[align=center]ماتقبلت الفــراق وماليدي فيه حيـله
آآآه لو إن الظروف المقبله تكشف قدرها
لو يعرف الشخص منا وش مع الغيب بيجي له
كان جنبنا المشـاكل قبل يوقع ضررها
ماهقيت الليله إللي جابت الفـرقا طويله
ليلة أمس بعيني أطول من شهرها
والعـذاب إللي يذوب بعين من يفقـد خليـله !!
عندي أكبـر من عذاب العين لو تفقد نظرها
والحبـيـب إللي صدوده مثل مداته جزيله
لاصـد عني واعرفه لاصـد عن حاجه هجرها
كن روحي يوم حست في بعاده وصعب نيله
بشرتني بالضيـاع وشدت العزم لسفرها
مارحمها من هلاك وما تقبلها دخيله
تحتضر قدام عينه لين ماتت من قهـرهـا
عاد ليت إللي ذبحها وارهب الموت بوسيله
ما دفن وجه الضحيـه والسكاكين بنحرها
ليت قلبه يوم سوى فعلته كمل جميله
لو غسلها من عروقه وبكفن صدره قبرها
من حفر بضلـوع قلبه حفرة تكفي قتيله
ليه ما يدفن قتيـله بضلوع إلي حفرها ؟!
رحت أسولف للجبال الصم عن قصة رحيله
ماتركت متونها الا ينحت الدمع بصخرها
له علي ان طاح من عيني أشيــله
ولي عليه إنه يرجع لبتساماتي ثغرها
لوطعوني بالسكاكين تشفي غليله
لاشتريها من عذابي وادفع بدمي مهرها
وإن نسيت إني زرعت العشق وحظـوظي بخيـله
مانسيت أن العطايا تستحق إلي شكرها
صعب القى شخص مثلك يحتضن قـلبي ويشيله ..[/align]