هذي مقابله اجرتها معي المذيعة ارتياع على قناة مجلسكم ههههه
،،،،،،،،،،،،،،
ضيفنا هو " هلاوين "
السلام عليكم , .
عليكم السلام ورحمة الله
أسعد باستضافتك أخي الفاضل , .
وانا اسعد بقبولها
واتمنى ان تجيب على الاسئلة التالية :
ابشري بس ماهنا جوائز تراي من الظهر اكتب هههه
س1 / بداية حدثنا عن بطاقتك الشخصية : " الاسم , العمر , الحالة الاجتماعيه , المهنة " ؟
الاسم خالد بن عبدالله.... اكمل الفراغ .
العمر ....14 اكمل الفراغ ب
الحالة الاجتماعي مثل النصف الاخر من الشعب .
المهنة موظف حكومي
س2 / هلاوين عضو عريق في منتدى بريده تواجد منذ زمن , ماهي بدايات دخولك للمنتدى ؟
وماسر تعلقك الشديد بمنتدى بريده ؟
انامخضرم بالمنتدى ادركت الحقبتين.
بدايتي الله يسلمك مممممممم مادري والله . الاكيد مافيه شي واضح .
صراحة حصلت فيه اخوان لم تلدهم امي
طيب وسماحة،،،، بارك ربي بوجودهم
مع هذا للامانه والله مااعرف ولا شخص بالواقع .
س3 / هلاوين كما عرف عنه ذو اسلوب فكاهي ومرح , هل ذلك الاسلوب تميز به هلاوين عن غيره ؟ و هل اخترت ذلك الاسلوب لتكون قريبا ومحببا لدى الاعضاء ؟ وهل هو اسلوبك في الواقع ؟
صراحه هنا متحفظ 50% عن الواقع.
جمال الدنيا بالمزح والضحك والبسمة مع الاخرين
وكثير ما حصلت على مرادي من المدير او مسوول بمزحه >> يعني تراي المزح احيانا يكون واسطه ههههههههه
س4 / هلاوين متواجد بشتى اقسام المنتدى , ونجد له مواضيع اجتماعية كثيرة , هل تلك المواضيع تنبع من مجتمعك حقيقة ؟ وهل هناك وقت محدد لكتابة مواضيعك ؟ أم انك تمتب متى ماتوافرت الفكرة ؟
لا املك ا سلوب ولا حسن تعبير ولا صياغة الكلمات
و مايطرأ بخاطري واعتقد انه يفيد خلال دقائق بين الفكرةوالكتابه
بمعنى لا افكر ولا ابحث عن مراجع ( الموضوع والرد عندي واحد من 1 الى 7 دقائق) وانتم تفرجون عليه .
س5 / نجد في ملف هلاوين الكثير من المخالفات , لماذا .؟ وماسبب تلك المخالفات ؟
يابنت الحلال لاتنبشين علينا استري الله يستر عليك ,,,,, تقل ماحطهن بالمدونه هههه
وش اقول مافيه مخرج يطلعن من هالسوال الشين ايه خبرك المشرفين حاقدين علي >> كل عمرنا نقوله للمدرسين هههه
الصز ،، يقولون تجاوزات لفظية الله يسامحهم .
س6 / نعلم أن والدك قد توفي منذ زمن - رحمه الله واسكنه فسيح جناته - ما أثر ذلك عليك ؟ ومامدى علاقتك به ؟ و هل احتجته بيوم عصيب ؟ وماهو هذا اليوم ؟
امين يارب
طبعا ابن مدلل فقد اب بجميع ماتعنيه الكلمة كان بمنزلة الاب والاخ والام والصديق والمستشار .
كان رحمه الله لين هين وفي نفس الوقت تغلط تلف وتدور يؤدبك .
تدرين وش امنيتي انه كبر حتى ارد بعض جميله
والله لما اشوف ولد ماسك يد ابوه الكبير او يروح فيه ان عيني تذرف دمعا
واقول مايعرف قدر الاب او الام الامن فقدهم .
لكن حقه علينا الدعاء
س7 / هلاوين مدرس , كثيرا مانسمع أن المدرسين بخلاء , ماصحة هذه المقولة ؟
بعد انا اسمع ياليت يصير صزز عشان نتزوج ونعمر ونعطيكم من صدقاتنا هههه.
اعتقد المدرس مثله مثل غيرة البخل لايتعلق بوظيفه
س8 / مهنة التدريس مهنة جليلة فالمدرس مربي للاجيال ومؤسسهم, هل ترى أنك حققت ولو جزؤ يسير من هذه المهمة ؟ وماسبب اختيارك لمهنة التدريس , وخصوصا الابتدائي ؟
والله انا احاول اولا واخرا يكون عملي خالص لله تعالي وفي الاخلاص تزين الامور.
اقولك حقيقة التدريس متعب للمخلص وسهل للمتلاعب الذي لايخاف الله في طلابه
سبب اختياري مثل اي شاب يطلب العمل في اسرع وقت .
انا درست جميع المراحل وفي كل مرحلة ما يميزها لكن الابتدائي ميزته الخروج مبكرا .
س9 / مامدى علاقتك بطلابك ؟ وها تؤيد أن يكون هناك تواصل بين الطالب والمعلم ؟
ابشرك درست في اكثر من 4 مناطق والازال التواصل معهم ولله الحمد مامدح نفسى لكن الطيب فيهم .
نعم ايدها وبقووة خاصة طلاب المرحلة الثانوي لكن مع اخذ الحيطة والحذر .
س10 / ماذا قدمت أو اضافت لك مهنة التدريس ؟ و ماهي ابرز المشكلات التي تواجهها ؟
قدمت لي الكثير منها علاقات مع الناس خاصة خارج منطقة القصيم
وكذلك دورات تثقفية ومهنية
واما بنعمت ربك فحدث من تعينت ماقد حصل لي اي مشكلة
لاني اعرف من اواجه لكل طالب طريقة بالتعامل .
س11 /هل لك ميول رياضية ,وماهي ان وجد ؟ و هل تمارس الرياضة بشتى انواعها ؟
انا مثل اللي يقول متى مبارة الهلال والمنتخب هههه
اشوفها فرقت الناس واشغلتهم بلا فائدة لادين ولا دنيا .
نعم امارس رياضة ملاحق البزران من(2- 7سنوات) وتسطيرهم وعضهم >>هواية للابد وكذلك موروثه من الوالد رحمه الله .
س12| مارايك بالمطلقه ؟! وهل الطلاق يغير من نظرة المجتمع لها ؟
اقول لكل مطلقة لست الاولى ولست الاخيرة وهذي سنة الحياة لابد منها .
والطلاق ليس عيب ولا شق جيب اذا لم يكن من تقصير.
اما المجتمع فهو اجناس مختلفه انا عن نفسي ومن حوالي ماشوف فيه نظرة تختلف مثلها مثل اي امرأة .
الله يوفقهن ويسعدهن
س13 / ما مدى قربك من حواء ؟ ومارأيك بمشاركتها في المنتديات و برامج التواصل ؟
يكفي حواء فخرا كون امي واخواتي منهن هههه هن منا ولنا ،،، وقربي منها كقرب الولد بامه واخته .
اما النت لابد منه واعتقد لايجود بيت مافيه نت وحق المرأة كحق الرجل فيه بشرط لا يكون على حساب التزامات اخرى.
س14 / ما وجهة نظرك فيما حدث في الايام القليلة السابقة عن مشكلة مصر والسعودية ؟ وبرأيك كيف نتصدى لهجمات مشابههلتلك الهجمة ؟
صرح سعود الفيصل انه تدخل خارجي واعتقد يقصد بها مربية المتعبة واكلة الخمس طهران المجوسية.
الموقف الصحيح ان نهدي الامور ولاتاخذنا الزوبعه نحن شعبين اكبر من هذا ومصالحنا مشتركه .
فعلى كل ذي لب الا ينجرف ويسب الطرف الاخر .
س15 / ماهي هواياتك التي تمارسها على الدوام ؟ وكيف تقضي وقت فراغك , ؟
هوايتي للي ماقدر استغني عنها اني اجلس مع اميمتي واخواني اتقهو >>>ماعندي هواية
وقت الفراغ يا اطلع يا على النت .
س16 / هل تفكر بالزواج حالياً ؟ و هل ستبحث عن مطلقة أم عذراء ؟ وماهي مواصفات زوجتك المستقبلية ؟
طبعا الفكره موجودة لكن الوقت >> اذا جاء رايح اعزمكم
والله مادورت واذا دورت فكرت والخيرة في ماختارها الله مطلقة او غير مطلقة .
موصفات الزوجه>> اشوف خشتي واطلب على قدر حسنها .
خبرك الزين مايبي الا زينه هههه
ما اطلب المستحيل ولا ابي الدميمة
س17 / ماهي خططك وطموحاتك المستقبلية ؟
مشكلتي امشي بالبركه مااخط ولا ادرس الامور اعيش يومي .
لاني الحمدلله ماشوف فيه شي ابيه ولا قدرت عليه .
س18 / مالمواضيع التي تتابعها ؟ وماهي الاقلام المفضلة لديك ؟
اذا بالاعلام انا محب للاخبار فقط >>غيره يخلف الله لا تمثيل ولا امور دينه.
ا ما في المنتدى ما اتابع ابد واكرة موضوع عندي الموضوع المتكلف فيه والطويل .
س19 / أخبرنا عن موقف محرج حدث لك ولن تنساه ؟ وهل تؤيد المزاح والمقالب ؟
انا من الناس للي صراحه نادر ماقول انحرجت يعني اذا انحرجت رديت بنفس الموقف ثم نخرج بسلام هههه
نعم لان المزح يجلب المحبة والالفه بين الناس بشرط لايكون فيه ضرر بالبدن و النفس وكذلك لايكون في غير محله
س20 / ما رأيك بمنتدى بريده وسياسته ؟ وما ذا توجه له من انتقادات واقتراحات ؟
لولاء جدارته ماكسب قلوب عشرات الا الاف من الاعضاء .
طيب اذا نقدت ياخذون بكلامي والا بس تخلينه يعطونن انذارات هههه
شوفي مافيه شي كامل الكمال لله تعالي لكن سددوا وقاربوا
س21 / كلمة أخيرة توجهها للمنتدى والاعضاء ؟
اقول للجميع ان هلاوين شخص بسيط يصيب ويخطي يفرح ويحزن من غلطت عليه بكلمة اورد او اسأت له مستعد اعتذر امام الجميع له
واقول والله ماقصدت اهانة اي انسان وانا من الناس اللي يحصل له الموقف وينساه وينسى جميع احداثه
وما اتينا للمنتدى الا للوانسه والاستمتاع بمايفيد
لتكن قلوبنا بيضاء صافية مع الجميع
أشكرك
ابي ماء تعبت من الكتابة ههه
ولك الشكر اخت ارتياح بورك فيك
اتمنى لك سعادة بالدارين
العرض العادي
