عـلى ثـمـر قلبـي فـقـدتـه من البيـت
ابـنـي عمر مـا عـاد شـفـتـه ولاجـان
جان الخبر مـن واحد ليت ما أوحيت
فـجـيـعـة شبـت عـلـى القلـب نيـران
يا لـيـت ماحل الـقـدر لـيـت يالـيـت
يا لله دخيلك من صواديف الازمان
الناس سبب صبوا على نارنا الزيت
حـره بـقـلـبـي يـلـتـهـب تـقـل بـركـان
دنـيـا الـعـنـاء فـيـها تـعـبـت وتعنيت
وضـاقـتـبـي الـدنـيـا وشـره تـوطـان
لو هي صفت لك ماتخليك لا أبطيت
تسقيك من كآس العناء ملح قطران
تخطي عليك الناس لو كنت ما أخطيت
دنـيــا الـبــلاوي طــبـعــه دوم فــتــان
قـالـوا ترى ابنك انصدم والولد ميت
وتـخـلـف الله في عـمـر مـات يا فلان
صرخت صرخة تفجع الناس و أقفيت
و أقـفـيـت أصـيـح و اجتلد تقل وجعان
مـحـد يـلـومـن لــو بكيـت وتـمـاديـت
أبكي على ابني يا هل العرف ولهان
من كـثـر ما هـلت دمـوعـي تـراديـت
وأصبحت من شد البكاء تقل مرضان
لـو الـبـكـاء ينفع بـكـيـت وتوصيت
مـيـر البكاء ما فاد مـن قـبـل عـلان
المشـكـى لله عالم ســر ما أخـفـيـت
يجبر عزاء أمه والعشيرة والأخوان
لا جــاء القــدر مـا تـدفـعه لــو تتقيت
ولا يدفع المحظور لا جاء القدر كان
مـنـول لا جــاء بــشـوفـه تـهـنـيــت
يـجـلـي هـمـومـي لا تـكـلـم و حاكان
ما يغيب عن بالي ولو كنت صديت
يا كيف أبنسى اللي فلا هوب ينسان
ما لك عن المقسوم ولو قلت سويت
أسوت سوات اللي بنى سبع الأركان
يا اللي فرضت الصوم صمنا وصليت
تـجـعـل لـنـا فـي آخـر الـعـمـر غفران
لا شـفت أنـا ثـوبه عن البيت هجيت
مـتـمـزع ثــوبـه مــن الـدم غـرقـان
مـا كـنـه إلا ثـايـرن بـه دنـامـيـت
الحادثة يسخف لها رحمة انسان
الأمــر لله عـالـم بـسـر ما اخـفـيت
هو الذي بيده تـصاريف الازمـان
شالوه من فوق النعش عقب ماجيت
راحـو بـثـمر قـلـبي مغـطى بـالاكفان
أركرض ابلحقهم وعن الدرب زليت
مـوكـب جـنــازتــنا تـعـجل وخـلان
نـكست أنا للـبيت ولا عـاد دليت
ولا عاد اميز مسلكي تقل عميان
وصــلاة ربــي عـد مـن حـج البيت
على النبي راعي الفضيلة والاحسان