نسيتي المزح بالقبه ** ونسيتي لعبنا الطبه
نسيتي كشختي دايم **بثوب دوبلين خبخبه
نسيتي غترة الملل** تغطيني تقل جبه
نسيتي الركض بالطايه ** لا صار بدارنا شبه
لاجابو فضلة القرصان ** نتسابق ودنا نلبه
نسيتي ازعاجنا لمك ** وهي بالحوش منكبه
نسيتي معلف ام العوف ** تظفينه وانا اكبه
نسيتي ثوبك التنتر ** وغيضك لانقطع حبه
لاجابت امك الوازلين ** نهج للحوش ما نحبه
تبي تدهن قوايمنا ** وحنا نهوش ونسبه
نسيتي بسطة عزيز ** الي جا العصر بالقبه
نسيتي خرطه الماصل ** يجيب الحكي من عبه
نسيتي القربه الشنه ** وماها البارد نتفه
نسيتي قولك معصقل ** وانا اعيرك يالدبه
نسيتي نعالنا التليك ** هي الموتر ونلعب به
نسيتي من كثر ركضك ** انا مسميك يالذبه
نسيتي موعد الحنا ** الى جا صابكم خبه
نسيتي طيحتك بالليل ** وهي ظلما وانا السبه
نسيتي اكلنا الهبود ** نتناقر والسبب حبه
وامك لاتهاوشنا ** تحط بعيوننا شبه
نسيتي ثوبك الكرته ** ننكت فيه ونشبه
نسيتي كحة المذن ** قبل ما يذن ينبه
نسيتي تريكنا المصنق ** ننفخه قبل ما نشبه
وندعي الله يا كود العنز** تجيب وليد نلعبه
العرض العادي
