ماهو أفضل(( رز بشاور)) وماهي أفضل طريقه لطبخه ؟؟؟

[بنت بريدة سابقا]

انا من واقع تجربتي يااخ بدر انه افضل رز هو باب االهند وتلاقي صغير منه ب7 ريال عشان اذا ماعجبك تغيرة المهم طريقه الطبخ اضافه الماء بالتدريج تلافي للمطاريس مع زبده او سمن اللي تفضل 00 اتمنى اني افدتك

[بدرالوابلي]

بنت بريده سابقا
الله يعطيك العافيه ............

[سحابة مزن]

رحمها الله رحمة واسعة
والمعذره لتقليب المواجع
واكررافضل رزهوالمهيدب

[بدرالوابلي]

سحابة مزن :
معذوره ... والشكر كل الشكر على تعقيبك .
تحياتي وتقديري .

[العصامي]

خذ أرز بشاور ( يلدا ) وماجاك عندي أروع أرز على الإطلاق لكن لاتأخذ اللي عليه رسمة شماغ 00

أنــا من هواة البشاور ماشفت أروع منه

[بدرالوابلي]

الأخ العزيزالعصامي =
على مسئوليتك نبي ناخذ بنصيحتك وان طلعت الدعوى ماهناش؟ ترى الرزعلى حسابك !!ok

تسلم يالغالي .

[فراشة الالماس]

(بـــــــــــــــــــــاب الهنـــــــــــــــــــد) وبس
وتراه يجي نوعين وانا اقصد للي يكون بدل الخيش ورق متين مع الطبخ حبته طويييييييييييييييييييله .

[بدرالوابلي]

فراشة الألماس...

باب الهند به نوعين واحد قرطاسته خضراء والثاني عنابيه ....جربنا العنابي طلع كذا

مشكوره والله يعطيك العافيه ........

[فيحاء15]

باب الهند بلا منافس

[بدرالوابلي]

فيحاء 15
يعطيك العافيه ومشكوره.

[بدرالوابلي]

لفائده تم الرفع ..

[هتوفي]

الله يعطيك العافيه على فكره رز البشاور مايبي تنقيع اغسل وكب وشكرا.

[بدرالوابلي]

اقتباس:  المشاركة الأصلية كتبت بواسطة هتوفي     الله يعطيك العافيه على فكره رز البشاور مايبي تنقيع اغسل وكب وشكرا.

هتوفي ....نصيحه من خبيره بالتأكيد ...تنقيع يعني تربيص <<<بلهجتنا صح ؟؟؟ تحياتي لك .

[منـوّ]

باب الهند احسن شيء
ولو تنقعه شوي بماء حار بعد تكون الحبة طويله اكثر ونكهه افضل
وطريقه طبخه انا اسلقه زي المكرونه بعدين انشفه واحط عليه زيت او زبده الذ الى ان يتبخر ...

[بدرالوابلي]

اقتباس:  المشاركة الأصلية كتبت بواسطة منـوّ     باب الهند احسن شيء ولو تنقعه شوي بماء حار بعد تكون الحبة طويله اكثر ونكهه افضل وطريقه طبخه انا اسلقه زي المكرونه بعدين انشفه واحط عليه زيت او زبده الذ الى ان يتبخر ...

...............وقطعت (منو )قول كل خبير ...........تحياتي لك .