اني داخل شقه اليسا جررربوها!

ياشين العزوبي اذا سكن عند سكن عوائل يتكسر خاطره بوقت الغداء والعشاء هه
شوف الراوائح الحلوة عند نكتار .. عندهم تولة فواحة اشتريتها بالصدفة وكل من دخل البيت او المكتب انهببببل عليها .. بس المشكله مدري وش اسمها لأن الكل يطلبها مني ولا قدرت اعطيهم اسمها .. شوري عليك روح لنكتار وتبي تنبسط على الروائح الصح
بعدها بتحس انك بشقة هيفاء وهبي << افسد وافسد خخ

على فكرة نسيت اقولك انك مأجور بهالانشوده اللي حطيتها لنا صرت اشغلها دايما وزهدت بمحمد عبده هه ..

اقتباس: بعد أن جرب المهندس خالد خليل (34 عاماً) البكاء حسد جميع نساء العالم لتمتعهن بهذه القدرة التي تزيح عن النفس ثقلاً كبيراً. وأوضح أن الموقف الذي أبكاه كان وفاة والده الذي كان متعلقاً به إلى درجة كبيرة. الفكرة ذاتها أيدها قاسم بن حزيني (40 عاماً) الذي يحسد النساء على قدرتهن على البكاء. وقال: «هذا شيء افتقده، فأنا لا أبكي ابداً حتى لو مع نفسي».

صدق ان البكاء نعمة على النساء .. لكنه نقمة على الرجال .. كل مابغت الحرمة شي نزلت هالدمعه بعدين يلبي لها الرجل طلباتها وهو مايشوف الجادة ..
ياحبي لهن الحريم تدخل لغرفتها متضايقه وتصيح لها نص ساعه وتطلع تضحك ..
والله ان الرجال محرومين من هالنعمة .
ولاانا غلطانة ياقتلتل ؟ والله من الرقّة بقتلتل .. الدمعه بالباب ياحيي هي ..
يشوفون هالسكاكين والسواطير يحسبون البنت قلبها حديد مايدرون انها تذرف رومانسية واحساس .

[عذبـــــة]

شيئين مهبلات بالرجال
المرأة وساهر

[عذبـــــة]

اقتباس: الحين البطن يمغصك شوي شوي واذا قربت للحمام يمغصك قوه ؟ من اللي دري أني قربت للحمام المخ والا البطن ؟؟ >>> يالله صباح خير خخخخخخخخخخخخخخخخخ

جاء عاشق وبدت المتخرمات هه
عودا حميدا

[عذبـــــة]

http://www.******.me/BaBys9
تابعوا على هذا الرابط الفلم المصري اللي متابعه العضو كفاية وعلمونا رايكم فيه
وترى فيه هناك اعضاء متابعين بس اللي يروح يلتزم الأدب ولا يزعج الزوار ..
ولاّ يمسك الجادة ولا يوطوط حول الفلم .

[عذبـــــة]

اقتباس: الذين يشاهدون محتوى الموضوع الآن : 3 ( الأعضاء 3 والزوار 0) ‏عذبـــــة , ‏♥ »صـ?ـًبة المزاجْ « ♥ , ‏عادل الحبيتر

هلا فيكم
ماشاء الله ياعادل يمدحون خيامكم بالبر وفللة الحجاج .. الصراحة انكم وناسه ماشاء الله
ماتأجروننا مخيم للأعضاء وثاني للعضوات ؟؟ ترى مالكم الا أجر تجمعوننا وترى العشاء علي لاتشيل همه

[عذبـــــة]

في آخر جمعة من العام .. اسأل الله لنا ولكم راحة القلوب وتفريج الكروب وغفران الذنوب ورضا الودود
كل جمعة وانتم في احسن حال
وحللوني وانتم بحرج << حست انها مودعة لامحاله .. بسم الله على قليبي


{ ... اللهم اني استودعك سنة .. [ مضت من عمري ] ..
بأن تغفرها لي .. وتعفوا عني .. وان تبارك لي في أيامي القادمة ..
[ وتصلح نفسي وتيسر امري ] ..
يـآرب لاتفجعني بفقد أحد , فلا طاقة لي لفقد الأحبة ..
ربي احفظ لي سعادتي ومن حولي ,
ولا تحرمني قريب ولا بعيـد .. } >> ,وايــآكم ..
آميـــن ..

[عذبـــــة]

على ذاك الطريق اللي يسمونه غرام احباب
وطت رجلي على دربه ولا ادري وش نوى فيني
تبعته لآخر دروبه لين ان القمر قد غاب
تعب قلبي ولا تعبت مسافاتن توديني

[عذبـــــة]

عجوز سمنسي

اقتباس: لاتنسون موضوعي http://www.buraydh.com/forum/showthread.php?t=266151

الحين بعرف وشوله هالدعاية اللي مكلفتك مبلغ وقدره وانت موضوعك بليلة وصل 8 صفحات ماشاء الله
صدق ان بعض الناس فسقانين

انت مثل مرايا غاثن روحه بالدعايات ومكلف نفسه ومتخسر
والحريم مالهن الا الله ثم هو وكريماته وخلطاته وخرابيطه
صدق من قال ان ابن ادم طماع
وهالشايب مااقتنع بالثمان صفحات .. يبي من 17 صفحه وفوق ..
خاف ربك بهالبنيات اللي تشققت حلوقهن من الصراخ بهالموضوع ..
اكشتن بس يابنات وانبسطن لايهمكن هالشايب اللي يبي يصك عليكن بالبيوت
ويطلع ويستانس هو والباقي ينطقون .. يبي يعيش زمنه وزمن غيره بعد !

[عذبـــــة]

اللي وده ينزل موضوع ولا له خلق يرد على الأعضاء ينزله بقسم المجلس
الموضوع هناك مايجلس نصف ساعه الا وهو مقفل هه
شكلي بنزل اي موضوع عن قولة اني مانزلت شي




http://www.******.me/BaBys9

[عذبـــــة]

اتناقشنا انا والبنات حول الرومانسية
اتفقنا بأهميتها بين الجنسين سواء ازواج ولا حبايب << انواع التفتح
لكن اختلفنا في نقطة
انا اقول ان الرومانسية لايمكن تطلع الا الا كان فيه حب ..
اذا وجد الحب وجدت الرومانسية واذا ماوجد الحب بتكون الرومانسية مصطنعة ومملة وتجيب الغثيان

واخرى قالت الرومانسية مالها دخل بالحب .. ممكن امارس الرومانسية بجميع اشكالها لو ماكنت احب اللي معاي !! تتوقعون يعقل كلامها !!!!!!!!

[عذبـــــة]

ام كنادر فيني نوم واحتمال مااسهر معاكم
اذا نمت احشمي ام القتاتيل ترى تقطع قليبي عليها امس يوم فقدتني وضاعت علومها بين البروفايلات
ترى ان جاني علم ان هالبنية اتعذبت بغيابي لاتلومين الا نفسك
ماعاد الا هي تضيقون صدر هالرقيقة جعلي ماافقدها
عاد هي حبيبه اذا جت لك تبي تجيب قهوتها معها ماتثقل على احد
شوري عليك ياام كنادر لاتحاولين تزعلين قتلتل ترى ذبحتك عندها مثل ذبحة العصفور

http://www.******.me/BaBys9

[عذبـــــة]

ياويليييييه على نافذة تم احباط العملية اللي تطلع في البروفايل
تطلع لكم ولا بس محسره بي انا لحالي ؟



شوفو هي تطلع لكم ولا لا ؟؟

http://www.******.me/BaBys9

[عذبـــــة]

امس قريبتي بالإجتماع تسولف عن الحريم اللي يخطبن من ناس ويجن يشوفن البنت هن وعيالهن ولا يرجعن !
تقول ان مدرسة معهم بالعمل تقول انا دخلت ثمان بيوت ادور لولدي وماش مابعد جزمت عليهن !
تقول قريبتي معقوله ثمان بيوت ؟؟ ماتخافين الله ... وهالبنات اللي تشوفينهن وتطلعين وتتركينهن ؟
قالت ان مااخذناها حنا ياخذها غيرنا مهب قاعده ! من يحصل له بكل بيت ضيافه معتبره وحلا وموالح وكشخه !!
ياجعلك الفاري اللي يفرى بطنك تروحين وتحوسين البنت ونفسيتها عشان بطنك ؟؟؟
ياويلييييه على بعض الناس اللي مخلوقين كومة لحم بلا احساس !!!
يالنعنبوها حاله !
اتخيلت شعور البنيه وهي كاشخه ياحيي وتدخل على ذاك الشاب اللي مرتز يبلع هو وامه ياجعلهم للمر .. وتجلس عندهم يتمقلونها بعين وعين على البلع ..
وتطلع منهم متشققه من الوناسه .. واذا ملوا بطونهم طلعوا على هالطلعه لبيت ثانية !!!!
البنت بعدها تكره العرس وطاريه وتلعن بالرجال قايمة قاعده .

اللي عنده تعليق على كلامي يتفضل في غرفة النقاش بدون شوشرة رجاااء لأن قتلتل خابرتها نايمة .