إذا كنت تحوس تدور بيت لأهلك
أو تبحث مع عروسك عن مقر للعشة الزوجيه
أو حتى كرشوك أهلك من البيت ووصلت لحاله مزريه من التلحيط وناوي تسترجل وتسكن لحالك ف إنتبه
نعم أنتبه
ومرة ثالثه أنتبه
تسكن جنب ابتدائية بنات!!!!
مهما كانت الظروف و المغريات ومهما كان اجار الفيلا او الشقة رخيص
حتى لو قالوا لك اسكن جنب بليس وافق ههههههههههههه بس بلاش ابتدائيه بنات
اسمع كلامي
أنا زي أخوك واعرف مصلحتك
و الكلام ذا ما جا عبث
بل بعد معاناة 3ستوات
وتدور أحداث القصه قبل بضع سنوات وبضع ايام وبضع ليالي يوم اني اضطريت اني ادور سكن في انحاء الرياض اللهباء
و أذا بتلك الشقه المثيره للسعبله والشفقة <<<<<< ياعمري يالاسلوب
قلت بس جاك الموت يا تارك الصلاة
( عندي مشكله في الأستشهاد)
هذي هي فتاة احلامي
اللي مرت فوق الحصان الأسود
وصفقتني بالعجراء فدخت من حبها
ولكن الحلو مايكمل
واااااا حسرتاه ، الشقه طلعت عوايل ، لكن هيهات 525 سنه دشره على الفاضي ، اكيد لازم تفيدني في هالموضوع
وفعلا ، رحت لخويي
و انا مبسوط قاعد اغني مع العنادل
لين ما اشرق الفجر
قلت يالله يا عندول منك له اقضبوا الباب ابرقد
و بعد سبع دقايق من وضع راسي على المخده ، كنت على موعد مع الكارثه المأساويه
قمت مفزوع ، وشذا يا عيال زلزال ركزت شوي و اذا والله الدعوه طلعت النشيد الوطني بصوت بزران ابتدائية البنات اللي جنبي
لا حوووووول بنبتل كذا ، قلت يا ولد خلك انت الكبير و اصبر لين يقضي الطابور وكل بزر يذلف على فصله
لكن هذا كله تسخين هههههههههههههه
لان الوناسه بدت يوم دخلوا البزران الفصل المقابل لغرفتي
يا ربي
وش سويت بدنياي
تصدقون
انا لي 581 سنه وانا ادرس ما حفظت سارعي الا يوم سكنت بالشقه
و ياليته جت على سارعي ، حفظت قطتي قطتي ما أحلاها ، و هري يلعب فوق السطحي
بس ما انجن وتفلت أعصابي ألا اذا دخلت أبله منيره فصل ثاني ابتدائي
( اللي هو الفصل اللي جنب غرفتي )
لأن ابله منيره تعشق التصريخ عشق جنوني و هذا يعطي البنات دفعه معنويه فيصيرون يصاارخون اشنع من أي وقت مضى هذا بالأضافه لأن ابله منيره تخلي البنت تعيد النشيد من أول اذا اخطت
( طيب اخترعوا البراشيم ليه مو عشان المواقف المحرجه اللي زي هذي بس عاد وش تقول الجيل الجديد مضروب )
بعد السنه الأولى تأزم الوضع
لأن اول كانت ابله منيره تسيير على الفصل في اليوم حصه و لا اثنين
الحين الأبله صارت المشرفه على الفصل و مبلطه كل الوقت وداقة لها خيمة بوسط الفصل
في السنه الثانيه صار عندي تبلد حسي خصوصا بعد ما بديت استخدم سدادات الأذن بالأضافه لشعور غبي هو اني حسيت اني عايد ثاني ابتدائي