الـــورد
***
كـان قـولـي هــزّ قـلـبـك سامحيـنـي
*** مـن يـهـزّ الــورد مـشـتـاق لـشــذاه
يـاحــلاة الـلــوم مــنّــك عاتـبــيـنــي
*** وحــلاة الــورد حـتّـى فـــي قـســاه
كــل مـا ضـامـك زمـانـك حاسبيـنـي
*** قـلـبـي الـجــانـي وكـلّــه مـــن وراه
لايــردّك طـيـب ظــنـّــك واحرقـيـنـي
*** احـرقـيـنـي يـا بـعــد كــــل الـحـيــاه
بحتـرق لـك كـلّ لـحـظـه ساعـديـنـي
*** مثـل مـخـطـي بعـد مــا بـيّـن خـطـاه
وأتـأمّــل .. وأتـرجّــا .. تعـذريـنـي
*** مــرّه باالنـظـره .. ومــرّه باالـشفـاه
كـلّ ماجيـت اعتذرلـك .. قاطعـيـنـي
*** واصرخي صرخـة زعـلّ في منتهاه
لـو أجـي كـلّـي عــذر .. لاتقبليـنـي
*** بــرّدي قلـبـك .. تــرى كـلّـي فــداه
وإن بكيتي غصب عنّك .. عانقيني
*** واشهـقي شهـقـة شره مليـااان آآآه
عـانقـيـنـي واتـركـي لهـفـة حنـيـنـي
*** تـمـسـح ادمـوعـك علـى كـل إتـجـاه
بـعـد هــذا يـبــدا دوري واتركـيـنـي
*** اروّي الـورد الـلـي ذابـل مـن هـواه
***
وسلامة قلوبكم
اتمنّى ان ترتقي لذائقتكم