اللي وده تصير سنعه .. تجي تشوف الطبخ الملكي .. !!

تركـي · 23-03-12, 12:18 am

السلام عليكم .....

طبعا الموضوع بااين من عنوانه ..

نعرف ان بنات هالوقت الأغلب منهن ..
مايعرفن الآ يزينن حلا .. ولا وتلقاه حافظته من خامس ابتدائي
من وقت النسويه بالمدرسة ..
والآستعانة بكتاب طبخ ..
وآفران ايطالية وآطباق قزاز وخدامه تساعده ووو ...
وتحضيرات .. اللي يشوفهن يقول تبي طبخ لعرس الليله مفاطيح
وهي بالأخير .. بسكوت جاهز ذااك ابوميزان
وحليب الحالي ذااك اللي تقل دبس .
وشوكلاطه جاهزه بس تصبه فوق الطبق
ويبقى التقطيع أو التقديم
وبعدين تمرررض 3 اياام
تقول انقص ظهري من الطبخ .. وابغاب من الكليه جيبو لي إستراحة مرضية ..
ايه وش بعد .. وتسذاا ..
وشسمه نرجع لموضوعنا الأصلي ..

هذي .. راعية السنع ..
العضوة / ياعين ابوي ..
له صولات وجولات بالمطبخ ..
ماشاءالله لااله الا الله عليه .. هللو له ..
جابت لنا طبخة وتحضير المطازيز بالكامل ..
نترككم مع الطبخة المشهورة ..
مطازيز القصيم .. مع المبدعة / ياعين ابوي ..

اليوم بتشوفون طريقة القصمان بالمطازيز من العجينه الى الغرف بالصحن

تفضلوا الصور مع الطريقه

هنا عجنت العجينه وطبعا الطحين بر او أسمر

هنا باقي المقادير خضار مقطعه كبير ولحم وشوية صلصه وطماطم مقشره ومطحونه وطبعا ملح وبهارات نسيت ماصورتها ,,,

هنا نقبطها صغير وندهنها بشوية زيت ونغطيها ب سفره نظيفه,,,

نحمس البصل بشوية زيت ونضع البهارات ,,,,

نضيف

نضيف اللحم على البصل ونحمسه معه ليما يتغير لون اللحم,,,,

هنا أضفت الطماطم المفرومه والصلصه ,,,,

نضيف الماء ثلاثة أرباع القدر ونضيف الملح ونوزن ملحه ,,,,

نبداء بتقريص كور العجينه بأطراف الاصابع وحجمها تكون مثل كذا ,,,

اذا خلصنا كل العجينه نضيف الخضار والفلفل الحار أنا ماكان عندي الا مجفف وليمون اسود,,, نتركه على نار هادئه جدا لمدة ساعه ,,,,

وبعدين نجفيه بالصحن ونزينه ب كشنة بصل وبالعافيه,,,,

هنا صوره خطافيه من فوق ,,,

وهاذي صوره مقربه,,,,

اتمنى انه يجوزلكم ولا تحرموني ردودكم .. <ترآآ بوب انا هذي ياعين ابووي آدعوو له على هالمطيزيزات ..

ام يزن · 23-03-12, 12:33 am

يؤيؤ
وش كل هـ المقدمه ؟؟

بس ابي اعرف انت ليه شايل ع البنات ؟؟
خليهم يعيشو حياتهم

النسويه بالمدرسة
هههههههه
بـ الله من وين طلعت هـ الكلمه ؟؟

,,,,

الله يسلم ايادي عين ابوها
و يسلم اياديك ع النقل
ربي يطعمك وحده مثلها واسنع بعد ,,

كروومه · 23-03-12, 12:33 am

واووو طبق يشهي على روحوه والله ماتلعبين ياعين ابوك

تسلم ايدينك على هالطبق السنع وشرفتي مطبخنا مرة ثانيه يالغاليه

وتسلم ياامشرفنا تركي على النقل وبنتظار اطبااق اخرى للمبدعه ياعين ابوها

وتستااااهلين التقييم يااعين ابوك !!!!!!!

كروومه · 23-03-12, 12:41 am

اقتباس:


	نعرف ان بنات هالوقت الأغلب منهن .. مايعرفن الآ يزينن حلا .. ولا وتلقاه حافظته من خامس ابتدائي من وقت النسويه بالمدرسة .. والآستعانة بكتاب طبخ .. وآفران ايطالية وآطباق قزاز وخدامه تساعده ووو ... وتحضيرات .. اللي يشوفهن يقول تبي طبخ لعرس الليله مفاطيح وهي بالأخير .. بسكوت جاهز ذااك ابوميزان وحليب الحالي ذااك اللي تقل دبس . وشوكلاطه جاهزه بس تصبه فوق الطبق ويبقى التقطيع أو التقديم وبعدين تمرررض 3 اياام

وش دعوى ياتركي كل هاذا بنا الله يسامحك والله انك حاط علينا

وش زيننا وش سنعنا بس ماحد مقدر هالجواهر الي عندكم لنا الله !>>اجل النسويه هههههه ياقدمك

تركـي · 23-03-12, 12:46 am

اقتباس:


	يؤيؤ وش كل هـ المقدمه ؟؟

آيه يقولون قابل الصياح بالصياح تسلم وانتن عااد
ماشاءالله .. لسان الوحده يوصل لعنيزه ..

اقتباس:


	بس ابي اعرف انت ليه شايل ع البنات ؟؟ خليهم يعيشو حياتهم

وانا ماسكهن مع شوشتهن ..
بس ترآآ قهر تصير كارفن بالدوآآم من الصبح ولا افطرت
واذا رجعت للبيت تقوول شكل خواتك مسويات لك انواع الآطباق
وآخرته تصفي على جبن سايل وتوست ..
ولا ودك تستعين بأميمتك والآ هي تكفي وتوفي بس ماودك تتعبه
هاللي بس مقابلاتن هالبلاك واللاب .. وماتقدر تلتفت .
ورآه ماتفسر آيدياته وتطبخ .. هاه ..< يزمرر ههههه ..

اقتباس:


	النسويه بالمدرسة هههههههه بـ الله من وين طلعت هـ الكلمه ؟؟

آندرري ..
هذي آمي هيله الله يطول بعمره .. اللي انا حفيدها المبجل ..
هي اللي قالته لي ..
مير وشي النسويه
ماده والآ فسحه والآ وش موقعه من الآعراب ..

اقتباس:


	الله يسلم ايادي عين ابوها و يسلم اياديك ع النقل ربي يطعمك وحده مثلها واسنع بعد ,,

الله يسلمك < بالنيابة عنها ..
لا هي بس طبخاته طعيماات ههههههه
ويالله ياللي تدافعين عن البنات
بنتحرى طبخة سنعه .. خل نشوف سنع صباا .. خانوم ..

تركـي · 23-03-12, 12:50 am

اقتباس:

المشاركة الأصلية كتبت بواسطة كروومه


	وش دعوى ياتركي كل هاذا بنا الله يسامحك والله انك حاط علينا وش زيننا وش سنعنا بس ماحد مقدر هالجواهر الي عندكم لنا الله !>>اجل النسويه هههههه ياقدمك

آفآآ من يقوول ..
كلش عااد ولا بنياتنا < آيه هين هههه

عااد انتي ياكروومه يقولون انك سنيعه مو سنعه
يعني قد زينتي قرصان هني ..

وشيكرن ..
على التقييم ..
وعين ابوي تستاهل ..
وان شاءالله بسوي لها ملف كامل لطبخاته ..

ايه النسويه آآجل اللحين وش اسمه ..
البنوتيه هههههههه

المنغره · 23-03-12, 12:51 am

تسلم الايادي ياعين ابوها
مطازيز روعه ماشاءالله

ياليت من وراكم مطازيزي عشان تتاكدون ان البنات يعرفن< خخخخ
شكرالك

تركـي · 23-03-12, 12:55 am

اقتباس:

المشاركة الأصلية كتبت بواسطة المنغره


	تسلم الايادي ياعين ابوها مطازيز روعه ماشاءالله ياليت من وراكم مطازيزي عشان تتاكدون ان البنات يعرفن< خخخخ شكرالك

الله يسلمك ياارب ....

ايه يالمنغره ..
عجلي نزلي المطازيز حقكم ..
بس لا تلعبين علينا تصير طابخته آميميتك وهمن تجين تقولين انا ..
لازم نشوف كل المواعين والتحضير
والآ مامنا ترآآ ..

ميعـاد · 23-03-12, 01:01 am

ماشاء الله وش هالسنع ياعين ابوهآآ
تســـلم يديك
مشكورر تركي ع النقــل

المنغره · 23-03-12, 01:02 am

اقتباس:

المشاركة الأصلية كتبت بواسطة تركـي


	الله يسلمك ياارب .... ايه يالمنغره .. عجلي نزلي المطازيز حقكم .. بس لا تلعبين علينا تصير طابخته آميميتك وهمن تجين تقولين انا .. لازم نشوف كل المواعين والتحضير والآ مامنا ترآآ ..

لاابد انا مزينته<تبين احلف
بس ماله داعي موضوع وهي الطريقه تقريبا نفسه
اذامافي مانع انزل الصوره هون عشان تتاكد

ام يزن · 23-03-12, 01:02 am

لسان الوحده يوصل لعنيز

ههههه
مو صحيح :/

وانا ماسكهن مع شوشتهن
لا
بس ما خليت كلمه مش كويسه الا وقلتها في حقهم
خليتهم رفلات و لسانهم طويل

بس ترآآ قهر تصير كارفن بالدوآآم من الصبح ولا افطرت
واذا رجعت للبيت تقوول شكل خواتك مسويات لك انواع الآطباق

قبل لا تطلع لـ دوامك اطلب منهم
واذا رجعت ما لقيت شيء
وقتها لك حق الزعل
مو بس تتنقد

آندرري ..
هذي آمي هيله الله يطول بعمره .. اللي انا حفيدها المبجل ..
هي اللي قالته لي ..
مير وشي النسويه

هههه
الحسنه الوحيده اللي فيك انو الشيخه هيله جدتك
النسويه ماده قديييييمه
انقرضت من عشرين سنه
حل مكانها ماده التدبير

بنتحرى طبخة سنعه .. خل نشوف سنع صباا

صبا ما في منها
ولا اسنع
لكن مشكلتها مزاجيه :/

* سوري مشرفات القسم ,,

تركـي · 23-03-12, 01:05 am

اقتباس:

المشاركة الأصلية كتبت بواسطة ميعـاد


	ماشاء الله وش هالسنع ياعين ابوهآآ تســـلم يديك مشكورر تركي ع النقــل

الله يسلمك ..

ميعاد .. ماشاءالله عليه ..
مهيب راعية مناقرر
سنعه .. بس ماقد شفنا شيء دسم له ..
آغديه تتسينع وتنزل طبخة دسمة ..

تركـي · 23-03-12, 01:07 am

اقتباس:

المشاركة الأصلية كتبت بواسطة المنغره


	لاابد انا مزينته<تبين احلف بس ماله داعي موضوع وهي الطريقه تقريبا نفسه اذامافي مانع انزل الصوره هون عشان تتاكد

ماينفع الهرررج ..
نبي دليل ..

ومامنا تقليد ..
نبي طريقتك بالصور ايه نزليهن هني ..
ترآآي ماقلت شيء هي اللي تقول ليت من شاف طبخي للمطازيز ..
ننتظر وماله .