[poet font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
خلاص أببعد .. دام فـ البُعد راحه = ودروبنا صارت علينا صعيبه
خلاص أببعد .. غصب ماهي بجاحه = وإلا الأمل إنّا حبيب وحبيبه
كنت أرتجي فـ الحب نلقى إستراحه = خاب الرجى .. صرنا غريب وغريبه
هذا هو قلبي .. من يداوي جراحه؟ = من بعد (طبك) .. ما أهقي له طبيبه
يا شين قلبٍ غلقٍ بعد انشراحه = يا غلقةٍ خلت شعوري مصيبه
جتني همومٍ ما تركت بي مساحه = إلا إعترتني مثل نارٍ لهيبه
والحزن أقبل معلنٍ إجتياحه = أحاول أنسى .. بس قلبي يحكي به !
في تالي الليل والسما برق لاحه = اذّكرك .. ودموع عيني سكيبه
منتي نصيبي .. أرجو منك السماحه = مسكين منهو صار منتي نصيبه
فـ البُعد راحه .. بس ان الصراحه = في بُعد خلي .. ما حصل راحتي به !
[/poet]