!_§=½‰ـدررر§®½‰±«BadeR»±‰®§البـ‰=½§

[البـــBADERـــدر B.D.Q]

الملاهي


الملاهي اكثر شي خلان اكره عيال عمي ويصيرون اعدائي ههه

ليش ؟؟ قلتوا لي ليش
قبل كنا تقريبا حوالي 4 اشخاص وكنت انا اصغرهم لكن اكبرهم جسم <<طويل وهبيل هه
وكانوا اذا راحوا للملاهي يدخلون زي السلام عليكم اما انا لا يعيون علي الحريم الي تاقف عند الباب
يقولون هذا رجال كبير مايدخل
والمشكله عيال عمي كل واحد شنبه مغطي خشته بس يدخلون

عاد لا انطردت تضيق بي الدنيا وازعل واشره واهوش على ابوي وحالتي حاله

والي يقهرن زود لا طلعوا عيال العم .. خوذوا سواليف عن الحريم هههه
ومن ذيك الايام قررت اعادي عيال عمي لاني حسيت كل ماقربت لهم كل مازادت فرصه اصابتي بالضغط والسكر

[البـــBADERـــدر B.D.Q]

صينيه ههه

الخميس الي راح كنا جالسين بالاستراحه بالدكه .. كان جالس معنا واحد مقرود ومسكين وحالته الماديه صعبه الى ابعد حد .. وكان له تقريبا سنتين او ثلاث متوظف .. المهم يسولف علينا ويقول انه مل وهو يجمع فلوس للزواج يبي يتزوج ويستقر ويعيش حياته وانه كل ماجمع فلوس جا اهله مصيبه احتاجوا الفلوس الي معه .. ويضطر انه يعطيهم الفلوس علشان تنحل هالمشكله .. طبعا كان يشكي لنا انه تعب وهو يبي يتزوج وخاصه انه بيدخل الثلاثين وهو لا زواج ولا ولد .. المهم وهو من ضمن شكاويه علينا .. كان فيه واحد بعيد شوي عن الدكه جالس عند برميل المندي يسوي العشاء .. وكان يصوت للي يشكي علينا ويقول له الصينيه داخل الغرفه رح عنده .. المهم هذا جلس شوي ماستوعب الكلام الي موجه له ..شوي وقام راح للغرفه وجا ومعه الصينيه .. وهو يمشي جاي لمنا اشوفه مبتسم وبه الضحكه .. قلت انهبلت وش بك تضحك .. قال بقول لك بس لا يدرون العيال ولا تشره علي .. قلت ابد تم بس انطق .. قال قسم بالله العظيم ان يوم قال لي صينيه بالغرفه احسبه بنت من الصين .. طرت من الفرحه

انا طبعا عجزت امسك روحي مابين رحمت هالشخص ومابين الموقف .. والى الحين كل ماشفته جبت طاري الصواني ههه

حاله هالدنيا ماحد به مرتاح

[البـــBADERـــدر B.D.Q]

اقتباس: البــــــــدر والله يا انت داخلن جو معه بس تسآن هو ذاك اللي شفته فمآ توقعته منه صراحه

من تقصد

[البـــBADERـــدر B.D.Q]

محمد بن منصور & كادي بنت عبد الله


**

قبل تقريبا اسبوعين او اكثر كانوا معي هالصغيرين بالسياره وكنت اتصفح المنتدى عن طريق الجوال .. المهم كذا فضاوه امسكت معي اسوي مقابله مع كادي عن الاعضاء ومن الي تحبه ومن الي تكرهه

<<متعيجز ينزل المقطع

[البـــBADERـــدر B.D.Q]

دعواتكم يوم السبت عندي اختبارين ومبارتين .. من كل شي اثنين ههه

هالاسبوع ذا مضغوط مره الله يعين بس

..

قبل لا اطلع لا اوصيك على سوره الكهف ترى بيوم الجمعه له فضل كبير


[rams]http://www.islamcvoice.com/play.php?catsmktba=2957[/rams]


http://www.islamcvoice.com/play.php?catsmktba=2957

محبكم
بطر

[البـــBADERـــدر B.D.Q]

~




لَيسَ كٌلٌ منْ يبْتَسِمْ [ سعيد ] .. !
فَهُناكَ إِبْتِسَامَهْ تُخفِيْ خَلْفَهاْ [ جرح ] وَعَذاابْ ..



~

عباره استوقفتني كثيرا وجعلتني اتأمل في كثير حال من الناس الذي يحاول جاهدا ان يخفي الامه ويظهر ابتسامه كاذبه تخفي كثير من المعاناه والمأسي الي تجتاح حياته ..


شكرا ام عزوز

[البـــBADERـــدر B.D.Q]

http://www.buraydh.com/forum/showthread.php?t=232149

[البـــBADERـــدر B.D.Q]

مسافر .. الله يقصر الطريق ويوصلني سالم

<< ماوده يروح

[البـــBADERـــدر B.D.Q]

شكرا لكل سائل عن حالي ومن تحمد لي بالسلامه

[البـــBADERـــدر B.D.Q]

ليتك يا غالي تفهم علي وتفهم كلامي زين . ويكفي مشاكل وشيلات خاطر .. رساله اتمنى انه توصلك و تفهم مقصدي

[البـــBADERـــدر B.D.Q]

عضو مشهور في المنتدى

قبل تقريبا ثلاثه اشهر كنت باستراحه واحد من اعضاء المنتدى . وكنت اسولف انا واياه المهم رن جواله التفت علي وقال تدري من الي داق .. قلت منهو .. قال العضو الفلاني الي بالمجلس ..

( طبعا هذا عضو معروف بالمجلس جدا ومشهور في مواضيعه ).. قلت طيب رد عليه .. رد عليه وسولفوا شوي وقال له ليش ماتسير علي الحين اني جالس وعندي واحد من.. طبعا انا اشرت له بيدي انه لا يعرف اني عضو بالمنتدى ولا تقو له شي وفهم علي ... بعد تقريبا نص ساعه جا هالعضو هالمعروف ( وانا كنت حاط ببالي اني بشوف شخص فعلا عقيته ناضجه وفاهم ورزين ..خاصه اني بنيت هالنظريه من كتاباته في المنتدى ) دخل علينا بالاستراحه وجلسنا نسولف وطبعا حاولت اتداخل معه شوي في بعض المواضيع .. للاسف اول مره يمر علي بحياتي شخص بهالعقليه التعبانه وهالجهل المتراكم في مبادئه ودنائته .. على العموم مهما سبيت ومهما تكلمت للامانه لان اوفيه حقه .. لان شخص يتكلم في اعراض الناس ويسمهم في اساميهم ويتصرف تصرفات واطيه لا اعتقد ان اي كلام يوفيه حقه .. ويقولون سن الرشد عند الاربعين وهالشخص تعدى الاربعين وتصرفاته تصرف واحد عمره 15 سنه

..
الكثير من الاشخاص يستخدم قناع مختلف عن حياته .. والمنتديات تعتبر احد الوسائل للمحاوله توصيل هذه الاقنعه الجديده الي تخفي الحياه المره لهذا الشخص

لاحد يتوقع ان الذي يكتب في المنتديات هو واقع لكل حياه شخص .. فهنا الكثر من يرتدي القناع

[البـــBADERـــدر B.D.Q]

عاشق ديرتي بريده

هالشخص هذا يعرفني بس باسمي واعرفه بس باسمه يعني لا اعرف شكله ولا هو يعرف شكلي
قبل يمكن حوالي سنه كنت مراجع في احد الدوائر الحكوميه وانا اركض بهالمعامله طلب مني احد الموضفين اني اوقع هالمعامله عند مدير القسم لانه تتطلب تتوقيعه ( طبعا انا كنت اعرف ان عاشق ديرتي يشتغل في في هذا القسم لكن بالضبط وين ماكنت ادري )
المهم طقطق << يطق الباب
دخلت على المدير وقلت له الله لا يهينك ابي توقيعك طبعا انا اشوف الوجه مهوب غريب علي
اخذ المعامله هو وجلس يقراه قبل لا يوقع .. انا طاحت عيني على الطاوله ومكتوب فيها اسمه
طبعا عرفت ان هالي قبالي عاشق ديرتي بريده من اسمه .. شوي الا اصرخ من الضحك لكن حاولت امسك نفسي قد ماقدر
وهو جالس يقرى المعامله رفع راسه يبي يستفسر عن شي .. وهو يكلمني انا نظرته وضحكت ههه
هو ضحك قال وراك تضحك .. قلت ولا شي
قال براحك .. وقع المعامله وطلعت اكمل اجرائاتي

والحين لو اقابل عاشق لا عرف منهو انا ولا شي ماغير يدربي كراعينه ههه

[البـــBADERـــدر B.D.Q]

لكل هلالي فرح انه فايز خمسه

لا تكمل فرحك انت وراسك الين تأهل
بعدين ترى النتيجه 2 -0 فرق الاهداف

هذا وحنا لاعبين ناقصين 9 لاعبين وانتم كملين ويالله يالله باخر الدقايق جبتوا الخامس

على العموم وعدنا المباره الجايه وبتشوفون يا وش اسمه .. نيفيا

[البـــBADERـــدر B.D.Q]

بعض الكلمات القصيميه
الله يطول بعمره جدتي بعض المرات تقول حتسي والله اني اقولب عيوني ولا ادري وش السالفه
مهوب بعض المرات الا دايم
يعني لا سولفت علي بسالفه به مثلا 15 كلمه ماعرف منهن الا 5

اوريكم الكلمات الي سئلت عنهن وعرفتهن وبعض الكلمات الى الحي مادري وشن

اتناك = احتريك او انتظرك

الفوه = احلته او اجدعه
امخر = ؟؟
عندزليل=؟؟
يتدوكر =؟؟
ينشص=؟؟
طربال=؟؟
يستثح= يحلت يعني او حول يحلت
انهج = بسرعه

الطاوه =؟

يتهبع =؟؟

يعيزل ويبيزل =؟؟

لقسه =؟؟


يلثق =؟؟

منشطن =؟؟

ايخاقي =؟؟
امرده=؟؟
نفري هماك =؟؟
يلبح=؟؟
امخس=؟؟

ارجوا من الاخوه الاشقاء ملء الفراغات الي عليه استفهامات

[البـــBADERـــدر B.D.Q]

وفاه ام

هذا واحد من الشباب قبل سنتين توفه امه الله يرحمه ويغفر له ويسكنه فسيح الجنات
طبعا انتم عارفين معنى وفاه الام وعارفين المكانه الكبيره الي راح تتركه الام بوفاته .. خاصه ان مكانته لا يعوضه مين من كان ..

حال ذيك الاسره ايام ماكانت امهم حيه .. كانت الاسره ملتمه وكانوا اخوان وخوات ايدهم على بعض

بعد وفاه الام .. الكل عايش برى البيت والاكل عايش بحاله .. مع ان كلهم عزوبيه وماتزوجوا يسولف علي خويي ويقول تصدق يابدر اني ماشوف اخواني الا بالاسبوعين مره وفتره ساعتين بس او اقل .. من بعد ماكنت اعيش بينهم ومعهم واغلب وقتي بين اخواني ..
مع ان ابوي ماقصر معنا لكن الوالد سفراته كثيره برى البيت وبعد وفاه الوالده تزوج وطبيعه عمله تستوجب سفره برى ..



**

الله يخليك لي يام بدر والله يطول بعمرك ويخليك ويمن عليك بالصحه والعافيه .... قبل يومين كانت تعبانه شوي والله اني شفت الضياع بلحظات تعبه ... لكن الحمد الله