السلام عليكم ورحمه الله وبركاته ..
[ إحتياجي ] :
مو لأن العيشه من دونك دمار !
العُمر ما يوقّف لغيبة أحد .. .
حتى لو نصفي يتقطّع ،
ونصفي الثاني يغار ..
بس إن جت للحقيقه ؟
لأنك أكبر قطعه في قلبي .. .
و [ خذوك ] !
وإنت شوف شـ قد تبعد هالمسافه ،
لإنتهوا منك .. و رموك !
وجيتني ،
ويديك تتنافض [ تعب ] .. .
وقلت لي عطني علاجي !
بعدها بـ تعرف صحيح ..
شلون تدمنك الجروح ،
شلون يدمنك [ إحتياجي ] !
يا إنت .. .
وإنت أكبر من إنّي أخفي وجهك وأختفي ،
أو أدوّر منك زلّه ..
أو أغثّك وأكتفي !
أو أشوفك تشحذ الما من يديني .. .
وأنثره بالأرض !
و [ يذلّك ] هم اجي .
تبقى غالي ،
مو بيدّي امنعك !
لا جاني من طيفك [ وله ] ..
لأني أعرف من قبل لا أعرفك ،
إن بحر العشّق غدّار بـ هله !
وإن لو نصفك ظلام .. .
نصفك الباقي [ سراجي ] .
لِ العذب .. صالح العبد الكريم ..
من ذائقتي ’
أتمنى أن تروق لكم
</B></I>