حفله نسائيه وحفله رجاليه...

[البارق]

وربي خبر محزن
يتفطر له القلب كمداً وحزناً

معقولة هذا في السعودية وبالقصيم بعد!!!

يااااااارب سترك

اللهم لا تؤاخذنا بما فعل السفهاء منها

[بسومة بريده]

اقتباس: المشاركة الأصلية كتبت بواسطة •» سُلِّطـآَن الْغَرَآم «• . عادي ليش لا ... أنتي يا بسومه تقيسين نفسك و ربعك اللي حولك .. على كل الناس ... ترا أذا كنتم محافظين ,,, فـ فيه نـــآس منحطين الى درجة الإنحلال ... و إذا كانت عندكم غيره ,, فـ فيه نــــآس أشبه ما يكونوا شربوا التديث ... و إذا كنتي متمسكه بدينك ... فـ هناك من العوائل و البلدان ,, من أندثر عندهم الدين و العياذ بـ الله .. فـ مسألة الإستغراب في هذا الزمن هي مسألة خــآطئة .. طيب ,,, و اللي يقول لك أنه فيه نــأس نعرفهم ... من قديم ,,, عندهم عــآدي زوجة الأخ تسلم على أخوان الزوج و تبوسهم ..!! شفتي وشلون ,, وتراهم سعودين أصل و فصل ... لكن مو من بريده ..!! أنا لا أنزه أحد و أذم أحد .. لكن ابغى أبين أنه فيه أشياء تخفى عن كثير منــا .. ,

يالله سترك...
وين حنا ...؟؟؟!!

ايه كلن بعقله راضي..

[نــف نــف]

يمكن آصولهم لبنـآنيه

[فديكا التميمي]

ياااناااس عادي يمكن حفله رجاليه والمقصد محااارمه ,,
والله لو حنا بجبال دمشق ,,,,

[shahd2007]

اووخس يالرس موب سهلين اجل حفلات خليطي ..
يابسوومه ياقلبي هاذي شكله نصابه اجل حفلات خليطي تستهبل
ومن يرضى ع اخته ولا زوجته ولا بنته تحضر حفلات كذا
الا اذا المحارم مايدرون عنهن ..!!

قولي تقولك شهد تقلعي عن الرس دوري غيره

[هنري]

اخت بسومه

بنظري أنه ربما هناك لغطٌ وسوء فهم، لإنه كان معنى "حفلة" الذي نتخيله فهذا أمرٌ صعب جداً على الأقل في نجد!
حتى وإن كان الأمر في قرية صغيرة مثلاً!؟

.............

الأمر الآخر، لفتتني كلمة الإختلاط في موضوعك، وخصوصاً أنني لم أقف على تعريف ثابت لكيفيتها!؟

فالأمر قياسي ومتفاوت وربما ساهم في فك شفرة حديث تلك المرأة وفهم شخصك الكريم لها.

مثلاً عائلة معينه، يجلس الرجل وحوله نساء كثر من محارم وغيرهن( مثل زوجات الأخوة) ويكون هناك احاديث وجلسة سمر ويكن بالعامية " متغطيات".>> ذلك مثال لعائلة لاتفكر حتى في ذلك الشيء فإذا استفسرتي عن الأمر ينصدمون!!؟
وهناك عوائل ترفض فكرة سماع صوتهن ( أي زوجات الأخوة)

وهناك يكون القياس والتفاوت، ودرجة التفكير والتعقل.

يقول لي أحد الأصدقاء أنه ذهب للمشفى لزيارة زميل له تعرض لحادث مروري واقعد في المشفى على آثره.
يقول عندما وصلت للغرفة، قابلني صديق كان خارجاً منها، وكنت أسمع صوت نساء وأطفال بالداخل، فقلت لصديقي هل هنالك أهله بالداخل؟
قال مبتسماً وبالعامية: " يارجال ادخل"

يقول: طرقت الباب وسلمت بصوت عالي، وإذا بصديقي المصاب يقول لي تفضل!

دخلت وسلمت عليه ، وأنا محرج من الموقف وأحسبه محرج، فلما انتهيت قال لي هذه والدتي وسلمت عليها ، وبعدها بدأ يسمي اخته وعدد من بنات خاله ويقول " هذي فلانه وهذي علانه" إلى أن إنتهى وأنا اسلم عليهن شفهياً وهن كاشفات بالأصل! وأنا محرج تماماً منه أولاً!!؟
وهن يبدو عليهن الثقة وذلك يتضح من ردهن.

انتهينا وخرجت وأنا مستغرب تماماً!؟

تلك عائلة من قبيلة معروفة وكبيرة، ويرون الأمر بسيط جداً!؟

لذلك قلت أن الأفهام تختلف وفي النهاية

لاإفراط ولاتحجر

شكراً

[دِيم]

وي ..


صح فيه حمايل حريمهم ورجالهم خليطي , لكن بينهم حدود ومواجيب ..
بس عآد هيك الدعوة قصير وطويل وحفلات .. !!



الله يخلي لي جلالي بسسس , لامنّي تقبعته , والله مايهمني أطلق شنب ..


.
.

[بسومة بريده]

اقتباس: المشاركة الأصلية كتبت بواسطة نجداوي حياك اخت بسومه عادي على حسب المجتمع الاجتماعي بالمنطقه المذكوره تجوز المخالفات ناس فوق وناس تحت كما هي الحياه والخياطه السوريه لاقيه رزق والاماجلست 17 سنه وتاركه ديرته بالفطره !!!!! شكرآ لك

ربما المجتمعات تختلف...

لكن ماتوصل لهالحد..

[بسومة بريده]

اقتباس: المشاركة الأصلية كتبت بواسطة قلب الأسد يعني الحفله يقعدون جميع رجال وحريم والله ياهم تنسيم هالقريه .. بس زين حق الرجال تحت الركبه متسترين هذولا ههههه الله يستر المستقبل يخوف كله من قل الدين والانفتاح الاعمى ,,

على كلامها انهم يجلسون مع بعض...

وتقصد بحفله زواج اومناسبه كبيره..يعني ليست خاصه..

يارب سترك...

[بسومة بريده]

اقتباس: المشاركة الأصلية كتبت بواسطة الهوى ـآ الغــايب ههههههههههههههههههه قبل كم يوم اسولف مع واحد من الرس يقول فيه قرى ورا الرس فيها من الفساد والحبوب والشراب مالله به عليم عاد هناك مافيه لاهيئات ولا رقيب واصلا حاميها حراميها بعض العساكر هم اللي رواد الحفلات والله يستر عليهم من يبي يروح معي ننصحهم !!

والله فيكم الخير جاهزين للنصايح..

ان كان مثل ماتقول نتمنى ينتبه للوضع اهل الاختصاص ...

[بسومة بريده]

اقتباس: المشاركة الأصلية كتبت بواسطة بريداويهـ طيب يمكنه تعني بحفله رجاليه محارمه يعني خواله او عمومته مع اخوته او اخوانه كثارين وعيال اخوانه وماتقدر تطلع قدامهم بلبس قصير اتوقع هذا اقرب شي لا ماضنتي يصير هالشي صحيح سمعت ان فيه ناس يكشفون لاخ الزوج بس لو حتى فتشت مب عندنا وايضاً ماتوصل انه تسمى حفله رجاليه ما اقول الا قهر ليتي معتس عشان استفسر منه ^_^ تحياتي

لا يااختي قالت انهم عادي عندهم مايتغطون معنى الكلام انه مو محارم...

وين تصيرين معي رفضت تدخل الغرفه الي انا فيها بس انا جدعت اذاني ...

[يكفيني حنانك]

مادام انه ما اخذت راحته الا مع الاجنبيه فا اكيد هالحفله سريه
والا شي خارج عن العاده وبدون علم المحارم

والا بس عند السوريه يعني ترانا مثلكم والكلام كذب بس للمنافسه

وهذا موجود عند ضعاف النفوس اللي يحبون التقليد السلبي قبل الايجابي

وهذا كله من تاثير القنوات وبعض الموقع الاكترونيه الضاره


شكرا بارك الله فيك

[أشغلتموهــا]

هههههههههههآى
طيحتي اذنك عليها وجيتي تحشين فيها هنا
هذي الظاهر تبي تطلع تحشش مع شلتها !
يعني حالهم حال المراقص بسوريا
ماقد سمعتي خبر (القبض على شقه دعاره ؟)
ممكن هي وربعها يبي يحطون حفله في استراحه او شقه
وكثيييير اسمع تحصل برياض واشوف مقاطع مصورة توحى الا ذلك

[أشغلتموهــا]

اقتباس:  المشاركة الأصلية كتبت بواسطة البارق     وربي خبر محزن يتفطر له القلب كمداً وحزناً معقولة هذا في السعودية وبالقصيم بعد!!! يااااااارب سترك اللهم لا تؤاخذنا بما فعل السفهاء منها

ههههههههه
غريبه صدقت
مع ان موضوعي اهون من هذا بكثير الا انك ماصدقته وتقولي ماقد شفت او سمعت مثل هيك
طيب وهنا كيف صدقت ؟

[| ~ ســمــو ~ |]

بغض النظر عن اختلاط زواجهم
عاد ليش الفستان نفس اللون ونفس الموديل ..!
كان غيرت احسسسسسن
.
.

هه وناسه الزواج مع بعض لكن استغفر الله الله لايبلانا ..!