عفوا .. هذا الشخص خارج الخدمه ( مقناص ) ..

[عناية بالبشرة]

على سيرة الصيد وموسم الصيد
وديت انبه عن فتوى قرأتها قبل سنوات وفي كل مناسبه للحديث ذكرت بها
وهي فتوى للشيخ ابن عثيمين رحمه الله عن حكم الصيد للهوايه والمتعه فقط
فقال رحمه الله انها لاتجوز لانها من تضييع المال دون ضرورة و افساد للممتلكات
من المزارع وقد يصاب هاو الصيد بدعوة عليه من صاحب مزرعه.....
ما اتذكر نص الفتوى ولكنه في النهايه لايجوز او مكروه ..

وبمناسبة صحة ملاحظة الشيخ في الفتوى لنا مزرعه يشكت فيها كثير من اهل الصيد في موسم الصيد..
لكن ..! يعثوا فيها خراب لممرات بستانين النخيل بسياراتهم ..وملىء الاحواض بالنفايات وعلب
المواد الغذائيه مما يضطرنا لتنظيفها كل فترة بعمال يدويا يجمعون مخلفاتهم و انقطع صوت الوالد الطاعن
في السن من كثرة مواجهتهم ونصحهم ان ما يدخلون لمزرعته والبقاء فقط على اطرافها
ولكن لا حياة لمن تنادي ..

فياليت الاخوة اهل الصيد من قراء الطرح يراعوا لما يروحوا رحلة صيد اهل المزارع
اللي يقيمون فيها للصيد ولا يتركوا ورائهم لهم اي اثر ..حتى لاتصيبهم دعوة صادقه
عليهم من اصحابها .












:

[تركـي]

اقتباس:  المشاركة الأصلية كتبت بواسطة ابو ضــــرس     يارجال الحين اللي يصيدون اكثر من الصيد هههه من عرفته قال رايحن اصيد وانا خبري به مايتعداء الدائري الشرقي بس كل شي تيسر سيارات وقارمن وحافظات للصيد عشان كذا من عرفته صار راعي صيد ولو تعد اللي يصيدون وتعد الطيور تسان يطلعون اللي يصيدون اكثر من الطيور هههه

تحمسهم الشمس ويرجعون بالكتالوجات اللي معهم ..
البر يبين اللي بلو الصيد
وآخرته تصفي على دجاج ..

هم يسمعون يحسبون الصيد كشته بالطرفيه بمخيم ..
والآتخيل جيوب الشاص صارت للأستعراض
وتغسل كقراته بماء وسكر عشان اللمعه ..!!

[نيكاربانو]

نسيت لقول شي عندنا يجلسون يوم كامل سهاري بمكان واحد من 4 الفجر الى اربع الفجر اليوم الثاني منشان بس صقر يراقبونه ولين مايطيح بيدهم وشف المبالغ الي ينباع فيها تبني لك شقه واو عماره كامله

مره كنت عند البل وكان جاي جيب مسرع بغى يقشني انا والي عندي ولمن شفته عرفت انه مو من املج فزحفت شويات وعرفت انهم يركضون يراقبون صقر او هيك

للمعلوميه انا من عشاق القنص ودايم اروح يم البر والبل بس منشان اراقب وهيك ولا اطلع فوق متنه او جبل ومن فوق اطالع فيهم بس احلى شي اغلبهم مو من املج

[تركـي]

اقتباس: شوف تركي المشكله لصار راعي صيد وداج ويجدع الزوجه عند اهلها! مصاريف الرحله الظاهر انهن سلف خصوصا وان الفشق غالي ! وعياله يحوسون عند خوالهم هنا المشكله ! , تصدق اعرف أشخاص راعين صيد بشكل فوق المعقول لسوء ظروفهم الماديه ياخذون الزكاه ! برمضان ويدخرها لرحله بريه ! الهوايه يجب ان لاتطغى على الواجبات.. الميزه الوحيده بالنسبه للزوجات : (قد) تكون رحله الصيد أهون على الزوجات من (خته) لخارج الحدود

فعلا مثل ماذكرت ااخوي احمد ..
..
وايضا .. البعض والله وصل الى سن متقدمة بالسن ولا تزوج حتى يتفرغ لهوايته بدون مسئوليات ..

تكاليف الصيد غالية
وتبي واحد ينطح
والآ شف المحلات اللي تختص بالرحلات كيف بضاعتهم
حتى فناجيل القهوه لها ستايل خاص لأهل الصيد ..

مشكلة البعض ممن آبتلى بهذه الهواية وهو يسخر وقته وجهده وماله لهذه الهواية
وخاصة المتزوجين ..
والخوال لو تحملو مره مرتين
لكن مو مسئولين وعساهم يقومون بمصالحهم ..
وفعلا الواجبات يجب الآ تصبح ضحية للهوايات ..

بس آآخاف يعودها على أنه بالبر وهو يتغنج بروابي بيروت ..

يعني آآجل تحريك نمسك الآرض
مامثل الآستراحه ..

[شاها]

بالله هالقواريس لادخلت البطن راعيه وش يصير
مكوناته هههه ياويلي حاله باس

[حبر جاف]

اللحين اللي يروحون يصيدون يجبون هذولي ..!!

يارب لك الحمد اللي نسمع فيه ولا نعرفه براافو عليكم شباب عائلتنا خلكم من فرايديز وجاي

[عناية بالبشرة]

تنبيه عن فتواي ..لادخل بذمتي ..
حصلت هالفتوى لابن عثينين تكلم ان ( الصيد ) يجوز
تفضلوا

السؤال:
هذا السائل من السودان يقول في هذا السؤال نحن مجموعة من الشباب نقوم بصيد نوع من
أنواع الطيور يقال له القطى ليلاً واعترضنا بعض الإخوان وقالوا إن صيد الطيور في أوكارها ليلاً محرم مستدلين
بحديث (لا تأتوا الطيور في أوكارها ليلاً) ما حكم صيد الطيور في أوكارها ليلاً وما مدى
صحة هذا الحديث.

الشيخ:
هذا الحديث لا يصح عن النبي صلى الله عليه وعلى آله وسلم
والصيد جائز ليلاً ونهاراً إلا أنه في الليل على خطر لأن الإنسان قد يتجشم شجرة تؤذيه أو حفرة يقع
فيها لشفقته على إدراك الصيد أما من حيث الصيد نفسه فإنه حلال ليلاً ونهاراً قال الله تعالى (هُوَ
الَّذِي خَلَقَ لَكُمْ مَا فِي الْأَرْضِ جَمِيعاً) (البقرة: من الآية29) ولم يقيد زمناً دون زمن.



نقلته للأمانه وتبرئة الذمه ..
وفتوى الشيخ بكراهته او تحريمه انا قرأتها واتذكرها زين
مطوية من اعداد فاعل خير اسمه مكتوب عالمطويه احمد الربعي
وهي مطويه موزعه في احدى مواسم الصيد قبل يمكن اكثر من اربع سنوات
وعنوان المطويه ( احكام الصيد ) للشيخ محمد ابن عثيمين .
ولعل الشيخ قصد في تحريمه في المطويه انه من تضييع المال لغير حاجه والتعدي
على الممتلكات..فيصبح الصيد هنا للهو الى اخرة مهوب زي اخونا في السودان
اللي يمكن مالاقي ياكل وهنا يجوز له الصيد..

والله اعلم














:

[تركـي]

اقتباس:  المشاركة الأصلية كتبت بواسطة مشغـــــــول     الصيد وغثاء وخساير وغير تسذا حر .. اصور لكم الصيد ( و هنا تخيل عزيزي القارى واحد يحلق طير بسيارته ) و10 كيلو .. ولقدر على الطير .. ثم يدورون مزرعه اهون لهم وينزل دب ( هنا عزيزي القارى تخيل دب منسدح تحت شجره يحتري طير ياقع على الشجره ) ههههههه بس ياحلت الشي بتعبه ويطعم الطير لا كتمته ... هذي صارت .. واحد خطب وطاحو به انه راعي صيد ويصيد بالجنوب وطرى لوه انه يدخل اليمن ويتزوج هنك وياليته على تسذا طاحو به ان جوازه مختوم ختم اليمن ههههه عاد سألوه عن وش حاجة السفره لليمن قال وانا اتمشى بالجنوب بجيزان دخلت حدود اليمن بالغلط وختمو جوازي هههههه لاهنت تركي

مشغول .. حلاة الصيد بها الحروره وغثاه ولارجعت للديرة الآ كأنك راجع من دورة عسكرية ..
يصير اللون برازيلي ..
والآ لو الدعوى تبطح
مامثل نفود الداايري ..
ولا تستهتر بالدببه تراهم اكثر من يستانس بالبر هم
يالله من فضلك نثريات واللي مايأكلك كلووه بالبر ..
لو مايجيك الآ لحظات الترقب لتس تس بالكاتم وانت خابرن أن الدخل والقميري ريحة كبستهن تجيب البس من عفيف ..
آجل طاحو بووه ههههههه
انا آحسبه مهربن يمانيه أثره رايحن يصيد .. ههههه

[هاايدي]

عاد تصدقووون ودي امسك ام صتمه <<-- هي اسمه تسذا ههه

واجرب الصيد .. ودي ادري وش هالوناسه اللي تحسون به

[وضوح]

اقتباس:  المشاركة الأصلية كتبت بواسطة احمد النجم     موضوع دسم أعادني للذاكره لموضوع طُرح هنا قبل كم سنه .. تركي / دائما متجدد..

سقى الله ذيك الأيآم ..،

تركي ..،
الصيد طلع رحمة لبعض البشر ..!
الرجل بحاجة لشيء يشغله ان جلس في البيت مصيبه ،
وان سآفر فالله يستر عليه ومنه ..!
لذا فالصيد بسلبياته وايجابياته خيرٌ لهم من الانشغال بغيرهـ .،

< تخاف يمسط به الفـ@ـــد مرهـ ثانيه





:

[شوكولاته بنات]

كيفهم خلهم يصيدوون
بس لايجبون حمامهم عندناا ويقولوون نظفيهن
ياناا ما اواطن تنتييفهن لصاار وقت الصييد اهاجرر
لجدتي هروب من الشغل

[رايق دايم]

اقتباس:  المشاركة الأصلية كتبت بواسطة احمد النجم     موضوع دسم أعادني للذاكره لموضوع طُرح هنا قبل كم سنه .. تركي / دائما متجدد..

أبوحميد عهدتك لاتجامل أحدا مهما كانت علاقتك فيه وثيقة .
موضوع أشبع نقاش كل ماجاء الصيد وغالبية من تطرح هالمواضيع هي زوجة غلبانه رماها القدر مع زوج راعي صيد .
على فكره ترى راعين الصيد غالبيتهم رجال وينشد فيهم الظهر

[محارهـ]

* مرحباً

هواية الصيد ..
حالها كــ حال الهويات الأخرى ... تبقى مشروعه
طالما أنها لم تنقلب إلى هوس أعمى وفوضوي
ولم تتسبب في تنتيف جيوب صاحبها
أو ...
تنتيف قلب زوجته كنتفه للريش القميري

شكراً *

[احمد النجم]

تركي

اقتباس: بس آآخاف يعودها على أنه بالبر وهو يتغنج بروابي بيروت .. يعني آآجل تحريك نمسك الآرض مامثل الآستراحه ..

وصلت خير.. مالك ومال الغُلب ترىتبي تنتهي تحت طلحه !
الاجواء بدأت بالاعتدال ويازين الجلسه بالاستراحه والنثريات تدهر !
لجيت مع المغرب وانت شبعان نوم والله ياتركي الجلسه والبراد الخادر يغنيك عن
المطاير بالشعبان
00000
تركي ابسألك بصراحه
يومين بأحدى جبال بيروت الشرقيه .. او اسبوع بشعيب أم مراكي وذيك الاراضي؟ ايهما تختار؟ تراي قلت بجبال بيروت وليس وسطها
وضوح

اقتباس: سقى الله ذيك الأيآم ..

،
اول ماقرأت موضوع تركي تذكرتك ههه
والا عرف لك الا العائد بعد غيبه الفـ@ـــد
عاد هو (جفش) وكملت بموضوع البر والصيد !

0000
رايق دائم

اقتباس: أبوحميد عهدتك لاتجامل أحدا مهما كانت علاقتك فيه وثيقة .

والله يابن الحلال لجيت الصدق ترى الهوى يلعب بي يمين ويسار ههه

وقولتي (موضوع دسم) لنسبه الكوريستول بالقميري والدخل والصفار
والا ماجازلي موضوع تركي ..لانه يروج للطلعات

اقتباس: على فكره ترى راعين الصيد غالبيتهم رجال وينشد فيهم الظهر

ينشد بهم الظهر بأمور تجد فيه الشهامه والشجاعه ..بس يمكن ماينطبق على غالبيه هذا الجيل///...ويخذلونك منهم .منهمكين بزياده ..تجده انطوئي ولايحضر المناسبات .. ومقصرين (اجتماعياً)
سواء مع من لهم حق عليه أو الاقارب بشكل عام

[جلوي العتيبي]

حقيقة الهواية جميله وممتعه حتى وإن كانت متعبه


وطعم الصيد لذيذ ومغري <<<<متعشي دخل

لكن الغريب والمضحك هو ان هناك أشخاص امتهنوا الصيد للمتاجره والبيع !!!!

يقول أحد الزملاء أن سعر الدخله وصل 4 ريالات هذه الأيام .