البنات بطاقة شحن.. والشباب (لا تعليق)..

[خطاوينا]

[align=center]:
:
مرة تغير رئيس تحرير جريدتنا..
سمح بنشر مقال يمس (ناس ما تنمس).. وتم فصله تحت ضغط عنيف..
المهم داوم رئيس التحرير الجديد..
وبعد ثلاثة أيام من دوامه..
ناداني في المكتب..
وقالي يا خطاوينا..
أنا أبغى ثورة في الصحافة..
شغل أول استقبل ودع.. دشن.. ذكر.. ما عاد ابغااااه..
أنا بصراحة عندي قنبلة.. ودي أفجرهااا "قلت في نفسي حشا هذا مو رئيس تحرير.. هذا انتحاري".
رديت عليه وقلت " وش القنبلة" (مصنوعة يدويا والا شووووو)
قال لا "قنبلة صحفية.. وبفجرها في وجه المحافظين"
قلت: وشلون انا ما استوعبت..
قال هي قضية خطيرة.. ولا ينفع لها الا انت.. انا سمعت عنك كثير.. وأعجبني الكلام اللي حكوووه الزملاء عنك.. واتشرف انك تعمل تحت رئاستي..
قلت الله يسلمك.. وش سمعت طال عمرك.. (بطبعي احب المدح)..
قال: سمعت انك اصيع واحد في الجريدة.. (أمحق مدح)..
قلت والله يا ريس أنا مو صايع.. بس انا صريح..
لما احط السماعات في أذني.. ويسألوني وووش تسمع..
اقول على طول أليسا.. وغيري يسمع عائشة المرطة.. ولما يسألوه يقول انا اسمع اناشيد إسلامية..
ولما يضيق صدري وأبغى أغير جووو.. اقول بسافر للبحرين.. وغيري يكون مسافر معي ويقول لمدير التحرير انا رايح أخذ عمرررة..
رد علي المهم ما علينا.. انا ابغاك تشتغل على المنتديات والشاتات وتشوف أولادنا ايش يسووو.. وتكتب لي تحقيق صحفي..
قلت ابشر بس ابغى تكلف وحدة من الصحفيات تساعدني.. وتشتغل معي علشان نطلع تحقيق صحفي محترم ومترابط..
رد علي بحزم.. وقال: ما راح احد يساعدك.. حتى في الشغل ناوي تصيع...
طلعت مني " أأأأأأأأأأأوف.. وش في الناس دووووم يفهموني غلط"
قلت خلاص ما أبغى أحد.. من زين صحفياتكم خايفين عليهم...
:
المهم رحت لمكتبي وجهزت أيميل اصيد فيه الفرائس..
وفكرت في نكين خطيرين.. واحد بناتي والثاني ولادي..
المهم دشيت بنك ولد في البداية في شات.. وخذ يا رومنس.. كل تجاربي في الحياة جهزتها في تلك اللحظات...
اعترف إن البنات كانووو صعبات.. لأن المنافسة كانت شرسة... وصعبة جداااااااا..
المهم بعد اسبوع صدت وحده وعطيتها الإيميل..
وتمت إضافتي..
كان أول طلب منهاااا.. شحن بطاقة سواااا.. والله وأطمر وأجيب بطاقة بـ 200 ريال وأعطيها الرقم..
انا بصراحة كنت مووو مقتنع بالبطاقة..
بس قلت يا ولد المصداقية مهمة.. ولازم تضحي بميتين ريال علشان السمعة.. (كنت خايف ينتشر في الشات اني بخيل وأشوه سمعتي عند الفرائس)...
المهم السمعة الحلوووة انتشرت عند البنات.. وقدرت اتعرف على مجموعة مش بطالة..
اسبوعين وانا اسولف كانت الغالبية تحتاج بطاقات شحن وبس... وما كان عند البعض مانع انها تعرض مقابل بطاقة شحن...) المهم سجلت ملاحظاتي في ورقة.. وقفلت الماسنجر.....
:
نرووووح للشباب..
سويت إيميل ثاني وسويت نك بناتي خطيررر.. فيه شوية دلع وغنج..
بصراااحة وللتاريخ انا ما تعبت مع الشباب.. شبكت تقريبا كل الشات.. انهالت علي الإيميلات والجولات عبر الخاص بالهبل..
أضفت البعض.. لأني مو قادر ارد عليهم كلهم.. (منهم لله مخفات.. تقدر تلعب عليهم بصورة ونك بناتي)..
المهم انا استشفيت منهم أنهم يطلبون علاقات محرمة.. وما عندهم مانع يدفعون.. جاريتهم يومين وبعدين قفلت الماسنجر..
:
ودشين في كم منتدى بنفس النكين.. البناتي خط وردي والولادي خط ازرق...
للتاريخ... واجهت صعوبة في المنتديات.. بس الأمور بعدين صارت زي ما صارت في الشات.. وإن كانت أقل...
وواجهت تقريبا نفس الطلبات من الطرفين..
هناك بنات وأولاد كثرررر.. يبحثوووون عن الفائدة في المنتديات.. والأقلية نسخة مصغرة من الشاات..
:
وووووش رايكم في الجيل الجديد اللي بيقودنا بعد كم سنة..
شاكر لكم تقبل ثرثرتي..
تنويه:
انا لا اعمم.. اقصد فئة مش بطالة هذه اهدافهم..
:[/align]

[بــرمــودا]

ماش ياخطاوينا (خطخوطي) اسم الدلع ,,أثرك خربان بس اللي سويته حلو ,بس خوفي عليك من قضية التأثر والتأثير وتروح فيها مثل محمد العيسى بطاش ماطاش يوم كان صحفي وحب يكشف المتسولين وجلس يتسول ويوم شاف الفلوس تهل هل ,راح وقدم إستقالته من العمل
بس سؤال / البنيه اللي شبكت معاها وش أخبارها هالحين؟؟والشباب اللي شبكوا معك لهالحين تسحب فيهم؟؟؟
بالنسبة للجيل اللي يبي يقودنا بصراحة أنا لا أملك الإجابة ولاأريد أن أكون متشائما فأظلمهم ولامتفائلا فـــ,,,,,,,شكرا خطخوطي تراها بدل جيفوري

[عجوز سمنسي]

اهم شي رجعت بطاقات الشحن اللي اصرفتها على البنات من الكشابير ربعنا ؟

لاتطلع خسان بشي شوري عليك

والله يابعدي الكثير من البنات في الشات صارت تعرض عادي مقابل بطاقة شحن

البعض حدثني ان بعض هذه المقاطع المصورة للعرض تصوير وليست حقيقة ولهذا يكون بعضهم ذكيا بحيث يطلب منها ان تتحرك ويطلب منها حركات معينة بحيث يعرف انها حقيقية

وعاد الشباب حافين ومقطعين يبون اي شي المهم جسم واثارة ناعمة

الله يستر على بناتنا وشبابنا

[شموخ العز]

ودي اضحك على خرابيطهم بس اخاف الله يبلان مثلهم..
مير الله لابيلانا ويسترعلينا وعلى الشباب..!!

.

[خطاوينا]

[align=center]برمودا.. حياااااااااااك..

اقتباس: ماش ياخطاوينا (خطخوطي) اسم الدلع ,,أثرك خربان

لو سمحت خلك دقيق في مفرداتك ((أنا كنت خربااااان).. هههههههه..

اقتباس: بس خوفي عليك من قضية التأثر والتأثير وتروح فيها مثل محمد العيسى بطاش ماطاش يوم كان صحفي وحب يكشف المتسولين وجلس يتسول ويوم شاف الفلوس تهل هل ,راح وقدم إستقالته من العمل..

تصدق تولعت في الشات.. جلست ستة شهور فيه..
واحد من الزملاء متأثر بالبورصة..
يوم يشوفني مبحلق في الشات بعيوني..
كان يقول لي ((ابو خطوة تدري وين نقطة الدعم لشخصيتك..)) قلت وين..
قال نقطة دعمك للاسف صفر.. ويا خوفي تكسرها وتبدا تلعب في السالب..
:
ترى الكلام ذا زمان يعني هالحين عاقل مرة.. وامشي جنب الحيط.. هههههههه..

اقتباس: بس سؤال / البنيه اللي شبكت معاها وش أخبارها هالحين؟؟والشباب اللي شبكوا معك لهالحين تسحب فيهم؟؟؟

بصراحة حذفتني.. لاني ما صرت اعطي بطاقات..
كانت بطاقه وحده لزوووووم التحقيق..

اقتباس: بالنسبة للجيل اللي يبي يقودنا بصراحة أنا لا أملك الإجابة ولاأريد أن أكون متشائما فأظلمهم ولامتفائلا..

بصراحة انا متشائم..
شاكر مرورك..[/align]

[نـدى الـورد]

لاحول ولاقوة الا بالله


,

[نـدى الـورد]

تصدق عورت قلبي...!


,

[فيصل...........]

ياراكل الدعوا كلها عشرة ريالات

ادفعها ممكن تحصل من وراها اجر

بعدين اسمحلي اذا كنت خارج الموضوع

مالي نفس اقراء

[خطاوينا]

اقتباس:  المشاركة الأصلية كتبت بواسطة عجوز سمنسي     اهم شي رجعت بطاقات الشحن اللي اصرفتها على البنات من الكشابير ربعنا ؟ لاتطلع خسان بشي شوري عليك والله يابعدي الكثير من البنات في الشات صارت تعرض عادي مقابل بطاقة شحن البعض حدثني ان بعض هذه المقاطع المصورة للعرض تصوير وليست حقيقة ولهذا يكون بعضهم ذكيا بحيث يطلب منها ان تتحرك ويطلب منها حركات معينة بحيث يعرف انها حقيقية وعاد الشباب حافين ومقطعين يبون اي شي المهم جسم واثارة ناعمة الله يستر على بناتنا وشبابنا

بصراحة شحنت لليماني اللي في الاستراحة من واحد..
بس اللي شحن بخيل.. نا شحن الا بعشرة ريال..
من ناحية شبابنا حافين فهذه ما اقدر انكرهاااا..
شاكر مرورك..
سجل اعجابي بنبلك ووضوحك..

[خطاوينا]

اقتباس:  المشاركة الأصلية كتبت بواسطة شموخ العز     ودي اضحك على خرابيطهم بس اخاف الله يبلان مثلهم.. مير الله لابيلانا ويسترعلينا وعلى الشباب..!! .

لا تضحكين.. الموضوع بصراحة يدمي القلب ما يضحك..
شاكر مرورك..

[خطاوينا]

اقتباس:  المشاركة الأصلية كتبت بواسطة أريج الحياة     لاحول ولاقوة الا بالله ,

الله يحفظ الجميع...

[أمــاسي ونص]

لاحول الله الله يعافينا ولايبلانا

[تالا miss,,,]

مالهم حاجه

[فتاة المستقبل]

خطــــــــــــــاوينا ..

أكــــــــــــــــــــــــــــــــــــــــــــــــ ـــــــره مشـــــــــاهدة واقعنا الحالي ..


وأكــــــــــــــــــــــــــــــــــــــــــره سمــــــــاع أحداث زمننا هذا ..


لذلك أحــــاول قدر الامكـــــان أن أتعامي وأصم أذني ..عن حال فتياتنا وشبابنا المدمي ..



واقع يسبب ليأحبـــاط ..
إحباط ..
إحباط ..
..إحباط
[/..إحباط ..
قلبي لايحتمل أكثر ,,أخاف أن ينزف دما لايمكن أن يتوقف ..

[إخلاص]

اقتباس: وووووش رايكم في الجيل الجديد اللي بيقودنا بعد كم سنة..

أخي خطوينا قل امين ربي يجعل هذه النوعيه في آخر الركب .