وينك ؟! تعبت آدوّرك ما لقيتك , !
وأيّست من صمت البحر والكراسي !
كنّا هنا .. وسط الدجى لا ظميتك , !
وفي غيبتك قام الظما بافتراسي , !
جيت ومسلّم خافقي يوم جيتك , !
ما قلت بتغيب وخذيت احتراسي , !
رح علّم اللي قالوا إني نسيتك , !
الفرق بين المشتكي والمواسي , !
لو أدري إني بفقدك لا عطيتك , !
شبّعت عيني بك وباقي حواسي , !
ولو أدري إني بنتهي لا بديتك , !
ما طحت في الحب ورضيت انغماسي , !
بغيتني قلبٍ وقلبٍ بغيتك , !
مير الفراق بْهالبشر شيْ أساسي , !
كن الهوى يومك هويت وهويتك , !
يعوم في بحرٍ وما به مراسي , !
بظل أردد [ وينك ؟ ] قبال بيتك , !
وإن شاب صبري منْك وإن شاب راسي , !
وإن لامني غيرك ليا من بكيتك , !
الراس راسي [ صحّ ؟ ] والفاس فاسي , !!
العرض العادي
