هل تؤيد تشجيع النساء للكرة وللاندية !!

[بريدة اولا]

اقتباس:  المشاركة الأصلية كتبت بواسطة بقايا إنسانه     عجبا امركم ايها الشاب تريدون احتكار كل شي..والسماح لانفسكم بكل شي اما الانثى قف. اذا عن تشجيع المراء ومتابعتها للكوره مسموح..ممنوع...او دين..اوتقاليد..او حريه شخصيه اذا عني بقول حريه شخصيه لافتح لنفسي المجال لكن لنأخذها بالمنطق ش المانع بتقولون(البنت تابع اللاعب ماتابع المباره) عذرا هذا كان في عصر فات اوانه..يعني هناك بنات تجده تحلل المباره..بالمقابل هناك اولاد لايعرف بالكوره الى الهدف(تقدر تنكر) يعني مثل مااحيانا يوجد بنت تابع لاعب يوجد رجال تابعو الكوره للاعب وانتهت مسيرة الرياضه عندهم بعتزال الاعب تدرون ش الغريب.....منتديات كثيره كتبت عن البنت والكوره ورأيك...اما الرجل تدخله بشوؤن الانثى شي عادي..او بالاصح ماللبنت شي خاص لها يعني ش البرامج او الاشياء الي تخص الانثى بنضركم الجواب اكيد المكياج والطبخ والبيت...تقدرون تقولون لي برنامج المفروض الرجل مايتابعه وتابعه بس البنت(بنضرة الشعب العربي الذكر مسموح له كل الطرق مع اختلاق العذار بينما انثى قفي) يعني لو بقول لرجال لاتطبخ..بيقول مو عيب الواحد يساعد زوجته لا مسموح لي اطبخ اساعد زوجتي واتعلم لو اكون لحالي لو اقوله خير تابع برنامج هالفنانه او الممثله..بيقولي لا مسموح انا اتابع الفن كصوت مو كشخص ويمكن مافيه شخص يسمع للفن الى بسيارته شريط فنانه ولو اقولها ش تبي بمجلات المكياج والملابس وليه نازل للسوق. ..بيقول ع شان مستقبلي واقدر اشتري لزوجتي بذوق حلو والبلا ان الرجال الحين لهم مكياجات خاصه ولو حتى قلتله برامج النسائيه (الخاصه جدا ) لاتابعها هذي خاصه فينا...بيقول لازم اعرف اجل ادخل الحياه جاهل اما لو اقول اني استمتع بالمباره كالعب..كمهاره قال بدري عليك ماتفهمين...ياخي صح ماافهم بس بفهم بعدين لو جميع البنات يناضرون للكوره كلاعب كان مالقيت فتيات معجبات بالدعيع ولا ماجد انا لما اكون معجبه بلاعب ابدا مايكون تفكير لمستوى انه رجل...اصل من الغباء ان اعجب برجل ومثل ماتقولون احبه وانا مااعرف عنه الى لعبه حتى اخلاقه مانعرفها.. ولو اقول اني معجبه بفنان كان صار شي عادي جدا وهالشي تعتبرونه مناسب للفتاه...ولو شاعر كان ماقلتو ليش تسمع وان البنت تحبه لانه رجل وماتفهم بالشعر..(عل فكره زمان كان من العيب ان الانثى تسمع للشعر)نحن يالشعب السعودي جدا .... المهم اذا عن المراء والكوره زمان...عرفت ان الحريم زمان كان يجلسون قدام التلفزيون ويتابعون المباراه ايام الاسود والابيض..وقالولي انه تقريبا قبل عشرين سنه(ماابالغ)هذا كلام خالتي لاحداث حصلت بطفولتها بعني قبل ولها بنت الحين عمرها عشرين تقول ان فيه ملصقات تباع بالبقالات فيها شعار الانديه..وكانو يشترونها وكان هناك احتفالات طفوليه لهم لما يفوز فريقهم......[بس كان ينضر لها بحسن نيه) البنت..والولد اللي يتابعون عشان لاعب ومايتذوقون الفن اصلا ضلم للرياضه اننا نعتبرهم جماهير وياكثر الجماهير اللي يحبون ماجد وهم ماشاهدو لعبه لكن لانهم نصراويون وينافسون به الفريق الثاني والى جماهير متعلقه بسامي وهي طول المباراه جالسه ترقص بالله هذا التشجيع ودي اعرف ش البرامج اللي المفروض الرجل مايتابعها

لا يا اختي الكريمة
نحن الرجال لا نريد احتكار كل الاشياء وحصرها علينا نحن فقط دون الجنس الآخر المكمل لنا .
موضوعنا اختي موضوع حوار ونقاش ....من خلاله نستطلع اراء الرجال والنساء حول هذه الظاهرة ......من خلال ما شاهدته من ردود ......اتضح لي ان كثير من المشاركين يؤكدون ان تشجيع الفتيات في الوقت الحاضر يسير الى الهاوية من خلال تصرفات مسيئة لكثير منهن كلبس شعار النادي ورقم اللاعب .....وتعليقات بالمنتديات مخجلة لفتيات يتغزلن بلاعبهن المفضل .....وهذا موجود في منتدانا هنا.
اختي الكريمة
النساء في الماضي قمة في الخجل والحياء وفي تقدير ودراسة الامور دراسة وافية .بعكس اليوم تجدين فتياتنا معدومات الحياء .

اختي الكريمة
قبل ما يقارب سبع سنوات كانت اخواتي في بعض الاحيان يتابعن مشاهدة مباريات كرة القدم معنا ....للتسلية فقط ....وليس ولع وشغف بالكرة والرياضة ......ومتابعة الكرة ليس من اولوياتهن .... بل من الامور الثانوية فمساعدة والدتي في شئون البيت من اهم اولوياتهن .....يا ترى هل بناتنا اليوم بنفس تفكير تلك الايام .......ام انهن يسرن الى الهاوية .

اختي الكريمة
ما الاستفادة التي سوف تستفيد منها المرأة ان هي تابعت الرياضة وتابعت هذا اللاعب .
هل سيسألها زوجها فرضا في يوم الدخلة من لاعبك المفضل .
وهل ان كانت معجبة بلاعب من اللاعبين فهل تستطيع ان تبوح بهذا الشي لزوجها .
وهل ترضى المراة ان يكون زوجها معجبا بفنانة او مغنية الى درجة الحب .!!!!

خالص الشكر لك ,,,,,,,

[الحنتريش]

بريده اولا ريح راسك
شف اغلب ردود الاعضاء مناهضه لقيادة المراه قصدي لتشجيع المرأه
ولو تقول للواحد ترضى اختك تروح تشجع صبخك باكر شي معه
لاحظ الردود الرجاليه بهن مجاملات وعدم مصداقيه

[وحده من الوحدات]

ما فيها شي ابد ابد


اللي تشجع ويكون فريقه هو محور حديثه افضل بمليون مره من اللي طايحتن حش وفتنه بخلق الله



وشي عادي حتى عند اخواني اصلا ياخذون اخبار فريقهم من وقبل كل مباراة يسالون بيلعب اللاعب الفلاني ومن شدت اهتمامي بفريقي مسمين واحد من اخواني كوزمين
وقبل امس اترهن انا وخوي وسالته قلت لا صار ها الشي وش لي قال لتس بدله الهلال الاصليه
عاد هو يستهبل يعني عادي مافيها شي


والتشجيع ماله دخل با الانوثه .. هو ما يأثر با الانوثه اذا يأثر فهو يأثر با الصحه


حنا نحب كيان ونحب اللي يخدم ها الكيان



والحقيقه اني ما انصح لا العيال ولا البنات بها التعصب اللي ما جانا من وراه الا المرض .

[عدوان العدوان]

[align=center]يا حليلهن حريمنا لمن صارت ما تعرف للكوره تصير مع زوجه تشجع اللي يشجعه 0

يحبيل الحريم على نياتهن نكته وخفيفات كع كع كع [/align]

[وحده من الوحدات]

اقتباس:  المشاركة الأصلية كتبت بواسطة خذني بقلبك     [align=center]يا حليلهن حريمنا لمن صارت ما تعرف للكوره تصير مع زوجه تشجع اللي يشجعه 0 يحبيل الحريم على نياتهن نكته وخفيفات كع كع كع [/align]

موب دليل


مرت عمي مهيب لم الكوره وقبل تعاند عمي وبناته وتشجع الاتحاد !!!



يوم كاس الملك شاريتن الكيكه من العصر يحووول واثقه ان الاتحاد بيفوز تتحتفل


وداقتن علينا تعزمنا تتوحنا به وقراده حضه انهزم وبثلاثه وبفشيله كيتا .



اعرف ان بناته يقولن يمه جيب كيكتس نحتفل بهزيمة فريقتس وتحطيمكم خخخخ

[عدوان العدوان]

اقتباس:  المشاركة الأصلية كتبت بواسطة وحده من الوحدات     موب دليل مرت عمي مهيب لم الكوره وقبل تعاند عمي وبناته وتشجع الاتحاد !!! يوم كاس الملك شاريتن الكيكه من العصر يحووول واثقه ان الاتحاد بيفوز تتحتفل وداقتن علينا تعزمنا تتوحنا به وقراده حضه انهزم وبثلاثه وبفشيله كيتا . اعرف ان بناته يقولن يمه جيب كيكتس نحتفل بهزيمة فريقتس وتحطيمكم خخخخ

[align=center]اقول روحي كلك على غيرنا كع كع كع كع اجل شاريتن الكيكه من العصر

اقول حتى ما تعرفن ولا تسذبن يا الحريم كع كع كع[/align]

[shahd2007]

من المؤيدين لتشجيع النساء ولكن بحدود الادب والاخلاق فنمتنع عن الحرام بأعجاب بالاعب الفلاني او العلاني نشجع فريق ولعب وليس لاعب

بعدين نشجع ونبغى الفريق يفوز عشان ابوي واخوي وعمي وخالي ينبسطون ونشاركهم فرحتهم

وبعدين مهب كل الفرق تشجع يعني الهلال مدري احس مافيها شي اوادم تلعب

[وحده من الوحدات]

اقتباس:  المشاركة الأصلية كتبت بواسطة خذني بقلبك     [align=center]اقول روحي كلك على غيرنا كع كع كع كع اجل شاريتن الكيكه من العصر اقول حتى ما تعرفن ولا تسذبن يا الحريم كع كع كع[/align]

ايه من العصر .. وراي اعرفك انا اهك عليك وضحك معك


قصة مرت عمي يا الذهين مثال ع فشل نظريك


حتى ما تعرف ولا تقنع فاشل بكل شي

[رائد نت]

اقتباس:  المشاركة الأصلية كتبت بواسطة وحده من الوحدات     ايه من العصر .. وراي اعرفك انا اهك عليك وضحك معك قصة مرت عمي يا الذهين مثال ع فشل نظريك حتى ما تعرف ولا تقنع فاشل بكل شي

هههههههههههه اتوقع لو معه ام خمس كان ضربته

[عمر افندي]

بلا قلة حياء ماعاد الا هي حريمنا
يشجعن كوره
وين المشرفين من حذف الموضوع

[عازفة ألحان الليل]

اقتباس: هل امك تكتب في المنتديات الرياضية

لا ولكنها اول من شجع نادي النصر في عائلتي

تشكراااات

[وحده من الوحدات]

اقتباس:  المشاركة الأصلية كتبت بواسطة عمر افندي     بلا قلة حياء ماعاد الا هي حريمنا يشجعن كوره وين المشرفين من حذف الموضوع

مهبول ولا تهيبل


من اي عصر جاي يا الافندي !!!


ووش فيها التشجيع هاه ؟


سبحان الله كل واحد يقيس الشي ع حسب فكره


اللي فكره سليم ونيته صافيه بياحذه من ها الباب والعكس صحيح

وتراك انسان محضوض لان بطاريه ضعيفه والشاحن يبيله تدوري ولا تسااان

اخذت راحتي صدزز برد وفهمتك وشي قله الحياء

[وحده من الوحدات]

اقتباس:  المشاركة الأصلية كتبت بواسطة لون احمر     هههههههههههه اتوقع لو معه ام خمس كان ضربته

وحلالات ام خمس لكل فكر ضيق


لكل معقد اناني يبي الدنيا له لحالوه


فشل

[رائد نت]

اقتباس:  المشاركة الأصلية كتبت بواسطة وحده من الوحدات     وحلالات ام خمس لكل فكر ضيق لكل معقد اناني يبي الدنيا له لحالوه فشل

لا وبعد تعرفين ام خمس ... الى ماعندكم فشق .. قاضي حقنا

طبعا امزح ... سلامه

[وحده من الوحدات]

اقتباس:  المشاركة الأصلية كتبت بواسطة لون احمر     لا وبعد تعرفين ام خمس ... الى ماعندكم فشق .. قاضي حقنا طبعا امزح ... سلامه

لا بس انت اللي تعرفه !!

وشو الي قاضي فشق > يا زين الجمله بس


وبعدين ترا بريده اولا بيزعل عليك فاتحن موضوعه سوالف !!!

همن عاد كل ردودي تنحذف

ونت عارف انه ردودي قيمه ولها مغزى وبه امثله وحركات

وناختك منب امزح انا ترا ما عمري صرت جديه مثل اليوم ..

ياليت تجيبون لنا حلول ولا طرق نترك به التعصب


يله انا مستعده انا اترك التعصب وبدعي له اللي يساعدن
الاحظ كل ما تركت الكوره فتره ارجع له وبزياه !!