ياجارح احساس المحبه سلامات
تجرح وتسرح والمحبه كما هي
ذبحتني بمحبتك عشر مرات
على الرغم من ذبحتك هذا انا حي
من قبل لا اقابلك ما تعشق الذات
ومن شفتك صادروني هل الغي
وقطعت من شانك جميع العلاقات
وطوتني الدنيا على طاعتك طي
اعشقك واحبك واداريك بسكات
كثر الجروح اللي تجي من يدك في
ومن زود حبك لا لفت منك كيات
اقول لك مسموح واقبل الكي
واخاف ما املك وتقول لي هات
واقول تبغى ذي والا تبي ذي
ب اخبرك ولك الامر بالخيارات
اما تجيني لي والا تجي لي
لا تحسب اللي بيننا بالمسافات
وانت اقرب لثوبي على مسكه ايدي
ب اسهر معك والليل قله سهالات
ماني بخايف عتمته دامك الضي
سبحان من بيديه سبع السماوات
خلا عيونك شمس ورموشك الفي
كتبت فيك ابيات وابيات وابيات
واليا لقيتك قلت لا والله شوي
ميت ولكن ماني بضمن الاموات
ميت بحبك وانته تشوفني حي
وان كان حبي مات ليه المعاناه
انا بروح اموت تامر على شي
!! 
العرض العادي
