اوافق .....؟؟؟ ابي شوركم !!!!!

[هلاوين]

اقتباس:  المشاركة الأصلية كتبت بواسطة إيثــــار     قتاله اعرف لك واحد معيش زوجته بجحيم وخواتوهـ مدللهن وصاير زي السواق وصرافة الراجحي لهن وهن متزوجات وعندهن رجال يهفون عليهن هف مو دليل والنفسيه ماحد يدري فيها الا الحرمه بعد الزواج اذا عاشت معه والا اخوياهـ وربعه امدحني وامدحك والله انهم انذال اذا جاء ابو البنت يسال عنه رقوهـ السماء وكذبوا عشان يرد لهم المعروف بعدين يالله لو تنشل الديرة كلها نشل عشانه سيف اني اكرهم هالرجااااال الله ينشلهم عن الارض

والله استغرب الزوج اللي يسوي كذا ماقد جلس يفكر بنفسه ووضع زوجته مكان اخته او بنته ,,,,,, هل يرضى ظلمها او قهرها .

الله ينصر كل من ظلم .

[الصيااد]

اقتباس: وررربي خاااااااااااااااااااااااااايفه فوق الوصف والتوصيف اعتبروني وحده من خواتكم لو بدعوه ادعوووووولي

اختي

البرص عيب شرعي ولا انصحك تتزوجينه ..

الله يشفيه وانتي الله يرزقك واحد احسن منه ...

التزمي بالصلاة واكثري من الاستغفار وابشري بالخير ..

[الصيااد]

اقتباس: والله انهم انذال اذا جاء ابو البنت يسال عنه رقوهـ السماء وكذبوا عشان يرد لهم المعروف بعدين

إني اعوذو بالله من هذا التصرف ...كيف يرضاه مسلم ؟!

والله العظيم لو جاني شخص يسألني عن نفسي لا افتيته بالحق ... اسأل الله الثبات على ذلك ..

[زعامتي عنواني]

شيلي حق الثانوي من راسسسسسك لويبيك كان رجع
وخوذي هذاا ان شاء الله بينسيك ابو الثانوي والمتوسسسط

[عناية بالبشرة]

اقتباس:  المشاركة الأصلية كتبت بواسطة ضمير بريدة     ما شاء الله المنتدى مليان من المستشاريين !!!! أقول يا بنت الناس في المنتدى قسم خاص بالاستشارات روحي واكتبي هناك وخذي رأيهم أزين من التشتيت اللي هنا

لا تتهاون في آراء الاعضاء اخوي ضمير .. تدري انها أفيد واكثر تنوع في الخبرات من مستشار واحد بعض
آرائه من (جنب الصواب) من وجهة نظري المتواضعه اللي على قدي ..؟؟؟
التنوع في الحلول ونقاشها افضل

لا تاخذ برأيي هذا ..
روح بنفسك وإقرأ المشاكل وحلولها هناك في قسم الاستشارات



لي عودة في رد تالي برأيي عزيزتي حكايه
واتمنى تتقلبي النصيحه والمشورة لانك هنا توسعي صدرك وإلا اللي
بالراس بالراس






:

[عناية بالبشرة]

< بشتغل فوزيه الدريع


>> عزيزتي حكايه .. انت الآن بعد ايام الثانوي.. دخلتي الكليه وتخرجتي ..وتوظفتي.. كبرتي
ونضجتي وصرتي تفرقين بين الصح والغلط ..محسوب عليك خطاك في هذا العمر

فكيف عزيزتي تتكلمي عن خاطب ايام الثانوي (هذا ان كان فعلا متقدم ومردود)
- واذا كان فعلا متقدم ومرفوض فأهلك عزيزتي ادرى بمصلحتك ايامها..
الشاب وقتها غير مؤهل نهائي انها يرتبط ويتزوج ..!

الآن مرت السنوات ..
وتقدم لك خاطب جديد لكن (تذكرتي) خطيبك القديم ..؟؟ ( )

!!
اسمحي لي اقولك عزيزتي حكايه انك غير صريحه في طرح مشكلتك ..
هذا الشاب الحبيب العاشق اللي ( شاريك ) لازال موجود في حياتك صح ..؟
ماراح افصل اكثر في هالمسألة واحرجك .. ولكن متأكدة ان هذي هي الحقيقه
اللي ما تستطيعين تصرحين فيها للاعضاء خوف من نظرتهم وانتقادهم ..

ولكن عزيزتي نصيحتي ان كنتي فعلا تطلبين النصيحه وبتقتنعي بحلولنا
فشاب ايام الثانوي أولاً عزيزتي انسيه .. وتخلصي من ذكرياته .. وابدي صفحة
جديدة في حياتك ..واعرفي قيمة نفسك ولا تتعلقي في أي انسان وتربطي مصيرك
فيه ..أؤمني بأن اللي الله كاتبه لك بيصير لو شو ماعملتي ..
ماحاصلك إلا اللي الله قاسمه لك من الرزق..
وأنت ألف من يتمناك عزيزتي والمستقبل قدامك طويل ومفتوح
ومشرع ابوابه انت اجزمي وغيري حياتك ..


بالنسبه للخاطب الجديد

فأولا عزيزتي ماعليك من حلول الاعضاء هنا بهذا الخصوص اللهم حل الاخت قتاله
والاخ الصياد ..
الرسول صلى الله عليه وسلم قال عزيزتي من جائكم من ترضون دينه وخلقه فأنكحوه
وانت استخيري وادعي الله واكثري من الاستغفار والدعاء الصادق واعتزلي مؤقتا
صحابك والمنتدى يومين ثلاثه اسبوع لتصفية ذهنك لاتفكري إلا في هذا الخاطب ودراسة
مناسبته وظروفه لك .. ناقشي هذا الامر مع من تقين فيه من اهلك ..اجلسي مع اخوك
الكبير وناقشي موضوعك معه ..

اما السلبيات اللي تكلموا عنها الاعضاء في الرجل المتزوج فهي ماتعمم على كل الرجال
اللي يحب مرته الاوله او انه مايقدر الثانيه كثر تقدير الاوله هذا غالبا اللي في سن الاربعين ..
فللا تخلطي بين الثلاثيني والاربعيني في هذي المسألة .. الاربعيني يتزوج ام 20 سنه
مو للاستقرار والزواج ..هو متزوج ومستقر من قبل لايجيك ..؟؟
لكن زواجه للتنويع في الفراش فقط ..رغبة الاربيعيني في الزواج للجنس مع احترامي
لكل اربعيني .. ولا اعمم طبعا ..لكن هذي الغالب فيهم في هذا العمر.

أما زواج الثلاثيني الثاني فهو عن رغبة حقيقية للتعدد وعنده قابليه للعدل والمساواة في
الحقوق .. ولا يفرق بين زوجاته اذا عدد.. فاللي طبعه من الاصل يميل للتعدد في الزواج هذا عنده
استعداد وقابليه للعدل ..وقابليه للتعديل في سلوكه ان ماعدل..
المعدد الحقيقي يعدد في سن الثلاثين واواخر العشرين ..
لكن اللي تقدم فيه العمر اربعيني وخمسيني وراح يتزوج فغالبا صعب عليه يعدل فإما انه يميل
للاولى او للثانيه ..والله اعلم .. ما اعمم ولكن هذي وجهات نظري ..

اما البهاق فالطب الحديث تقدم وماعاد فيه خوف من مثل هذي الامراض
فكل من كان فيه بهاق او عدم تناسق في لون بشرته او فيه اثر حروق الى خرة
عمل لها ليزر واختفت ..والعيال ماعليهم ان شاء الله خوف من المرض

وانت لك حق برفض الخاطب لهذا السبب .


موفقه










:

[مستقل]

اهم شي ان ترتاحي اليه

الاستعجال في الخطبه سبب لحرق الاوراق

الخوف من مضي العمر سبب للتنازل

الزوج اقسام واحكام وكل رجل كتب الله له زوجته

قريب لي تزوج وهو انسان عاقل ومؤدب وحشوم وخدوم للمرأه

تزوج من امرأه ولم يرزق منها بولد

طلبت منه الطلاق وعاش عيشه صعبه جدا لانه متعلق بزوجته

الان لم يجد المرأه المناسبه ويعيش نار الصدمه

بعض الناس يكتب الله له التوفيق بزوج وبعضهم يكتب الله له التوفيق بالاولاد والزوج سي

اعتقد جازما ان الازواج الصالحين عند الله في ( خزائنه ) والزوجات الصالحات عند الله في ( خزئنه ) فعليك بالتوكل وحسن الظن بالله والدعاء

حاولي التعرض للخطبه في المناسبات في افراح حتى تعرفك النساء

واعلمي انه قد يخطبك عشره وترغبين بواحد لايخطبك ولا تتزوجي الا الحادي عشر

فالزواج شي ومن يخطب شي ومن نحب شي

[مستقل]

نسيت ان اضيف شي مهم

وهو عدم القلق الزائد على الخطبه والزوج الذي اشمه من كلامك

عليك ببذل الاسباب كما ذكرت

تعرض للخطاب بحيث تحضري في المناسبات وفي حلق الذكر والقران بحيث يعرفك اكبر قدر ممكن من الناس

ثم سؤل الله بالحاح ان يرزقك الزوج الصالح

ثم ( حطي ابطنك بطيخه صيفي ) خلاص بذلتي الي عليك

دعاء وفعل اسباب يبقي الامر بيد الرب الذي قسم لك

يوم ان كنت في بطن امك زوجك سوف يأتي اليك راغما انفه

ولوكان في الصين او جزر الواق واق او في قعر البحار او في قمم الجبال سوف يأتي اليك

من العجيب اني اعرف رجل كل بناته تزوجن من خارج المنطقه

واحده في عرر والثانيه في الخرج والثالثه في الدمام والرابعه في القصيم والخامسه في الجوف والسادسه في الرياض

صاور كوكتيل ما بقي الا الحجازي والجنوبي ويتم العقد

سبحان الله كل واحده ورزقه جاب الله العريس اليها غصبن عنه كما يقال

لذا اختي ارتاحي واطمئني وضعي هذه القاعده امام عينك ( لو تركض ركض الوحوش غير رزقك ما تحوش )

والعريس رزق والارزاق ( مواهب ما هيب مناهب ) يعني هبه من الله ماهي بالقوه والعفرته

[عناية بالبشرة]

متابعه لك دائما ..تعجبني افكارك ووجهات نظرك مشرفنا المستقل .
بارك الله فيك وكثر من امثالك .








:

[مستقل]

اقتباس:  المشاركة الأصلية كتبت بواسطة عاشق ديرتي بريده     راح اعتبرك اختي لانك قلتي اعتبروني اختكم لوكنت ولي امرك ماوافقت على الاثنين اصبري وادعي ربك يرزقك انسان يريحك ورزقك راح تأخذينه كامل عيشي حياتك وانبسطي لين يجي رزقك ويطق باب بيتكم الله يوفقك ويستر عليك دنيا واخره

مع هذا الراي

معه لان المطلوب عدم القلق الزائد على العريس عند بعض الفتيات قفولك عيشي حياتك وانبسطي الى ان يأتي الله بالرزق جيد

انا اريد ان اسأل لماذا كل هذا القلق ؟؟

هل ينفع القلق ؟؟ وهل يجذب العريس ؟؟

هناك اعتقادات خرافيه عند البنات

من مثل انا مالي حظ او متخوفه من العونسه

وماله يا اختي العونسه احسن من المروج والفاسق وشارب الخمر

الان انا اعرف زوجه خلعت من زوجها بالامس اي والله ولها منه ولد وبنت وعلقها خمس سنوات وكان يحبها لكن كان سكير شارب للخمر ويضربها ضرب الحيه ( وش الفايده من رجل يحبك لكن يضربك ويهينك بيت ابوك احسن ) مو كذا

واعرف اختها ايضا لها سبعه من الاولاد وهاربه من زوجها في بيت مسأجر لانه شارب للخمر

كان ابوهم لايسأل عن الرجال وفي النهايه تقول ( العزوبيه ولا زوج السؤ ) وتقول ( اعيش على صدقات الناس ولا اعيش عند همجي )

اذن يا اختي ريحي ادماغك واحمدي ربك

وخلينا نفرض اسؤ احتمال ان الله لم يكتب لك زوج ( وان شاء الله بتتزوجين ) لكن خلينا نفرض اسؤ احتمال

شو بتعملي يعني تحرقين نفسك خلاص يعوضك الله ابزوج بالاخره

انا اعرف رجال لم يتزوجو الى الان ومنهم ابناء جيراننا هل تصدقين ان الكبير عمره خمسين ولم يتزوج الى الان

وتحته ( سته من الذكور ) لم يتزوج منهم الا اثنان والثلاثه اعمارهم ( خمسين - اربعين - خمسة وثلاثون ) ولاعندهم طاري يعرسون

ولما اقولهم ليس ما تعرس ( يا الصمل ) وهي عباره تطلق على العانس من الرجال يقول لي ( فال الله ولا فالك احرامك والجبل احسن ) شفتي وانا اخوك اذن ريحي ادماغك اهم شي مثل ما قلت لك ( تعرض للخطاب وعليك بالدعاء والرقيه ) وخلاص ريحي ادماغك

واذا كنت خايفه من فوات عريس الدينا فلك اسوه بمريم بنت عمران لم تتزوج

وماذا نفع اسيه بنت مزاحم حين تزوجت من فرعون وقالت ( رب ابني لي عندك بيت في الجنه ونجني من فرعون وعمله )

[متى ياحلم تتحقق]

اختي الكريمه انا ماسجلت بالمنتدى الا بعد ماقرات موضوعك اسمعي حبيبتي كلام مستقل وتحدوها البشر كلام صحيح
بس اقولك ان الشخص الي تقدم لك الي على قولتك بالثانوي انسيه مره والخاطب الثلاثيني استخيري مره ومرتين وثلاث ، وبعدين انتي مو صغيره والفرصه يمكن ماتجي الا مره وحده والله اعلم، واعرفلك بنات كثير مثل عمرك رفضوا والحين اعمارهم 36 ماتزوجوا وندموا وتمنوا ان الايام ترجع

[عبير سليمان]

صلي ركعتين
واقري دعاء الاستخاره
الله يوفقك ويوفقنا

[عزف الحقيقة]

أختي الكريمة

مازلتي صغيرة

ومازال المستقبل امامك للحصول على زوج يناسبك

لأن كلا من تحدثتي عنهم لايناسبك

تمنياتي لك بالتوفيق

[&سفآنه&]

أختي إذا تبين رأيي لاتوافقي على
المتزوج لأنك راح تتعبي معه وله بيت
ثاني وعيال والعيشه تراه صعبه مع المتزوج حتى لو عدل وأنتي لسه صغيره وان شاء الله
يرزقك الله الشاب الصالح قريب من عمرك
وتعيشي معاه أهنأ عيشه يآرب

[وقفة تأمل]

أولاً أسأل الله لك ولجميع فتياتنا الزوج الصالح الناصح

ثم أختي الكريمة من خلال قرائتي لهذا المتصفح وجدت أن الأخوة طرحوا بثمار عقولهم إليك.
وكلٌ منهم يتمثل برأيه ولكن لاتنسي أن الأساس هو رأيكِ أنت فلا أحد منا يعلم من أنتِ إلا أنتِ
أغلب الأصوات هنا نادت با لتريث وانتظار الأفضل ولكن قد لا يأتي الأفضل فالقياس بين الأزواج
أجده سذاجه هناك أساسيات تتمناها الفتاة في زوجها المرتقب وأخرى ثانوية
فإذا وجدت ماتريدين فتوكلِ على الله
وعليك بوصية الحبيب عليه السلام ( الدين والخلق )

وفقك الله